အီးယူ၏ လက်နက်များ သိုလှောင်မှု ကုန်ခမ်းသွားတော့မည်လား
အီးယူသည် ၎င်း၏လုံခြုံရေးအတွက် ပိုမိုတာဝန်ယူရန်လိုအပ်ပြီး ရုရှားနှင့် ယူကရိန်းကြား ပဋိပက္ခကြောင့် ဖြစ်ပေါ် လာသည့် အားနည်းချက်များအတွက် ပြန်လည်ဖြည့်ဆည်းလုပ်ဆောင်ပေးရန်လိုအပ်ကြောင်း ဥရောပအစုအဖွဲ့၏ နိုင်ငံခြားရေးရာအကြီးအကဲ Josep Borell က သတိပေးခဲ့သည်။
ဤကဲ့သို့သော ချို့တဲ့မှုများ၏ အထင်ရှားဆုံးဥပမာမှာ ယူကရိန်းအား ကျွနိုပ်တို့ ပေးပို့နေခဲ့သော စစ်ရေး အထောက်အပံ့များမှ ထွက်ပေါ်သည့် စစ်လက်နက်ပစ္စည်းများ ကုန်ခမ်းလုနီး သိုလှောင်မှုဖြစ်သည်” ဟု Borrell က တနင်္ဂနွေနေ့တွင် ၎င်း၏ဘလော့ဂ်တွင် ရေးသားခဲ့ပါသည်။ သို့သော် “ယခင်က ဘတ်ဂျက်ဖြတ်တောက်မှုနှင့် ရင်းနှီးမြှုပ်နှံမှုနည်းပါးခြင်းမှ ရလဒ်အများအပြားလည်း ထည့်စဉ်းစားရဦးမည်ဖြစ်သည်” ဟု ၎င်းကထည့်သွင်း ပြောကြားခဲ့ပါသည်။
Borrell ၏ အဆိုအရ ဉရောပအစုအဖွဲ့တစ်ခုလုံးတွင် ကာကွယ်ရေးအသုံးစရိတ်သည် ၁၉၉၉ ခုနှစ်မှ ၂၀၂၁ ခုနှစ်အထိ ၂၀ % သာ တိုးလာပြီး အမေရိကန်နိုင်ငံအတွက် ၆၆ %၊ ရုရှားနိုင်ငံ ၂၉၂ % နှင့်တရုတ်နိုင်ငံ ၅၉၂ % တို့ အသီးသီး တိုးမြှင့်သုံးစွဲလာကြခဲ့ကြကြောင်း သိရှိရပါသည်။
ယူကရိန်းရှိ အဖြစ်အပျက်များသည် “ဥရောပလုံခြုံရေးအခင်းအကျင်း၏ အသွင်အပြင်ကို ပြောင်းလဲစေသည်” ဟု သံတမန်က အခိုင်အမာပြောကြားခဲ့သည်။ “ဥရောပမှာ အန္တရာယ်ကျရောက်နေပြီဆိုတာ သိသာပါတယ်။”ဟုလည်း သူကဆိုသည်။
ထိုသို့သောအခြေအနေမျိုးတွင် “အီးယူသည် ၎င်း၏ကိုယ်ပိုင်လုံခြုံရေးအတွက် ပိုမိုတာဝန်ယူရန် လိုအပ်သည်” ဟူသောအချက်မှာ “ခေတ်မီပြီး အပြန်အလှန်လုပ်ဆောင်နိုင်သော ဥရောပလက်နက်ကိုင်တပ်ဖွဲ့များ ဖန်တီးရန် လိုအပ်မည်ဖြစ်ပြီး၊ ပိုမိုမြင့်မားသော spectrum (နယ်ပယ်စုံ)ကို လှမ်းမျှော်ကြည့်ရှုကာ စွမ်းဆောင်ရည်နှင့် တပ်ဖွဲ့အင်အားများကို တိုးချဲ့ဖွဲ့စည်းရန်လည်း လိုအပ်မည်ဖြစ်ပါသည်” ဟု ထောက်ပြခဲ့ပါသည်။
နိုင်ငံများ၏ တစ်ဖက်သတ် လှုပ်ရှားမှုများသည် ရှိရင်းစွဲကွက်လပ်များနှင့် မလိုအပ်ဘဲ ထပ်တူထပ်မျှ ဖြစ်နိုင်သည့် အန္တရာယ်နှင့်အတူ “ငွေဖြုန်းခြင်း” ဖြစ်လာနိုင်သောကြောင့် စစ်ရေးတွင် ရင်းနှီးမြှပ်နှံမှုများ လုပ်ဆောင်ရာတွင် ပေါင်းစပ်ညှိနှိုင်းရမည်ဟု Borrell က သတိပေးသည်။
သံတမန်သည် ဉရောပအစုအဖွဲ့အား ၎င်း၏ ကာကွယ်ရေးတွင် လက်ရှိကွာဟချက်များအား ဖြည့်ဆည်း လုပ်ဆောင်ရန် မဖြစ်မနေ လုပ်ဆောင်သင့်သည့် အဓိကအချက် ၃ ချက်ကိုထုတ်ဖော်ပြောကြားခဲ့ပါသည်။ ၎င်းတို့တွင် ဥရောပအစုအဖွဲ့ရှိ တပ်ဖွဲ့များ၏ တိုက်ပွဲဝင်အသင့်ဖြစ်ရေးနှင့် စစ်လက်နက်ပစ္စည်းများ ဝယ်ယူဖြည့်တင်း သိုလှောင်ရေး၊ လေကြောင်းရန် ကာကွယ်ရေး၊ ဆိုက်ဘာနှင့် အာကာသအခြေစိုက် စွမ်းဆောင်ရည်များအား အဆင့်မြှင့်တင်ရေးနှင့် ပင်မတိုက်ပွဲဝင်တင့်ကားများကဲ့သို့ အနာဂတ်တွင် အရေးပါအဓိကကျသည့် စွမ်းဆောင်ရည်များအား တစ်ပြိုင်နက်တည်း ပူးပေါင်းတီထွင်ထုတ်လုပ်သွားနိုင်ရေးတို့ ပါဝင်ပါသည်။
“ဥရောပကာကွယ်ရေးကို တွန်းအားပေးရမယ့်အချိန်က အခုအချိန်ပါပဲ။ ကျွန်ုပ်တို့သည် ဥရောပကာကွယ်ရေး စက်မှုအခြေစိုက်လုပ်ငန်းများကို ခိုင်ခံ့စေရန်နှင့် လိုအပ်သော စစ်ရေးစွမ်းဆောင်ရည်များဖြင့် ဖြန့်ကျက်လုပ် ဆောင်နိုင်ရန် လိုအပ်လျက်ရှိပါတယ်၊ ကျွနိုပ်တို့ရဲ့ စစ်တပ်စွမ်းရည်ကို တိုးမြှင့်နိုင်စေရန်၊ နေတိုးအား ပိုမိုအားကောင်းလာစေရန်နဲ့ လိုအပ်တဲ့အခါတိုင်း မိတ်ဖက်နိုင်ငံတွေကို အကောင်းမွန်အပြည့်စုံဆုံး ပံ့ပိုးကူညီနိုင်စေရန် လိုအပ်ပါတယ်” ဟု Borrell က အခိုင်အမာပြောကြားခဲ့သည်။
မော်စကိုသည် ယူကရိန်းပဋိပက္ခတွင် အီးယူပါဝင်ပတ်သက်မှုနှင့် စစ်အင်အား တိုးမြင့်လာမှုကို ရှုတ်ချခဲ့ပြီး ဥရောပအစုအဖွဲ့သည် “ဒီအဖွဲ့ဟာ ဥရောပတိုက်ကို ကျော်လွန်ပြီး ရည်မှန်းချက်တွေ ဖြန့်ကျက်ထားတဲ့ ရန်လိုစစ်သွေးကြွ ကစားသမားကြီးအဖြစ် ရောက်ရှိနေပြီး မူလရည်ရွယ်ထားတဲ့ အပြုသဘောဆောင်တဲ့ စီးပွားရေး ပလက်ဖောင်းကနေ လှည့်ပြန်နေပါတယ်။”ဟု ရုရှားနိုင်ငံခြားရေးဝန်ကြီး Sergey Lavrov က ယခုလအစောပိုင်းတွင် ပြောကြားခဲ့ခြင်းဖြစ်သည်။ EU သည် “နေတိုး၏ခြေရာကို လိုက်သည်” ဟု Lavrov က အခိုင်အမာဆိုသည်။ အဆိုပါအဖွဲ့အစည်းနှစ်ခု ပေါင်းစည်းခြင်းလုပ်ငန်းစဉ်တွင် လုပ်ဆောင်နေပြီး အနာဂတ်တွင် EU သည် အမေရိကန် ဦးဆောင်သော စစ်ဘက်မဟာမိတ်အဖွဲ့၏ တိုးချဲ့မှုတစ်ခုအဖြစ် လုပ်ဆောင်သွားလိမ့်မည်ဖြစ်ကြောင်း Lavrov က ပြောကြားခဲ့သည်။
ရုရှားကို ဒဏ်ခတ်ပိတ်ဆို့မှုတွေအပြင် EU ကလည်း မော်စကိုနှင့် ပဋိပက္ခကြားက ကိယက်ဗ်ကို စစ်ရေးအကူအညီ ယူရို ၂ ဘီလီယံ ခွဲဝေပေးထားပြီး ဖြစ်ပါသည်။ “စစ်မြေပြင်မှာ ဒီစစ်ပွဲကို အောင်နိုင်ရမယ်” ဟု ဧပြီလတွင် Borrell က ပြောကြားခဲ့သည်။ ယူကရိန်းအား စစ်လက်နက်ပစ္စည်းများ ကုန်ခမ်းသွားအောင် အီးယူမှ ပစ်ထားမည် မဟုတ်ကြောင်း ၎င်းက ကတိပြုပြောကြားထားခဲ့ဖူးသူဖြစ်ပါသည်။
EU’s weapons stockpile depleted – Borrell အားဘာသာပြန်ဆိုပါသည်။
သက်ထူးခန့်ပိုင်(ရေနံချောင်း)
သေနင်္ဂမဟာဗျူဟာလေ့လာရေးအဖွဲ့
