(သုတကမ္ဘာဂျာနယ် အတွဲ (၆) အမှတ် (၅) ပါ ဆောင်းပါး ဖြစ်ပါသည်။)
အကြမ်းဖက်မှု တန်ပြန်နှိမ်နင်းရေးတွင်အတွက် ၁၂ ဒဿမ ၇ မမ ShAK-12 ချေမှုန်းရေးရိုင်ဖယ်စနစ်သစ်အား Rostec က ထုတ်ဖော်ပြသလိုက်ခြင်း
နိဒါန်း
သင်သာ ကွန်မင်ဒိုတစ်ယောက်ဆိုလျှင် အကာအကွယ်ကောင်းကောင်းယူထားသော သို့မဟုတ် ကျည်ကာကောင်းကောင်း ဝတ်ထားသော အကြမ်းဖက်သမားအား မည်သို့ ပစ်ခတ်နှိမ်နင်းမည်နည်း။
ထိုအတွက် အဖြေရှိပါသည်။ Rostec High-Precision Complexes Holding Company က မြို့ပြဒေသ အကြမ်းဖက်မှု တန်ပြန်နှိမ်နင်းရေးစစ်ဆင်ရေးများအတွင်း အနီးကပ်တိုက်ခိုက် ချေမှုန်းရန်အတွက် သီးသန့်ထုတ်လုပ်ထားသော ShAK-12 ချေမှုန်းရေးရိုင်ဖယ်စနစ် ဖြစ်ပါသည်။ ဤစက်ကလေးသည် ပြောင်းထွက်ရှိန် မြင့်မားသည် ၁၂ ဒဿမ ၇ မမ ကျည်များအား အတွဲလိုက် မောင်းပြန် ပစ်ခတ်နိုင်သော ထူးခြားသည့် လက်နက်စနစ်တစ်ခုလည်း ဖြစ်ပါသည်။
ShAK-12 ချေမှုန်းရေး ရိုင်ဖယ်စနစ်
ထို ShAK-12 ချေမှုန်းရေးရိုင်ဖယ်စနစ်သည် ၂၀၀၄ ခုနှစ် စက်တင်ဘာလက ဖြစ်ပွါးခဲ့သော ဘက်စလန်စာသင်ကျောင်း ဖြစ်စဉ်အတွင်း အထူးတပ်ဖွဲ့ဝင်များနှင့် အရပ်သား အများအပြား ကျဆုံး/ သေဆုံး၊ ဒဏ်ရာရသည့် ဝမ်းနည်းဖွယ် ဖြစ်စဉ်အပြီးတွင် မွေးဖွားလာသည့် လက်နက်စနစ်ဟု ယုံကြည်ရသည်။ ထိုဖြစ်စဉ်နှင့် အခြားစစ်ဆင်ရေးဖြစ်စဉ်များ၏ အတွေ့အကြုံများအပေါ် အခြေခံလျက် ရုရှား FSB ၏ အထူးတာဝန်စင်တာသည် Level မြင့် ကျည်ကာအင်္ကျီ အပါအဝင် ကျည်ကာအင်္ကျီဝတ်ဆင်ထားသော သို့မဟုတ် အကာအကွယ်အောက်မှ ရန်သူအား အနီးကပ်တိုက်ခိုက်ချေမှုန်းနိုင်ရန်အတွက် လက်နက်စနစ်တစ်မျိုး တီထွင်ထုတ်လုပ်ရန် ညွှန်ကြားမှုများ ပြုလုပ်ခဲ့ပါသည်။ ထိုသို့ထုတ်လုပ်ရာတွင် ပါဝင်ရမည့် အရေးကြီးသော အချက်မှာ လက်နက်၏ ပြင်းအားဖြစ်ပြီး ဥပမာအားဖြင့် စိတ်ကြွမူးယစ်ဆေးဝါး သုံးစွဲထားသောကြောင့် နာကျင်မှု ခံနိုင်ရည်မြင့်မားနေသော ရန်သူအားပင်လျှင် ကျည်အတောင့်ရေ အနည်းဆုံးဖြင့် ချေမှုန်းပစ်နိုင်ရမည် ဖြစ်သည်။
ထိုညွှန်ကြားချက်အမိန့်အား အကောင်အထည်ဖော်သူမှာ The Design Bureau of Instrument Engineering ၏ လက်အောက်ခံ The Central Design Research Bureau of Sports and Hunting Weapons (TsKIB SOO) ဖြစ်ပါသည်။ The Rostec High-Precision Complexes Holding ၏ အစိတ်အပိုင်းတစ်ခုဖြစ်သော Academician A.G. Shipunova ဌာနက Exhaust ဟု အမည်သညာပေးထားသော ပြောင်းအချင်းကြီးမားသည့် VKS လက်ဖြောင့်ရိုင်ဖယ်ပေါ်တွင် အခြေခံလျက် SkAK-12 စနစ်အား တီထွင်ခဲ့ပါသည်။ ထိုလက်နက်စနစ် နှစ်မျိုးလုံးသည် ၁၂ ဒဿမ ၇ မမ ကျည်အား အသုံးပြုပြီး ပုံသဏ္ဌာန်အားဖြင့်လည်း ဆင်တူကြသည်။
Bullpup တို့၏ သမိုင်းကြောင်း
ShAK-12 စနစ်တွင် ပါဝင်သော ASh-12 ချေမှုန်းရေးရိုင်ဖယ်နှင့် VKS ရိုင်ဖယ်များ၏ မူလဒီဇိုင်းမှာ နိုင်ငံတကာလက်နက်အခေါ်အဝေါ်အရ Bullpup ဒီဇိုင်းများ ဖြစ်သည်။ Bullpup ဆိုသည်မှာ Bulldog Puppy ဟူသော စကားရပ်မှ ဆင်းသက်လာခြင်း ဖြစ်သည်။ ထိုစကားလုံးမှာ ၁၉၃၀ ပြည့်လွန်နှစ်များအတွင်းက အမေရိကန် အမဲလိုက် ဗန်းစကားဖြစ်ပြီး အပစ်လိုက်ကိုင်၏ နောက်တွင် ကျည်အိမ်တပ်ရသည့် ပထမဆုံး Bullpup ရိုင်ဖယ်များမှာ ၂၀ ရာစု အစတွင် ပေါ်ထွက်လာခဲ့ပါသည်။
ဆိုဗီယက်ပြည်ထောင်စုတွင် ထို Bullpup ဒီဇိုင်း လက်နက်စနစ်ဖြစ်သော TK-408 စက်သေနတ်မှာ ၁၉၄၆-၄၇ ၌ တပ်နီတော်က စတင်အသုံးပြုခဲ့သော်လည်း နာမည်ကျော် AK-47 ချေမှုန်းရေးရိုင်ဖယ် ပေါ်ထွက်ချိန်တွင်တော့ မှေးမှိန်ပျောက်ကွယ်သွားခဲ့ရသည်။ နည်းပညာထွန်းကားလာသည့် ၁၉၇၇ ခုနှစ်တွင် ဩစတြီးယားတပ်မတော်က Steyr AUG နှင့် ပြင်သစ်တပ်မတော်က FAMAS စသည့် Bullpup ဒီဇိုင်း ရိုင်ဖယ်များအား စတင်အသုံးပြုလာကြသည်။
Bullpup ဒီဇိုင်းတွင် ပစ်ခတ်မှုလုပ်ငန်းစဉ်၏ အဓိက လုပ်ငန်းများအား ရိုင်ဖယ်၏ အနောက်ပိုင်းသို့ ပို့ဆောင် လုပ်ကိုင်စေပြီး အပစ်ခလုပ်အား ကျည်အိမ်ရှေ့တွင် တပ်ဆင်ထားသည်။ ထိုသို့ ဒီဇိုင်းပြုလုပ်ထားခြင်းဖြင့် ပြောင်းအလျား တိုတောင်းခြင်း မရှိပဲ သေနတ်တစ်လက်လုံးအလျားမှာ ၂၅ ရာခိုင်နှုန်း တိုတောင်းသွားကာ ပစ်ခတ်မှု ထိရောက်ခြင်း စွမ်းရည် ကျဆင်းသွားခြင်းလည်း မရှိပါ။ ထိုအချက်မှာ အခန်းတွင်းနှင့် အလုံပိတ်နေရာများ အပါအဝင် မြို့ပြဒေသ ပတ်ဝန်းကျင်၌ စစ်ဆင်ရေး လုပ်ဆောင်ရာတွင် အသုံးပြုသော လက်နက်စနစ်များအတွက် အထူးပင် အရေးကြီးသည်။
ကျည်ကာအင်္ကျီများနှင့် ထူထဲသော အုတ်နံရံများသည် အခက်အခဲအတားအဆီးများလော
ShAk-12 သည် သာမန်ချေမှုန်းရေး ရိုင်ဖယ်တစ်လက်မျှသာ မဟုတ်ဘဲ ချေမှုန်းရေးစစ်ဆင်ရေးများတွင် အထူးတာဝန် ထမ်းဆောင်နိုင်ရန်အတွက် တီထွင်ထုတ်လုပ်ထားသော လက်နက်စနစ်တစ်ခုလုံး ဖြစ်သည်။ ၎င်းသည် နည်းဗျူဟာအရ ဘက်စုံပြောင်းလဲအသုံးပြုနိုင်ရန် ကျည်အမျိုးအစား အမျိုးမျိုးနှင့် အထောက်အကူပြု ကိရိယာအမျိုးမျိုး တပ်ဆင်နိုင်သည့် လက်နက်စနစ်ဖြစ်သည်။
ပေးအပ်သည့်တာဝန်အပေါ်မူတည်ပြီး စစ်သည်အနေဖြင့် အောက်ဖော်ပြပါ ကျည်အမျိုးအစားများအား ရွေးချယ် အသုံးပြုနိုင်သည်။
(က) PD-12 ကျည်။ ပထမအမျိုးအစားမှာ PD-12 ကျည်ဖြစ်ပြီး ကျည်အလျား တိုတောင်းကာ အသံအောက်မြန်နှုန်းဖြင့် ပစ်ခတ်နိုင်သော ၃၂ ဂရမ်အလေးချိန်ရှိ ခဲကျည်ဖူးအလေး ဖြစ်သည်။ ထိုကျည်အား အသံတိတ်ကိရိယာဖြင့် တွဲဖက်အသုံးပြုကာ ထိရောက်မှု အကွာအဝေးမှာ မီတာ ၂၀၀ ဖြစ်သည်။ ထိုကြောင့် အကာအကွယ်နည်းပါသည့် ရန်သူအား လျင်လျင်မြန်မြန် အသံတိတ် သုတ်သင်နိုင်သည်။
(ခ) PS-12A ကျည်။ ဒုတိယအမျိုးအစားမှာ PS-12A ဖြစ်ပြီး အပေါ့စား အသံထက်မြန်သော ကျည်ဖြစ်သည်။ အလူမီနီယံကိုယ်ထည်ဖြင့် ပြုလုပ်ထားကာ အကွာအဝေး မီတာ ၁၀၀ အထိ ပစ်ခတ်နိုင်သည်။ ထိရောက်မှုမှာ ပြင်းထန်သည့်အတွက် မူးယစ်ဆေးသုံးစွဲထားသည့် အကြမ်းဖက်သမားကိုပင် ပထမကျည်တစ်တောင့်ဖြင့် သုတ်သင်နိုင်စွမ်းရှိသည်။ အရေးကြီးသည့်အချက်မှာ ပစ်ခတ်လိုက်သည့် ကျည်တွင် ကျည်ထောက်ပြန်နိုင်စွမ်း မရှိပါက မိမိ၏ ရဲဘော်ရဲဘက်များနှင့် အရပ်သားများအား အန္တရာယ်ပေးနိုင်မှု နည်းပါးသွားမည် ဖြစ်သည်။
(ဂ) PS-12B ကျည်။ တတိယအမျိုးအစားမှာ PS-12B ဖြစ်ပြီး သံချပ်ကာဖောက် သံမဏိကျည် ဖြစ်သည်။ ၎င်းသည် ၁၆ ဂရမ်အလေးချိန်ရှိပြီး ထိရောက်မှု အကွာအဝေး မီတာ ၃၀၀ ဖြစ်သည်။ ထူထဲသော သံချပ်ကာ သို့မဟုတ် အကာအကွယ်အောက်မှ ရန်သူအား ချေမှုန်းသုတ်သင်နိုင်ရန် ထုတ်လုပ်ထားခြင်း ဖြစ်သည်။ ဥပမာအားဖြင့် အထူးတပ်ဖွဲ့စစ်သည်သည် ပထမကျည်ဖြင့် အုတ်နံရံအား ဖောက်ထွင်းပစ်ခတ်ကာ ဒုတိယကျည်ဖြင့် ရန်သူအား သုတ်သင်နိုင်မည်ဖြစ်သည်။
အကြမ်းဖက်သမားများအတွက် အသားကြိတ်စက်
သေနတ်ကိုယ်ထည်အား ပုံသွင်းသံမဏိဖြင့် ပြုလုပ်ကာ သေနတ်ဒင်အား အကြမ်းခံသည့် ပလတ်စတစ်သားဖြင့် ပြုလုပ်ထားသည်။ Picatinny Rail များတွင် မည်သည့် ချိန်ဆိုဒ်မဆို တပ်ဆင်နိုင်သည်။ ၎င်းလက်နက်စနစ်တွင် ပြောင်းကာ ကိရိယာအမျိုးမျိုးအားလည်း ပြောင်းလဲ တပ်ဆင်နိုင်သည်။ နည်းဗျူဟာ အသံတိတ်ပြောင်းတိုသည် ပစ်ခတ်သံကို လျော့ချပေးသည့်အပြင် ပစ်ခတ်ရာမှ ထွက်ပေါ်လာသော မီးလျှပ်ကိုပါ ဖျောက်ပေးသည့်အတွက် ရန်သူက သေနတ်သမားအား ရှာဖွေတွေ့ရှိရန် ခက်ခဲသည်။ အထူးလျှို့ဝှက်စစ်ဆင်ရေးများတွင် အသံတိတ်ပြောင်းရှည်အား အသံအောက်မြန်သော ကျည်အလေးများနှင့် ပေါင်းစပ်အသုံးပြုသည်။ ချေမှုန်းရိုင်ဖယ်မျိုးကွဲအား အသံတိတ်ပြောင်း တပ်ဆင်ခြင်း မရှိဘဲ အသုံးပြုပါသည်။
ShAK-12 လက်နက်စနစ်တွင် အချင်းကြီးမားသည့် ၁၂ ဒဿမ ၇ ကဲ့သို့ ကျည်များဖြင့် ပစ်ခတ်ရသည့်အတွက် အထူးသဖြင့် အတွဲလိုက် ပစ်ခတ်ရာတွင် နောက်ကန်အား ပြင်းထန်နိုင်သည်ဟု ယူဆဖွယ် ရှိပါသည်။ သို့သော် အတွေ့အကြုံရင့်သည့် စစ်သည်တစ်ဦးအတွက်မှာမူ Kalashnikov ထုတ် ၇ ဒဿမ ၆၂ မမ PKM စက်လတ်လောက်ပင် နောက်ကန်အား ပြင်းထန်ခြင်း မရှိပါချေ။ ထို့အပြင် ASh-12 သည် ပြောင်းအလျားတိုသည့် စက်သေနတ်ဖြစ်သည့်အတွက် ပစ်ခတ်စဉ် နောက်ကန်အား နည်းခြင်းလည်း ဖြစ်သည်။
နိဂုံး
ShAK-12 လက်နက်စနစ်သည် မြို့ပြနှင့် ကျေးရွာများ၊ အဆောက်အအုံများ စသည်တို့တွင် နေထိုင်ကြသောအရပ်သား မိဘပြည်သူ လူထုဘေးအန္တရာယ် ဖြစ်ပွါးစေနိုင်သော ပတ်ဝန်းကျင်အခြေအနေတွင် ဆင်နွှဲရသည့် လုံခြုံမှု ထိန်းသိမ်းရေး စစ်ဆင်ရေးများနှင့် အကြမ်းဖက်မှု တန်ပြန်နှိမ်နင်းရေး စစ်ဆင်ရေးများအတွက် အစွမ်းထက်မြက်သော လက်နက်စနစ်သစ် ဖြစ်ပါသည်။ အကြမ်းဖက်သမားများအတွက် အသားကြိတ်စက် (Meat Grinder for Terrorists) ဟု အမည်ပြောင် ပေးထားပြီးဖြစ်သော ASh-12 စက်ကလေးသည် ကမ္ဘာပေါ် အနည်းငယ်မျှသာ အောင်မြင်စွာ ထုတ်လုပ် အသုံးချနိုင်သည့် ၁၂ ဒဿမ ၇ x ၅၅ မမ ကျည်သုံး မောင်းပြန်လက်နက်များအနက် တစ်မျိုးအပါအဝင်ပင် ဖြစ်ပါတော့သည်။
ဒေါက်တာနိုင်ဆွေဦး
သေနင်္ဂမဟာဗျူဟာလေ့လာရေးအဖွဲ့
(ရင်းမြစ်။ Rostec unveils ShAK-12 counter-terror 12.7mm assault rifle for close combat, Army Recognition, 20th April, 2023)
