အီတလီနိုင်ငံက လေကြောင်းရန်ကာကွယ်ရေးဒုံးကျည်စနစ်များ အပါအဝင် ယူကရိန်းသို့ အကူအညီ ယူရို ၁၀ သန်း ပံ့ပိုးပေးမည်
၂၀၂၂ ခုနှစ်၊ ဒီဇင်ဘာ ၂၇ ရက်နေ့က ၎င်း၏တွစ်တာအကောင့်တွင် ယူကရိန်းသမ္မတ Volody myr Zelenskyy က လေကြောင်းရန်ကာကွယ်ရေးစနစ်များ အပါအဝင် ယူကရိန်းအတွက် နောက်ထပ်အကူအညီ ယူရို ၁၀ သန်းကို အီတလီနိုင်ငံက ပံ့ပိုးပေးလိမ့်မည်ဟု ကြေညာခဲ့သည်။ အီတလီသည် MBDA ကုမ္ပဏီမှ ထုတ်လုပ်သည့် လေကြောင်းရန်ကာကွယ်ရေးဒုံးကျည်စနစ် SAMP/T ကို ပေးအပ်ရန် စီစဉ်ထားသည်ဟု ကနဦးသတင်းများအရ သိရှိခဲ့ရပြီးဖြစ်သည်။
အီတလီအစိုးရသည် အီတလီစစ်တပ်၏ စစ်ဘက်ဆိုင်ရာ ပိုင်ဆိုင်မှုစာရင်းမှ ထုတ်နုတ်၍ လေကြောင်းရန်ကာကွယ်ရေးစနစ်များ ပေးပို့နိုင်ခြေကို တွက်ချက်တွေးတောနေကြောင်း အီတလီနိုင်ငံ ကာကွယ်ရေးဝန်ကြီး Guido Crosetto က ၂၀၂၂ ခုနှစ် ဒီဇင်ဘာလ ၂၈ ရက်နေ့တွင် ကြေညာခဲ့သည်။ ယူကရိန်းသို အဆိုပါလက်နက်စနစ်အသစ်များ ပေးပိုခြင်းသည် အီတလီစစ်တပ်၏ လက်ရှိစစ်ဆင်ရေး လိုအပ်ချက်နှင့်အညီ တိုင်းပြည်၏ ကာကွယ်ရေးစွမ်းရည်ကို အားနည်းသွားစေခြင်းမျိုး မဟုတ်ဘဲ ထောက်ပံ့လုပ်ဆောင်သင့်သည်ဟု ခံယူထားပါသည်။
၂၀၂၂ ခုနှစ် ဒီဇင်ဘာလ ၁၃ ရက်နေ့တွင် ပြင်သစ်သတင်းစာ “Challenges” က ပါရီနှင့် ရောမမြိုတိုသည် Eurosam ဖက်စပ်လုပ်ငန်းတစ်ရပ်ဖြင့် MBDA နှင့် Thales တို့မှ ထုတ်လုပ်သော SAMP/T Mamba တာလတ်ပစ် လေကြောင်းရန် ကာကွယ်ရေးဒုံးကျည်စနစ်များအတွက် ကိယက်ဗ်၏ တောင်းဆိုမှုကို လက်ခံခဲ့သည်ဟု ရေးသားဖော်ပြခဲ့သည်။ ယူကရိန်းနိုင်ငံဆိုင်ရာ ပြင်သစ်သံအမတ် Etienne de Poncins ၏ ပြောကြားချက်ကို ကိုးကား၍ အီတလီနိုင်ငံ ပိုင်ဆိုင်ထားသည့် လေကာစနစ် ၅ စုံထဲမှ တစ်စုံကို ပေးအပ်သင့်သည်ဟု ပြောကြားချက်အား Challenges တွင် ရေးသားထားသည်။ သိုရာတွင် တရားဝင်အတည်ပြုနိုင်ခြင်း မရှိသေးပါချေ။
ယနေ့တွင် အီတလီစစ်တပ်တွင် SAMP/T တာလတ်ပစ် လေကြောင်းရန်ကာကွယ်ရေးဒုံးစနစ် စုစုပေါင်း အစုံ ၂၀ ထိပိုင်ဆိုင်ထားသည်။ ၎င်းသည် နည်းဗျူဟာမြောက် ပဲ့ထိန်းဒုံးကျည်များ၊ ခရုဇ်ဒုံးကျည်များ၊ တိုက်ခိုက်ရေးလေယာဉ်များ၊ မောင်းသူမဲ့တိုက်ခိုက်ရေးလေယာဉ်များကဲ့သိုသော လေကြောင်း ခြိမ်းခြောက်မှုများကို ထိရောက်စွာ တုံပြန်တိုက်ခိုက်နိုင်စွမ်းရှိသည်။ ၎င်းကို လေကြောင်း၊ ကုန်းလမ်းနှင့် ရထားလမ်းများဖြင့် သယ်ယူပိုဆောင်နိုင်သောကြောင့် နည်းဗျူဟာနှင့် မဟာဗျူဟာမြောက် ရွေ့လျားစစ်ကစားမှု မြင့်မားသောစနစ်အဖြစ် သတ်မှတ်ထားကြသည်။
SAMP/T လေကြောင်းရန်ကာကွယ်ရေးစနစ်၏ Aster 30 ဒုံးကျည်သည် အမြင့်ပေ ၅၀ မီတာမှ ၁၅ ကီလိုမီတာအထိ ဝေဟင်ပစ်မှတ်များကို ကြားဖြတ်တိုက်ခိုက်နိုင်စွမ်းရှိသည်။ လေယာဉ်ပစ်မှတ်များကို တိုက်ခိုက်ရာတွင် ASTER 30 ၏ အများဆုံး တိုက်ပွဲဝင်နိုင်သော အကွာအဝေး မှာ ကီလိုမီတာ ၁၀၀ ဖြစ်ပါသည်။
ပုံမှန် SAMP/T တပ်ခွဲ ၁ ခွဲတွင် အမိန့်ပေးထိန်းချုပ်ယာဉ် ၂ စီး၊ Arabel ရှာဖွေထောက်လှမ်းရေးနှင့် ခြေရာခံထိန်းကျောင်းရေးရေဒါ ၁ စီးနှင့် ဒုံးပစ်လောင်ချာယာဉ် ၆ စီးအထိ ပါဝင်ဖွဲစည်းထားပါသည်။ ဒုံးပစ်လောင်ချာများသည် Arabel ရေဒါမှ ၁၀ ကီလိုမီတာ (ရေဒီယိုလင့်ခ်မှတစ်ဆင့်) နှင့် optical fiber ကြိုးများမှတစ်ဆင့် ၁ ကီလိုမီတာ အကွာအဝေးအထိ ပစ်လွှတ်သည့် နေရာများသို ဖြန့်ခွဲချထားနိုင်သည်။
Arabel ရေဒါသည် ထောက်လှမ်းခြင်း၊ ပစ်မှတ်ခြေရာခံခြင်းနှင့် ဒုံးကျည်လမ်းညွှန်မှုများအတွက် X-Band 3D ဘက်စုံသုံးရေဒါ အမျိုးအစားဖြစ်ပါသည်။ အမိန့်ပေးထိန်းချုပ်မှုစနစ်သည် ပစ်မှတ်များကို စိစစ်ခွဲခြား၍ ဦးစားပေးအဆင့်အတိုင်း သတ်မှတ်ပေးသည်။ ပထမ၊ ဒုတိယ ဦးစားပေးအစဉ်အလိုက်အတိုင်း ဒုံးပစ်လောင်ချာများ ပစ်မှတ်ဆိုင်ရာအချက်အလက်များသို ပေးပိုထားပြီး ရေဒါနှင့် ဒေတာလင့်ခ် လှိင်းနှုန်းချန်နယ်များကို ခွဲဝေသတ်မှတ်ပေးထားသည်။
ဒုံးကျည်သည်ပစ်လွှတ်ပြီး ပစ်မှတ်ဆီသို ပျံသန်းရာတွင် ပစ်မှတ်၏ အနေအထားနှင့် အလျင်နှုန်း အချက်အလက်ကို တစ်စက္ကန့်အတွင်း uplink channel မှတစ်ဆင့် လက်ခံရရှိခြင်းဖြစ်သည်။ စနစ်သည် ပစ်မှတ် ၁၀၀ အထိ တစ်ပြိုင်နက်တည်း ခြေရာခံနိုင်ပြီး ဒုံးကျည် ၁၆ စင်းထံသို အမိန့်ပေးထိန်းကျောင်းမှုများ လုပ်ဆောင်နိုင်မည် ဖြစ်သည်။ စံပြု Arabel ရေဒါသည် အမြင့်ဆုံးပါဝါအသုံးပြုမှု 150 kW ဖြင့် လုပ်ဆောင်နိုင်ပြီး အကွာအဝေး ၈၀ ကီလိုမီတာအထိ ဖမ်းယူထောက်လှမ်းနိုင်ပါသည်။
Italy to provide Ukraine €10 million of aid including air defense missile systems
သက်ထူးခန့်ပိုင်
သေနင်္ဂမဟာဗျူဟာလေ့လာရေးအဖွဲ
