မြန်မာ-တရုတ် ပေါက်ဖော်ဖိုရမ်သို့ တက်ရောက် ဆွေးနွေးခြင်း
မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ ဝါရင့်အကြံပေးနှင့် သေနင်္ဂမဟာဗျူဟာလေ့လာရေးအဖွဲ့ အမှုဆောင်ဒါရိုက်တာ ဒေါက်တာနိုင်ဆွေဦးသည် ၂၀၂၂ ခုနှစ် နိုဝင်ဘာလ ၄ ရက်က မြန်မာ-တရုတ် ပေါက်ဖော်ဖိုရမ်သို့ တက်ရောက်ပြီး “The Significance of 20th CPC National Congress from the Perspective of Myanmar” ခေါင်းစဉ်ဖြင့် ဆွေးနွေးခဲ့ပါသည်။
မြန်မာ-တရုတ် နှစ်နိုင်ငံ ဖွံ့ဖြိုးတိုးတက်ရေးနှင့် ပူးပေါင်းဆောင်ရွက်မှု အခွင့်အလမ်းသစ်များခေါင်းစဉ်ဖြင့် မြန်မာ-တရုတ် ပေါက်ဖော်ဖိုရမ်ကို မြန်မာနိုင်ငံဆိုင်ရာ တရုတ်သံရုံးက ကမကထပြု ကျင်းပခြင်းဖြစ်ပြီး ဖိုရမ်တွင် မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး မစ္စတာ ချန်းဟိုင်နှင့် မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ ဥက္ကဋ္ဌ ဦးသန့်ကျော်တို့က အဖွင့်အမှာစကားများ ပြောကြားသည်။
အလားတူ ဖိုရမ်တွင် မြန်မာ-တရုတ်ပူးပေါင်းဆောင်ရွက်ရေးနှင့်ပတ်သက်၍ UMFCC ဒုတိယဥက္ကဋ္ဌ၊ မြန်မာနိုင်ငံဆန်စပါးအသင်းချုပ် ဥက္ကဌ ဦးရဲမင်းအောင်က စီးပွားရေး ဆိုင်ရာကိစ္စရပ်များနှင့် ပတ်သက်၍ လည်းကောင်း၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုကော်မတီဝင် ဒေါက်တာနေလင်းက အကြိမ် (၂၀) မြောက် တရုတ်ကွန်မြူနစ်ပါတီ ကွန်ဂရက်တွင် ဆွေးနွေးခဲ့သည့်အကြောင်းအရာများနှင့် စဉ်ဆက်မပြတ် ဖွံ့ဖြိုးတိုးတက်ရေးပူးပေါင်းဆောင်ရွက်ရေးကိစ္စများနှင့်လည်းကောင်း၊ ရန်ကုန်မီဒီယာဂရု ဥက္ကဋ္ဌ ဦးကိုကိုက နှစ်နိုင်ငံအကြား လူမှုရေးနှင့်ယဉ်ကျေးမှုကဏ္ဍများတွင် ပြောင်းလဲဆောင်ရွက်ရမည့် အကြောင်းအရာများနှင့် ပတ်သက်၍ ဆွေးနွေးခဲ့ကြသည်။
ဒေါက်တာနိုင်ဆွေဦး
သေနင်္ဂမဟာဗျူဟာလေ့လာရေးအဖွဲ့
