ရုရှားလေယာဉ်တင်သင်္ဘော Admiral Kuznetsov ၂၀၂၂ ခုနှစ် စက်တင်ဘာလတွင် ပြင်ဆင်မှုအပြီးသတ်မည်
Военный Осведомитель မှ ၂၀၂၂ ခုနှစ် မေလ ၂၀ ရက်နေ့တွင် ထုတ်ဝေသော သတင်းအချက်အလက်များအရ ရုရှားနိုင်ငံ လေယာဉ်တင်သင်္ဘော Admiral Kuznetsov သည် Murmansk တွင် ၂၀၂၂ ခုနှစ် စက်တင်ဘာလတွင် ပြုပြင်နေမှုကို အပြီးသတ် လုပ်ဆောင်နိုင်မည်ဖြစ်ကြောင်း သိရှိရပါသည်။
Admiral Flota Sovetskogo Soyuza Kuznetsov သည် ရုရှားရေတပ်၏ အထင်ကရ တစ်စီးတည်းသော လေယာဉ်တင်သင်္ဘော (အကြီးစားလေယာဉ်တင် ခရူဇာစစ်ရေယာဉ်အမျိုးအစား) ဖြစ်ပါသည်။
ယူကရိန်း ဆိုဗီယက်ဆိုရှယ်လစ်သမ္မတနိုင်ငံ (SSR) အချိန်ကာလအတွင်း Nikolayev တွင် ဆိုဗီယက် လေယာဉ်တင်သင်္ဘောများ၏ တစ်ဦးတည်းသော ထုတ်လုပ်သူ Black Sea Shipyard သင်္ဘောကျင်းမှ တာဝန်ယူတည်ဆောက်ခဲ့ပြီး ၁၉၈၅ ခုနှစ်တွင် ရေချနိုင်ခဲ့၍ ၁၉၉၅ ခုနှစ်တွင် ရုရှားရေတပ်တွင် အပြည့်အဝ စတင်အသုံးပြုနိုင်ခဲ့ပါသည်။
Kuznetsov အတန်းအစား လေယာဉ်တင်သင်္ဘောသည် ဆိုဗီယက်ပြည်ထောင်စုခေတ် ပရောဂျက် 1143.5 အောက်တွင် အကောင်အထည်ဖော်ခဲ့ခြင်းဖြစ်ပြီး ရုရှားနှင့် တရုတ်ရေတပ်များတွင် အသုံးပြုနေသည့် တောင်ပံပုံသေတပ် (fixed-wing) လေယာဉ်များ တင်ဆောင်စစ်ဆင်နိုင်မည့် လေယာဉ်တင်သင်္ဘောအမျိုးအစား ဖြစ်ပါသည်။
ဆိုဗီယက်ရေတပ်အတွက်မူလက ဒီဇိုင်းဆွဲထုတ်လုပ်ထားသော Kuznetsov အတန်းအစားသင်္ဘောများသည် STOBAR ပုံစံဖြင့် စွမ်းဆောင်ရည်မြင့် သမားရိုးကျလေယာဉ်များကို လွှတ်တင်ရန်အတွက် ski-jump (စကိတ်ခုန်ခြင်းနည်း) ကို အသုံးပြုပါသည်။ အဆိုပါဒီဇိုင်းသည် VSTOL (ဒေါင်လိုက် အတက်အဆင်း လုပ်နိုင်သည့်) လေယာဉ်များ ကိုသာ ပစ်လွှတ်နိုင်သည့် Kiev-class carriers များထက် ဆိုဗီယက်ရေတပ်၏ အဓိက တိုးတက်မှုကို ကိုယ်စားပြုနေခြင်းလည်းဖြစ်သည်။
လေယာဉ်တင်သင်္ဘောသည် Su-33 အင်ဂျင်နှစ်လုံးတပ် တိုက်လေယာဉ် ၁၈ စင်း၊ MiG-29K ဘက်စုံသုံး တိုက်လေယာဉ် ၆ စင်း၊ Ka-31 သင်္ဘောဖျက် ရဟတ်ယာဉ် ၄ စင်း၊ Ka-27 ရေတပ်သုံးရဟတ်ယာဉ်များ အပါအဝင် fixed-wing နှင့် rotary-wing လေယာဉ်/ ရဟတ်ယာဉ်များကို တင်ဆောင်တိုက်ပွဲဝင်နိုင်မည်ဖြစ်ပါသည်။
လေယာဉ်ကုန်းပတ်တွင် လေယာဉ်ထိန်းသည့်ကြိုး (arrester wires) များ တပ်ဆင်ထားသည်။ starboard lifts နှစ်စင်းပါရှိပြီး လေယာဉ်ကို လေယာဉ်ဂိုဒေါင်မှ သင်္ဘောကုန်းပတ်သို့ သယ်ဆောင်ပေးနိုင်ပါသည်။ လေယာဉ် သင်္ဘောတွင် သင်္ဘောသား ၁၆၉၀ နှင့် လေယာဉ်အမှုထမ်း ၆၂၆ ဦး တာဝန်ထမ်းဆောင်လျက်ရှိသည်။
Admiral Kuznetsov လေယာဉ်တင်သင်္ဘောတွင် အနီးကပ်ကာကွယ်ရေးစနစ်များအနေဖြင့် AK-630 mm CIWS (Close-In Weapon Systems) ၆ ခု၊ CADS-N-1 Kashtan CIWS ၈ ခု၊ 30 mm Gatling စက်အမြောက် ၂ လက်၊ 3K87 Kortik မြေပြင်မှဝေဟင် ပစ်ဒုံးကျည် ၃၂ စင်း၊ P-700 Granit SSM သင်္ဘောဖျက်ခရုဇ်ဒုံးကျည် ၁၂ စင်း၊ မြေပြင် မှဝေဟင်ပစ် 8-cell 3K95 Kinzhal VLS (Vertical Launching Systems) ခရုဇ်ဒုံးကျည် ၂၄ စင်းနှင့် RBU-12000 UDAV-1 ASW ရေငုပ်သင်္ဘောတိုက်ဖျက်ရေး ဒုံးပစ်လောင်ချာများ တပ်ဆင်အသုံးပြုထားပါသည်။
လေယာဉ်တင်သင်္ဘောအား တာဘိုဖိအားသုံး ဘွိုင်လာရှစ်ခုနှင့် ရေနွေးငွေ့တာဘိုင်လေးခုဖြင့် မောင်းနှင်ထားသည်။ တစ်ခုစီသည် 50,000 hp စွမ်းအားထုတ်လုပ်ပေးပြီး 2,011 hp (1,500 kW) အား တာဘိုဂျင်နရေတာ ၉ လုံး၊ 2,011 hp (1,500 kW) အား ဒီဇယ်ဂျင်နရေတာ ၆ လုံး တို့တပ်ဆင် အသုံးပြုထားပါသည်။ ဒီဇယ်ဂျင်နရေတာများသည် fixed-pitch propeller များပါရှိသည့် သင်္ဘော shaft ၄ ခုကို မောင်းနှင်ပေးထားပါသည်။ ယင်းသည် အမြင့်ဆုံး အမြန်နှုန်း 29 knots (33 mph; 54 km/h) ဖြင့် အများဆုံး ခရီးအကွာအဝေး(cruising range) 8,500 nmi ထိ ခုတ်မောင်းသွားလာနိုင်ပါသည်။
Russian aircraft carrier Admiral Kuznetsov to complete repairs in September 2022 အား ဘာသာပြန်ဆိုထားပါသည်။
သက်ထူးခန့်ပိုင်(ရေနံချောင်း)
သေနင်္ဂမဟာဗျူဟာလေ့လာရေးအဖွဲ့
