အီရန်က Simorgh အပေါ့စား စစ်ဘက်သယ်ယူပို့ဆောင်ရေးလေယာဉ်ကို ထုတ်ဖော်ပြသ
အီရန်ကာကွယ်ရေးဝန်ကြီးဌာနသည် ၎င်း၏ပြည်တွင်း၌ တီထွင်ထုတ်လုပ်ထားသော အပေါ့စား စစ်ဘက်သယ်ယူပို့ဆောင်ရေးရဟတ်ယာဉ်သစ် “Simorgh” ကို မိတ်ဆက်ပွဲထုတ်ခဲ့သည်။ အီရန်နိုင်ငံကာကွယ်ရေးဝန်ကြီး Mohammad Reza Ashtiani ကိုယ်တိုင်တက်ရောက်၍ အီရန်လေယာဉ်ထုတ်လုပ်ရေးစက်မှုလုပ်ငန်းကော်ပိုရေးရှင်း၌ လေယာဉ် ထုတ်ဖော်ပြသသည့် မိတ်ဆက်အခမ်းအနား ကျင်းပခဲ့သည်။
Ashtiani ၏ အဆိုအရ Simorgh သည် အီရန်စစ်တပ်၏ တိုးပွားလာသော လိုအပ်ချက်များနှင့် ကိုက်ညီသည့် ယခင်မျိုးဆက်တူ သယ်ယူပို့ဆောင်ရေးလေယာဉ်များ၏ နောက်ဆုံးဗားရှင်းဖြစ်သည်ဟု သိရှိရပါသည်။ ၎င်းသည် နိုင်ငံအတွင်း ပြင်းထန်သောရာသီဥတုအခြေအနေများကို ခံနိုင်ရည်ရှိစေရန် ဒီဇိုင်းထုတ်ထားကြောင်းလည်း ဆိုပါသည်။
သယ်ယူပို့ဆောင်ရေးလေယာဉ်သစ်တွင် ဒေသတွင်းလေကြောင်းကျွမ်းကျင်ပညာရှင်များမှ တီထွင်ထုတ်လုပ်ထားသော နောက်ဆုံးပေါ်တွန်းကန်အားစနစ်၊ လေယာဉ်ကိုယ်ထည်နှင့် အခြားအစိတ်အပိုင်းများ ပါဝင်ကြောင်း ဝန်ကြီး ပြောကြားခဲ့သည်။ အီရန်သည် နိုင်ငံတကာစံနှုန်းများနှင့် ကိုက်ညီကြောင်း သေချာစေရန် Simorgh ၏ မြေပြင်နှင့် ဝေဟင်စမ်းသပ်မှုများကို ပြုလုပ်နေပြီဖြစ်သည်။
အပိုစွမ်းဆောင်ရည်များ
အခမ်းအနားအတွင်း Ashtiani က အပေါ့စားသယ်ယူပို့ဆောင်ရေးလေယာဉ်သည် ပြေးလမ်းတိုများပေါ်တွင် ပျံသန်းခြင်းနှင့် ဆင်းသက်ခြင်းတို့ကို လုပ်ဆောင်နိုင်ကြောင်း ရှင်းပြခဲ့သည်။ ၎င်း၏ ဝန်တင်ဆောင်နိုင်စွမ်းနှင့် လှုပ်ရှားပျံသန်းနိုင်မှုတို့သည် ၎င်းအား လေကြောင်းချီလူနာတင်ယာဉ် သို့မဟုတ် ကယ်ဆယ်ရေးလေယာဉ်အဖြစ်လည်း အသုံးပြုနိုင်မည်ဖြစ်သည်ဟုဆိုပါသည်။
Simorgh ၏ ဖွံ့ဖြိုးတိုးတက်မှုသည် “နိုင်ငံခြားငွေကုန်ကျမှု သက်သာစေသည့်အပြင် တိုက်ရိုက်နှင့် သွယ်ဝိုက်သော အလုပ်အကိုင်အခွင့်အလမ်းများ ဖန်တီးပေးလိမ့်မည်” ဖြစ်သောကြောင့် နိုင်ငံ၏ စက်မှုလုပ်ငန်းနှင့် စီးပွားရေးကို မြှင့်တင်နိုင်ရန် မျှော်မှန်းထားပါသည်။
အပေါ့စားလေယာဉ်များ ထုတ်လုပ်မှုမှသည် ပိုမိုအဆင့်မြင့်သောလေယာဉ်များကို ဒီဇိုင်းထုတ်လုပ်နိုင်ရန် တီဟီရန် ပြင်ဆင်ကြိုးပမ်းလျက်ရှိသည်။
Iran Unveils ‘Simorgh’ Light Military Transport Aircraft အားဘာသာပြန်ဆိုထားပါသည်။
သက်ထူးခန့်ပိုင်(ရေနံချောင်း)
သေနင်္ဂမဟာဗျူဟာလေ့လာရေးအဖွဲ့
