အာရှလေတပ် ခေတ်မီရေးဆောင်ရွက်မှုများအား လေ့လာသုံးသပ်ခြင်း
အပိုင်း(၂)
J-16D ဟု လူသိများသော J-16 ၏ အီလက်ထရွန်းနစ်စစ်ဆင်ရေးသုံး(EW) ဗားရှင်းအသစ်ကို ၂၀၁၅ ခုနှစ် ဒီဇင်ဘာလတွင် ပထမဆုံးမြင် တွေ့ခဲ့ရပါသည်။ ဤမျိုးကွဲ၏ တရားဝင်အချက်အလက်များကို ထုတ်ပြန်ခြင်း မရှိသော်လည်း၊ AESA ရေဒါနှင့် ဒေါင်လိုက်တပ်ဆင်ပါရှိသည့် အင်တင်နာများပါရှိသည့် ဒေါင်လိုက်အင်တင်နာများကြောင့် လေယာဉ်နှာခေါင်းသည် ပိုမိုတိုသွားပုံပါရှိပြီး အသွင်အပြင်ပိုင်း၌ အခြေခံတည်ဆောက်ထားသော J-16 ဘက်စုံသုံးတိုက်လေယာဉ်များနှင့်မတူ သိသိသာသာထူးခြားနေပါသည်။ ပုံမှန်အတွင်းပိုင်း 30mm အမြောက်များနှင့် အနီအောက်ရောင်ခြည် ရှာဖွေခြင်းနှင့် ခြေရာခံခြင်း (IRST) အာရုံခံစနစ်တို့ကိုလည်း ဖယ်ရှားခဲ့ပြီး ၎င်း၏ အထူးပြုအခန်းကဏ္ဍအတွက် လိုအပ်သော နောက်ထပ် EW စနစ်များအတွက် နေရာလွတ်များ ပိုမိုရရှိသွားမည်လည်းဖြစ်သည်။
PLAAF သည် Airshow China 2021 တွင် ထိုအီလက်ထရောနစ်စစ်ဆင်ရေး လေယာဉ်အမျိုးအစားကိုပြသခဲ့ပြီး လေယာဉ်တွင် ၎င်း၏ တောင်ပံနှင့် လေဝင်ပေါက်အောက်ရှိ ကြီးမားသော jamming pods တပ်ဆင်မည့် အပေါက်လေးခုပါရှိသည်ကို တွေ့မြင်ခဲ့ရပါသည်။ pod တစ်ခုစီသည် ရုပ်ပိုင်းဆိုင်ရာတွေ့မြင်ချက်အရ ထင်ရှားစွာကွဲပြားနေပြီး အီလက်ထရောနစ် spectrum များ၏ မတူညီသော လှိုင်းကြိမ်နှုန်းအမျိုးမျိုးကို လွှမ်းခြုံလုပ်ဆောင်နိုင်ဖွယ်ရှိပါသည်။ ၂၀၁၅ ခုနှစ် နှောင်းပိုင်းတွင် ပထမဆုံးပျံသန်းခဲ့သော J-16D ရှေ့ပြေးပုံစံကို China Electronics Technology Group မှထုတ်လုပ်သည့် အီလက်ထရော နစ်စစ်ဆင်ရေးစနစ် KG600 EW pods များဖြင့် မြင်တွေ့ခဲ့ရသော်လည်း Zhuhai လေကြောင်းပြပွဲတွင်မြင်ရသည့် pods အသစ်များကို ယခင်ကမှတ်တမ်းတင် ထားခြင်းမရှိသေးပေ။
ထိုအချိန်တွင် ထိုင်ဝမ်လေတပ်(RoCAF) ကလည်း ၎င်း၏တိုက်ခိုက်ရေးလေယာဉ်များကို ထိုင်ဝမ်ရေလက်ကြားကိုဖြတ်၍ ပြန်လည်စုဆောင်းအင်အားဖြည့်တင်းသွားရန် ကတိပြုထားပါသည်။၂၀၁၉ ခုနှစ် အောက်တိုဘာလတွင် ဥပဒေပြုလွှတ်တော်အမတ် Yuan က လွန်ခဲ့သည့်နှစ်လခန့်က အမေရိကန်နိုင်ငံခြားရေးဝန်ကြီးဌာနမှ သတင်းစာရှင်းလင်းပွဲအပြီးတွင် Lockheed Martin ကုမ္ပဏီထုတ် F-16V Fighting Falcon ဘက်စုံသုံးတိုက်လေယာဉ် ၆၆ စင်းကို ဝယ်ယူရန် သဘောတူညီခဲ့ကြောင်း ကြေညာခဲ့ပြီး – F-16A/B အဟောင်း ၁၄၂ စင်းကို F-16V သို့ အဆင့်မြှင့်တင်မှုတွင်ပါဝင်သည့် လက်ရှိ Phoenix Rising အဆင့်မြှင့်တင်မှုအစီအစဉ်အောက်တွင် ခွင့်ပြချက်ရရှိထားပြီးဖြစ်ရာ ဝယ်ယူဖြည့်တင်းရေးထဲတွင် အမေရိကန်ဒေါ်လာ ၈ ဘီလီယံခန့် ထပ်မံပေါင်းထည့်လိုက်ခြင်းလည်း ဖြစ်ပါသည်။
စင်ကာပူနိုင်ငံနှင့် တောင်ကိုရီးယားနိုင်ငံတို့ လုပ်ဆောင်နေသည့် F-16 တိုက် လေယာဉ်အဆင့်မြှင့် စီမံကိန်းများကဲ့သို့ပင် ထိုင်ဝမ်နိုင်ငံ၏ Phoenix Rising တွင် အမေရိကန်နိုင်ငံ Northrop Grumman ကုမ္ပဏီထုတ် APG-83 active electronically scanned array Scalable Agile Beam Radar (SABR) အကြမ်းခံရေဒါစနစ်၊ ကွန်ပြူတာစနစ်အသစ်၊ အီလက်ထရောနစ် စစ်ဆင်ရေးသုံးစနစ်များနှင့် အဆင့်မြင့် လေကြောင်းနည်းပညာသစ်များ ပါဝင်လာပါသည်။ AIM-9X Sidewinder ဝေဟင်မှ ဝေဟင်ပစ်ဒုံးကျည်နှင့် တိကျစွာပဲ့ထိန်းလက်နက် Joint Direct Attack Munition (JDAM) တို့ကိုလည်း ပေါင်းစပ်တပ်ဆင်ထားပါသည်။
စီမံကိန်းသည် လေယာဉ်ကိုယ်ထည်တွင်သံချေးစားမှုနှင့် နည်းပညာပိုင်းဆိုင်ရာပြဿနာအမျိုးမျိုးကို ရှာဖွေတွေ့ရှိခဲ့ခြင်းကြောင့် ၎င်း၏ ကနဦးဖွံ့ဖြိုး တိုးတက်မှုအဆင့်တွင် နှောင့်နှေးနေခဲ့ရပါသည်။ Lockheed Martin ကုမ္ပဏီ၏ ပြည်တွင်းလုပ်ဖော် ကိုင်ဖက် AIDC ကုမ္ပဏီသည် ၎င်း၏ Taichung စက်ရုံတွင် ပထမဆုံး အဆင့်မြှင့်တင်ထားသော F-16V ကို ၂၀၁၈ ခုနှစ် အောက်တိုဘာလတွင် လွှဲပြောင်းပေးအပ်ခဲ့ပါသည်။
နောက်ထပ် လေယာဉ် ၃၆ စင်းကို ထိုင်ဝမ်လေတပ် (RoCAF) သို့ ၂၀၂၀ ပြည့်နှစ် ဒီဇင်ဘာလတွင် လွှဲပြောင်းပေးအပ်ခဲ့ပြီး နောက်ဆုံးလေယာဉ်တစ်စင်းမှာ ၂၀၂၃ ခုနှစ်တွင် အပြီးသတ်အဆင့်မြှင့်တင်နိုင်ရန် စီစဉ်ထားပါသည်။ မည်သို့ပင်ဆိုစေကာမူ နောက်ထပ်အသစ် အဆင့်မြှင့်တင်ထုတ်လုပ်ထားသော F-16Vs တိုက်လေယာဉ်များသည် RoCAF အတွက် ကြိုဆိုစရာ သတင်းကောင်းတစ်ရပ် ဖြစ်မည်ဖြစ်သော်လည်း ရေရှည်ရည်မှန်း ချက်ကတော့ Lockheed Martin ကုမ္ပဏီထုတ် F-35 Lightning II JSF ကဲ့သို့သော ပဉ္စမ မျိုးဆက်တိုက်လေယာဉ်များကို ဝယ်ယူရန်ဖြစ်ပါသည်။
ဂျပန်နိုင်ငံ
Mitsubishi Heavy Industries (MHI) ကုမ္ပဏီနှင့် Boeing ကုမ္ပဏီတို့အကြား ချုပ်ဆိုထားသော တိုက်ရိုက် ကုန်သွယ်လုပ်ငန်းခွန် (DCS) သဘောတူညီချက်အပြီးတွင် ဂျပန်နိုင်ငံ ကိုယ်ပိုင်ကာကွယ်ရေးတပ်ဖွဲ့၊ လေတပ် (JASDF) ၏ F-15J ကြားဖြတ်တိုက်လေယာဉ်အုပ်ကို ခေတ်မီအဆင့်မြှင့်တင်ရန် ကျယ်ကျယ်ပြန့်ပြန့် ကြိုးပမ်းလာခဲ့ပါတော့သည်။ ထိုင်ခုံတစ်လုံးတည်းပါ တစ်ယောက်မောင်း F-15J ကြားဖြတ်တိုက်လေယာဉ် အစင်း ၂၀၀ ကျော်နှင့် နှစ်ယောက်မောင်း F-15DJ အမောင်းသင်တိုက်လေယာဉ်များကို MHI ကုမ္ပဏီမှ ဘိုးရင်းကုမ္ပဏီ၏ တရားဝင်လိုင်စင်ဖြင့် ၁၉၈၀ ပြည့်နှစ်နှင့် ၂၀၀၀ ပြည့်နှစ်ကြားကာလတွင် ထုတ်လုပ်နိုင်ခဲ့သည်ဟု ယုံကြည်ရပါသည်။
ဇူလိုင်လ ၂၈ ရက်နေ့တွင် Boeing ကုမ္ပဏီမှ ကြေညာခဲ့သော DCS သဘောတူညီချက်သည် ပိုမိုကျယ်ပြန့်သော ဒေါ်လာ ၄.၅ ဘီလီယံ ခေတ်မီရေးအစီအစဉ်များအတွက် အခြေခံအချက်များဖြစ်သည်။၂၀၁၉ ခုနှစ် အောက်တိုဘာလတွင် နိုင်ငံခြားစစ်ဘက်ရောင်းချရေး – Foreign Military Sales (FMS) ယန္တရားအောက်ရှိ အမေရိကန်နိုင်ငံခြားရေးဝန်ကြီးဌာနမှ အတည်ပြုထားသော F-15J/DJs တိုက်လေယာဉ် ၉၈ စင်းထိ ဂျပန်စူပါကြားဖြတ်တိုက်လေယာဉ် (Japan Super Interceptor (JSI)) အဖြစ် အဆင့်မြှင့်တင်ဆောင်ရွက်ရေးစီမံကိန်းလည်းဖြစ်ပါသည်။
“ဂျပန်နိုင်ငံမှာ Boeing အဖွဲ့နဲ့ အလုပ်လုပ်တဲ့ ကုန်သွယ်မှုကုမ္ပဏီ Sojitz ကော်ပိုရေးရှင်းက ဒီကြိုးပမ်း အားထုတ်မှုကို ပံ့ပိုးဆောင်ရွက်ပေးသွားမှာပါ” ဟု Boeing ကုမ္ပဏီ၏ ထုတ်ပြန်ချက်တွင် ဖော်ပြထားသည်။ MHI ကုမ္ပဏီသည် ပထမဆုံး F-15J လေယာဉ် နှစ်စင်းကို F-15 JSI ပုံစံသို့ အဆင့်မြှင့်တင်ရန်အတွက် ပြန်လည်ပြင်ဆင်ရေးဆွဲမှုများ၊ နည်းပညာဆိုင်ရာပုံနှိပ်ထုတ်ဝေမှုများနှင့် မြေပြင်အထောက်ကူပြုပစ္စည်းများကို MHI ကုမ္ပဏီမှ ပံ့ပိုးလုပ်ဆောင်ပေးသွားမည်ဖြစ်ကြောင်း ထည့်သွင်းပြောကြားခဲ့ပါသည်။
တစ်ဖက်မှလည်း MHI ကုမ္ပဏီသည် အသေးစိတ် ပြုပြင်မွမ်းမံမှုအစီအစဉ်များ ရေးဆွဲခြင်းနှင့် ၂၀၂၂ ခုနှစ်တွင် စတင်ရန်မျှော်မှန်းထားသော အဆင့်မြှင့်တင်ခြင်းလုပ်ငန်းအတွက် လိုအပ်သော အခြေခံအဆောက်အအုံနှင့် ကျွမ်းကျင်လုပ်သားအင်အားကို စုစည်းလုပ်ဆောင်ပေးသွားရန် တာဝန်ရှိမည်ဖြစ်သည်။
Boeing ကုမ္ပဏီ၏အဆိုအရ အဆင့်မြှင့်တင်မှုများသည် ခေတ်မီ အီလက်ထရောနစ် စစ်ဆင်ရေးစနစ်များနှင့် လက်နက်စနစ်များကို မိတ်ဆက်ပေးလိမ့်မည်- “ကမ္ဘာ့အဆင့်မြင့်ဆုံး mission computer စနစ်အသုံးပြုထားသည့် အဆင့်မြင့်လေယာဉ်မှူးသုံး အချက်အလက်ဖော်ပြမှုစနစ်အသစ်သည် လေယာဉ်မှူးများအား လေကြောင်းနှင့် ရန်သူအခြေအနေဆိုင်ရာ ကြိုတင်သတိပေးချက်များကို မြှင့်တင်ပေးလိမ့်မည်”ဟု သိရှိရပါသည်။
F-15JSI ဂျပန်ကြားဖြတ်တိုက်လေယာဉ်ဖွဲ့စည်းမှုတွင် Raytheon ကုမ္ပဏီထုတ် AN/APG-82(V)1 active electronically scanned array (AESA) radar ရေဒါ၊ Honeywell ကုမ္ပဏီထုတ် အဆင့်မြင့် Display Core Processor II (ADCP II) အချက် အလက်ဖော်ပြမှု ကွန်ပြူတာနှင့် BAE Systems ကုမ္ပဏီထုတ် AN/ ALQ-239 အီလက်ထရောနစ်စစ်ဆင်ရေးစနစ်တို့လည်း ပါဝင်မည်ဖြစ်ပါသည်။ အခြား အဆင့်မြှင့်တင်မှုများအနေဖြင့် လေယာဉ်တွင်အသံဆက်သွယ်မှုအတွက် ရေဒီယို ဆက်သွယ်ရေးစနစ်အသစ်များနှင့် တည်နေရာယောင်ပြ spoofing GPS စနစ်များ ပါဝင်မည်ဖြစ်ပါသည်။
အဆိုပါ အဆင့်မြှင့်တင်မှု အများအပြားသည် ကာတာနိုင်ငံ၏ F-15QA၊ ဆော်ဒီအာရေးဗီးယား၏ F-15SA နှင့် အမေရိကန်ပြည်ထောင်စု၏ လာမည့် F-15EX တိုက်လေယာဉ်များကို ထွက်ပေါ်လာစေခဲ့ပြီး Boeing ကုမ္ပဏီ၏ Advanced Eagle ပရိုဂရမ်အောက်တွင် တီထွင်ထုတ်လုပ်ထားသည့် တိုက်လေယာဉ်များနှင့် အပြိုင်ဖြစ်ပါသည်။
ဂျပန်နိုင်ငံသည် သမားရိုးကျ အတက်အဆင်းပြုလုပ်နိုင်သော Lockheed Martin F-35A Lightning II JSF ကို ၎င်း၏ မျိုးဆက်သစ်တိုက်လေယာဉ်အဖြစ် ဝယ်ယူဖြည့်တင်းသွားနိုင်ရန် ၂၀၁၁ ခုနှစ် ဒီဇင်ဘာလတွင် တရားဝင်ရွေးချယ်ခဲ့ပြီး JASDF မှ တပ်တော ဝင်ခြင်းရပ်ဆိုင်းခဲ့သည့် F-4EJ Phantom နေရာများတွင် အစားထိုးရန် ကြိုးပမ်းလာခဲ့ပါသည်။ အဆိုပါ F-4EJ Phantom ကြားဖြတ်တိုက်လေယာဉ်များသည် အနားယူခဲ့သည့် ၂၀၂၀ ပြည့်နှစ် ဒီဇင်ဘာလအချိန်ထိ ဂျပန်ကိုယ်ပိုင်ကာကွယ်ရေးတပ်ဖွဲ့၊ လေတပ်တွင် နှစ်ပေါင်း ၅၀ ခန့် အသုံးပြုခဲ့သည့် လေယာဉ်လည်းဖြစ်ပါသည်။ ဂျပန်နိုင်ငံ Misawa လေတပ်စခန်းတွင် ကနဦးအခြေစိုက်မည့် F-35A လေယာဉ် စုစုပေါင်း ၁၀၅ စီးကို ၀ယ်ယူရန် စီစဉ်နေသော်လည်း F-35A တပ်ဖြန့်လှုပ်ရှားမှုများကို ၂၀၂၅ ခုနှစ်တွင် Komatsu လေတပ်စခန်းသို့ တိုးချဲ့သွားရန် စီစဉ်နေကြောင်း သိရှိရပါသည်။
သက်ထူးခန့်ပိုင်
သေနင်္ဂမဟာဗျူဟာလေ့လာရေးအဖွဲ့
