“သတိပြုရမည့်အနောက်တံခါးမှ အကြမ်းဖက်တို့၏ အန္တရယ်”
(သေနင်္ဂမဟာဗျူဟာလေ့လာရေးအဖွဲ့ Founder & Executive Director Dr. နိုင်ဆွေဦး ၏ ဇွန်လ ၂၆ ရက်နေ့ထုတ် Daily Eleven သတင်းစာပါ ဆောင်းပါး)
(ISIS တို့၏ လက်ရှိအခြေအနေအား သုံးသပ်ခြင်း – အားလျော့နေပြီဖြစ်သော်လည်း အလားအလာရှိနေဆဲလား)
ဒေါက်တာနိုင်ဆွေဦး
Islamic State in Iraq and Syria (ISIS) တို့၏ ခြိမ်းခြောက်နိုင်မှုနှင့် ပတ်သက်ပြီး မတူညီသောအယူအဆ နှစ်မျိုး ရှိပါသည်။ ပထမအယူအဆမှာ ISIS တို့သည် အီရတ်နိုင်ငံ မိုဆူးလ်မြို့ကို ထိန်းချုပ်နိုင်ရန် ကြိုးပမ်းနေရဆဲဖြစ်ပြီး သူတို့ မြို့တော်အဖြစ်သတ်မှတ်ထားသော ဆီရီးယားနိုင်ငံ ရက်ကာမြို့ (Raqqa) ကို ကာကွယ်နိုင်ရန် မလွဲမသွေ ပြင်ဆင်နေပြီ ဖြစ်သောကြောင့် မကြာမီမှာပင် ချေမှုန်းခံရတော့မည် ဖြစ်ကြောင်း ပေါ်လွင်လာနေပြီဟု ပညာရှင်အချို့က ဆိုပါသည်။ ဒုတိယအယူအဆမှာ ISIS တို့သည် အရှေ့အလယ်ပိုင်းဒေသတွင် နောင် ဆယ်စုနှစ်တစ်စုကျော်အကြာမှသာလျှင် ကွယ်ပျောက်သွားနိုင်လိမ့်မည်ဟု အချို့က သုံးသပ်ကြပါသည်။
သူ့အယူအဆနှင့်သူတော့ မှန်ကန်ကြသည်ဟု ဆိုရပါမည်။ အဘယ်ကြောင့်ဆိုသော် ISIS အဖွဲ့သည် ထူးခြားစွာ ဖွဲ့စည်းထားသော အဖွဲ့တစ်ခုဖြစ်ပြီး အကြမ်းဖက်မှုဆိုသည်မှာလည်း နှိမ်နင်းရန် ခက်ခဲသော နည်းဗျူဟာတစ်ခု ဖြစ်သောကြောင့် ဖြစ်ပါသည်။
ပထမအယူအဆ – ISIS တို့ နိဂုံးချုပ်ရန် နီးကပ်လာပြီလော
ပြီးခဲ့သည့် ၂၀၁၆ ခုနှစ်အတွင်းမှာပင် ISIS တို့အနေဖြင့် ဆီးရီးယား၊ အီရတ်၊ အီဂျစ်နိုင်ငံ ဆိုင်းနိုင်ကျွန်းဆွယ်၊ အာဖဂန်နစ္စတန်၊ လစ်ဗျားနှင့် နိုင်ဂျီးရီးယားတို့ရှိ ၎င်းတို့ထိန်းချုပ်ထားသော နယ်မြေအများအပြားကို လက်လွှတ်ဆုံးရှုံးခဲ့ရပြီး ဖြစ်သည်။ ငွေကြေးထောက်ပံ့မှုများအားလည်း ထိန်းချုပ်ခံနေရပြီး အကြမ်းဖက်သမားအများအပြားသည်လည်း အဖွဲ့အား စွန့်ခွာ ထွက်ပြေးနေကြရပြီ ဖြစ်ပါသည်။ နောက်တစ်ချက်မှာ ISIS ခေါင်းဆောင် Abu Bakr al-Baghdadi ၏ လက်ထောက်ခေါင်းဆောင်တစ်ဦး ဖြစ်သော Abu Abdul Rahman အပါအဝင် ခေါင်းဆောင်အများအပြားနှင့် စစ်ဆင်ရေးစီမံချက်ရေးဆွဲသူအချို့ကိုပါ လျင်မြန်စွာ သုတ်သင်နိုင်ခဲ့ရာ ပြန်လည် အစားထိုးရန်ပင် ခက်ခဲသည့်အနေအထားသို့ ရောက်ရှိနေခြင်း ဖြစ်သည်။ အမှတ်တံဆိပ်တခုအနေဖြင့် ISIS တို့ ဆုတ်ယုတ်ကျဆင်းလာပြီ ဖြစ်သည်။ အာရပ်ကမ္ဘာနှင့် အစ္စလာမ်အသိုင်းအဝိုင်းတွင်လည်း လူကြိုက်များမှု ကျဆင်းလာပါသည်။ ISIS တို့အနေဖြင့် အကြမ်းဖက် တိုက်ခိုက်မှုများကို ပြုလုပ်ရန်အတွက် အသက်အရွယ်ကြီးရင့်သော လူသစ်များကို အသုံးပြုနေရကြောင်းနှင့် ဤသည်မှာ ပြိုကွဲခြင်း၏ အမှတ်လက္ခဏာတစ်ခုဖြစ်ကြောင်း ဂျော်ဂျီယာပြည်နယ်တက္ကသိုလ်မှ အကြမ်းဖက်ဝါဒ လေ့လာရေး ကျွမ်းကျင်သူ John Hogan က မကြာသေးမီက ထောက်ပြခဲ့ပါသည်။
အမှန်တကယ်လည်း ISIS တို့၏ သက်တမ်းသည် အဖွဲ့တစ်ခုနေဖြင့် အတိုင်းအဆမရှိ ကျယ်ပြောသော နယ်မြေများကိုထိန်းချုပ်ထားရခြင်းနှင့် တရားဝင်ခေါင်းဆောင်မှုရရန် တောင်းဆိုမှုများကြောင့် သေချာပေါက် အဆုံးသတ်နေပြီ ဖြစ်ပါသည်။ သို့သော် မြေပေါ်သောင်းကျန်းမှုအဆင့်မှ မြေအောက်အကြမ်းဖက်လှုပ်ရှားမှုသို့ ပြောင်းလဲသွားခြင်းသည် ဗဟိုချုပ်ကိုင်မှုကို လျော့ချလာနိုင်မည် ဖြစ်ပြီး အဖွဲ့အား ပြန့်ကျဲသွားစေပါသည်။ ထို့ကြောင့် အဖွဲ့ငယ်များအဖြစ်သာ ဆက်လက်ရှင်သန်ရပ်တည်နေနိုင်မည် ဖြစ်ပြီး တိုက်ခိုက်မှုအသေးများကို ရံဖန်ရံခါလုပ်ဆောင်နိုင်ပါမည်။ သို့သော် စီမံချက်ချကာ တိုက်ပွဲကြီးများ ဆင်နွှဲခြင်းကိုတော့ လုပ်ဆောင်နိုင်မည် မဟုတ်တော့ပါ။
ဒုတိယအယူအဆ – ISIS သည် ထာဝရတည်တံ့နေနိုင်မည်လော
ISIS တို့အနေဖြင့် အီရတ်နှင့် ဆီးရီးယားတွင် နယ်မြေများဆုံးရှုံးလျက်ရှိပြီး ၎င်းတို့၏ သောင်းကျန်းမှုအား နှိမ်နင်းခံရသော်လည်း နိုင်ငံတကာလုံခြုံရေးကိုတော့ သိသိသာသာ စိန်ခေါ်ခြိမ်းခြောက်လျက် ရှိနေပါသေးသည်။ မီဒီယာစစ်ပွဲတွင် လျော့နည်းသွားခြင်း မရှိသည့်အပြင် တိုးတက်နေသည်ဟုပင် ဆိုနိုင်ပါသည်။ ဥရောပ သမဂ္ဂရဲတပ်ဖွဲ့ (EUROPOL) ၏ အစီရင်ခံစာများအရ ISIS တို့သည် ကိုယ်ပိုင် လူမှုဆက်ဆံရေး ကွန်ယက် ပလက်ဖောင်းကို တည်ဆောက်ထားပြီး ထောက်လှမ်းရေးနှင့် တရားဥပဒေစိုးမိုးရေး လုပ်ငန်းများကို ထိုးဖောက်ရန် ကြိုးစားနေကြောင်း လေ့လာသိရှိရပါသည်။
ထို့အပြင် ISIS တို့အနေဖြင့် ဥရောပတိုက်တွင်း တိုက်ခိုက်မှုကြီးကြီးမားမားကို ဆက်လက်ဆောင်ရွက်နိုင်စွမ်း ရှိဆဲပင်ဖြစ်ပါသည်။ ဥပမာအားဖြင့် ၂၀၁၆ ခုနှစ် ဘရပ်ဆဲလ်တိုက်ခိုက်မှုမျိုး ဖြစ်သည်။ ပြင်သစ်နှင့် အခြားဥရောပနိုင်ငံများတွင်လည်း အကြမ်းဖက်တိုက်ခိုက်မှု အသေးစားများကို ပုံမှန် ဆက်လက်လုပ်ဆောင်နေဆဲ ဖြစ်ကြောင်း လေ့လာသိရှိရပါသည်။ ISIS အွန်လိုင်းမဂ္ဂဇင်း “Rumiyah” နောက်ဆုံးထုတ်အတွဲတွင် ISIS က ဥရောပတိုက်မှ နောက်လိုက်နောက်ပါများအား ရာဇဝတ်ကွန်ယက်များနှင့် ဆက်သွယ်ကာ လက်နက်များရယူပြီး အကြမ်းဖက်တိုက်ခိုက်မှုများကို လုပ်ဆောင်ရန် တိုက်တွန်းရေးသားထားကြောင်း တွေ့ရှိရပါသည်။ Berlin နှင့် Nice တို့တွင် ဖြစ်ပွားခဲ့သော ဖြစ်စဉ်များကို လေ့လာကြည့်ခြင်းအားဖြင့် သင့်လျှော်သော အခြေအနေတစ်ခုတွင် သာမန် ကုန်တင်ထရပ်ကားတစ်စီးကိုပင် လက်နက်အဖြစ်အသုံးပြုကာ တိုက်ခိုက်မှုများ ပြုလုပ်နိုင်ကြောင်း သိရှိနိုင်သည်။
ISIS ခြိမ်းခြောက်မှု ဆက်လက်တည်ရှိနေရခြင်း၏ အခြားအကြောင်းအရင်းတစ်ခုမှာ ဆာလာဖီ ဂျီဟတ်ဒ်ဝါဒ၏ ပြောင်းလွယ်ပြင်လွယ်ရှိမှုသဘာဝဖြစ်သော လျင်မြန်စွာ ပြန်လည်ခေါင်းထောင်နိုင်ခြင်းနှင့် မျိုးမတူကွဲပြားခြားနားသော ဒေသခံများအား ကောင်းစွာ ဆွဲဆောင်နိုင်စွမ်းရှိခြင်းတို့ ဖြစ်သည်။ ISIS တို့အနေဖြင့် နယ်မြေအများအပြား လက်လွှတ်ဆုံးရှုံးလိုက်ရပြီး ဖြစ်သော်လည်း အာဖရိက၊ တောင်အာရှနှင့် အရှေ့တောင်အာရှ၊ ဥရောပတိုက်ရှိ ဆင်းရဲသောနိုင်ငံများတွင် နယ်မြေသစ်များ တွေ့ရှိထားပြီး ဖြစ်ကြောင်း လေ့လာမိပါသည်။ ISIS တို့သည် အင်အားနည်းသော နိုင်ငံများ (Weak States) နှင့် အုပ်ချုပ်သူမဲ့ နေရာများကို ရှာဖွေပြီးနောက် အဆိုပါနယ်မြေများရှိ ဒေသတွင်း ပဋိပက္ခများတွင်း ကပ်ပါးပုံစံဖြင့် ဝင်ရောက်လေ့ရှိသည်။ ISIS သည် ၎င်းတို့နှင့် မျိုးနွယ်တူ မူဆလင်အသိုက်အဝန်းတွင်းမှာပင် ခြိမ်းခြောက်ခြင်း၊ နှိပ်စက်ခြင်းစသည့် ရက်စက်သော အပြုအမူများကို ပြုလုပ်လေ့ရှိသော်လည်း မိမိတို့ကိုယ်မိမိ လူမှုအသိုက်အဝန်းအား ကာကွယ်သူ (Protector of ummah) သို့မဟုတ် ကမ္ဘာ့မူဆလင် အသိုက်အဝန်းအား ကာကွယ်သူအနေဖြင့် နေရာယူလေ့ရှိသည်။
နောက်ဆုံးတစ်ချက်မှာ ISIS အဖွဲ့သည် လွန်စွာ ပြောင်းလွယ်ပြင်လွယ်ရှိပြီး ပတ်ဝန်းကျင်အခြေအနေကို လိုက်ကာ တိုက်ခိုက်နိုင်စွမ်းရှိသော ရန်သူဖြစ်သည်။ တိုက်ပွဲတစ်ပွဲအတွင်း ISIS တိုက်ခိုက်ရေးသမားများသည် မောင်းသူမဲ့လေယာဉ်ငယ်တွင် လက်ပစ်ဗုံးများတပ်ဆင်ပြီး အီရတ်စစ်သည်များကို တိုက်ခိုက်ရန် လုပ်ဆောင်ခဲ့ဘူးသည်။ ဆိုင်ဘာ စစ်မြေပြင်တွင်လည်း ISIS တို့သည် အကြမ်းဖက်မှုများအား ငွေကြေးထောက်ပံ့မှုများ ပြုလုပ်ရန်အတွက် Bitcoin ကဲ့သို့သော Virtual ငွေကြေးကို အသုံးပြုကာ တစ်နေရာမှ တစ်နေရာသို့ ရွှေ့ပြောင်းလေ့ရှိပြီး ခြေရာမခံနိုင်အောင် ပြုလုပ်လေ့ရှိပါသည်။ ISIS တို့အနေဖြင့် နယ်မြေများကို လက်လွှတ်ဆုံးရှုံးရခြင်းနှင့်အတူ အဆိုပါနယ်မြေများတွင် အခွန်ကောက်ခံရရှိမှုနှင့် ခြိမ်းခြောက်ငွေညှစ်ခြင်းများ လျော့နည်းလာပါသည်။ ထို့ကြောင့် ရန်ပုံငွေ စုဆောင်းရရှိရန်အတွက် အခြားသင့်လျှော်သော နည်းလမ်းများ ရှာဖွေရန် လိုအပ်လာပါတော့သည်။
ခြိမ်းခြောက်မှု၏ လက်ရှိ အနေအထား
လက်ရှိ အနေအထားအရ ISIS အဖွဲ့သည် မြေပေါ်သောင်းကျန်းသူအဖွဲ့အဖြစ်မှ လျှို့ဝှက် အကြမ်းဖက်အဖွဲ့အစည်းအဖြစ်သို့ ပြောင်းလဲလာပါသည်။ မိုဆူးလ်တွင် ဆင်နွှဲခဲ့သော စစ်ဆင်ရေးများအရ ISIS တို့သည် တိုက်ပွဲဖြစ်ပွားခြင်း မရှိဘဲ နယ်မြေအား လက်လွှတ်ဆုံးရှုံးခံလေ့ မရှိပါ။ အီရတ်လုံခြုံရေးတပ်ဖွဲ့ဝင်များ၏ တိုက်စစ်ကို ISIS စစ်သွေးကြွများက ကတုတ်ကျင်းများ တူးကာ အခိုင်အမာ ခုခံပြီး အသေခံဗုံးခွဲသမားများကလည်း အဆင့်အဆင့် တစ်ယောက်ပြီးတစ်ယောက် အသေခံဗုံးခွဲကာ တိုက်ခိုက်လေ့ရှိပါသည်။ ISIS မြို့တော် ရက်ကာအား အင်အား (၄၀၀၀) ခန့်ရှိ ပင်မတပ်ဖွဲ့က အခိုင်အမာကာကွယ်ထားကြောင်းလည်း သိရှိရသည်။ ရက်ကာအား သိမ်းပိုက်ရန် တိုက်စစ်ဆင်နွှဲမည်ဆိုပါက ယခုဖြစ်ပွားနေသော မိုဆူးလ်မြို့သိမ်းတိုက်ပွဲထက်ပင် အသေအပျောက်ပိုမိုများပြားမည် ဖြစ်ပါသည်။ ISIS တို့သည် ဝါဒဖြန့်ချိရန်အတွက် အရပ်သားများ သေဆုံးနေသည့်ဓာတ်ပုံများကို ထုတ်ပြန်မည်ကတော့ သေချာပါသည်။ ရက်ကာမြို့ရှိ ISIS တို့အား တိုက်ခိုက်မည့် စီမံချက်၏ နောက်ကွယ်က နိုင်ငံရေးအခြေအနေကလည်း အတန်ငယ် ရှုပ်ထွေးနေပါသည်။ ဆီးရီးယား ကာဒ့်လူမျိုးများအား လက်နက်တပ်ဆင်ပေးခြင်းအပါအဝင် အမေရိကန်၏ လက်ရှိ စီမံချက်အား တူရကီ အပြင်းအထန် ဆန့်ကျင်လျက်ရှိပါသည်။ လက်ရှိအခြေအနေနှင့် ပတ်သက်ပြီး မေးခွန်းများစွာလည်း ပေါ်ထွက်လာနေပါသည်။
“အမေရိကန်အနေဖြင့် ရုရှားတို့နှင့် ပူးပေါင်းဆောင်ရွက်မည်လား။”
“ရက်ကာမြို့ရှိ ISIS များကို ချေမှုန်းခြင်းသည် မိမိတို့ပြည်သူများအပေါ်ပင် ဓာတုလက်နက်များဖြင့် တိုက်ခိုက်နေသော ဆီရီးယား သမ္မတ အာဆတ်အစိုးရအား အထောက်အပံ့ပေးလိုက်သကဲ့သို့ ဖြစ်သွားမည်လား။”
အနာဂတ်ကို လှမ်းမျှော်ကြည့်ခြင်း
ISIS အဖွဲ့အနေဖြင့် စတင်ပြိုကွဲနေပြီ ဖြစ်ရာ အခြားနိုင်ငံများက လာရောက်တိုက်ခိုက်နေကြသော စစ်သွေးကြများသည် မိမိတို့ ဒေသသို့ ပြန်လည် ဝင်ရောက်ရန် ကြိုးပမ်းမှုသည် ခြိမ်းခြောက်မှုကြီး ဖြစ်လာပါသည်။ ISIS တို့ ပြိုကွဲခြင်းနှင့်အတူ ဆီးရီးယားရှိ al Qaeda တို့ ပိုမိုအင်အားကောင်းလာပါသည်။ အဘယ်ကြောင့်ဆိုသော် စစ်သွေးကြွတိုက်ခိုက်ရေးသမားများက ၎င်းတို့ အသက်ရှင် ရပ်တည်ရေးအတွက် ဘက်ပြောင်းပြီး ဆက်လက်တိုက်ခိုက်နေကြသောကြောင့် ဖြစ်ပါသည်။
ဆီးရီးယား ပြည်တွင်းစစ်သည် ပြီးဆုံးမည့် အရိပ်ယောင်မမြင်ရသေးသကဲ့သို့ အိမ်နီးချင်း အီရတ်နိုင်ငံတွင်လည်း ပြည်တွင်းနိုင်ငံရေးအခြေအနေသည် တည်ငြိမ်မှု မရှိသေးသည်ဖြစ်ရာ ISIS တို့ ဖြစ်တည်မှုအား လက်ရှိအခြေအနေတွင် ဆက်လက်ရှိနေစေပါသည်။ ဆွန်နီနှင့် ရှီအိုက်တို့၏ ဘာသာရေး ပဋိပက္ခ ပြင်းထန်လာခြင်းသည်လည်း ဆွန်နီတို့ကြား ISIS တို့ ပါဝင်မှုကို မြင့်တက်စေပါသည်။
ISIS ၏ ဒေသတွင်း မဟာမိတ်အဖွဲ့များသည် လွန်ခဲ့သောနှစ်များက နယ်မြေအများအပြားကို လက်လွှတ်ဆုံးရှုံးခဲ့ရပါသည်။ သို့သော် ၂၀၀၀ ပြည့်လွန်နှစ်များက အီရတ်နှင့် အာရေဗျကျွန်းဆွယ်ရှိ al Qaeda ဗဟိုသည် ပါကစ္စတန်တွင် ပြန်လည် အားကောင်းလာသကဲ့သို့ပင် လာမည့် ၃ နှစ်မှ ၅ နှစ်အတွင်း အထက်ပါ ISIS မဟာမိတ်အဖွဲ့များ၏ အဖွဲ့ခွဲများသည် လစ်ဗျား၊ ယီမင်၊ အာဖဂန်နစ္စတန်နှင့် အီဂျစ်တို့တွင် ပြန်လည် ရှင်သန်လာမည့် အလားအလား များစွာရှိပါသည်။ တနည်းဆိုရသော် အဆိုပါအဖွဲ့များ၏ ယခင်က ခိုင်မာတောင့်တင်းခြင်းမရှိသော အမိန့်ပေးထိန်းချုပ်စနစ်သည် စွမ်းဆောင်ရည်မြင့်မားလာနိုင်ပြီး ၎င်းတို့၏ အခွင့်အရေးကို ယခင်ကထက် ပိုမိုပြင်းထန်စွာ တောင်းဆိုလာနိုင်ပါသည်။
ISIS တို့ ခြိမ်းခြောက်မှုအန္တရာယ်သည် တစ်ကမ္ဘာလုံးအပေါ် သက်ရောက်လျက်ရှိသော်လည်း အနောက်နိုင်ငံများနှင့် ဒေသတွင် နိုင်ငံများသည် အကန့်အသတ်ဖြင့်သာ တုံ့ပြန်မှု လုပ်ဆောင်နေသည်ကို တွေ့ရပါသည်။ သို့သော် တရားမျှတစွာ သုံးသပ်ရမည်ဆိုလျှင် ထိရောက်ပြည့်စုံသော တုံ့ပြန်မှုရရှိရန် ခက်ခဲပါသည်။ အဘယ်ကြောင့်ဆိုသော် ISIS ဆန့်ကျင်ရေး မဟာမိတ်အဖွဲ့ဝင်နိုင်ငံများအနေဖြင့် တစ်နိုင်ငံချင်းစီ၏ အမျိုးသားအကျိုးစီးပွားများရှိခြင်းနှင့် ဦးစားပေး အခြေအနေများ ကွဲပြားခြားနားခြင်းတို့ကြောင့် ဖြစ်ပါသည်။
ISIS တို့အနေဖြင့် ၎င်းတို့ လက်ရှိ အခြေတည်နေသောနိုင်ငံများအပြင် အနောက်နိုင်ငံများကိုပါ ဆက်လက်ပြီး ပြင်းပြင်းထန်ထန် ခြိမ်းခြောက် ပစ်မှတ်ထား တိုက်ခိုက်လာနိုင်ပါသည်။ ISIS အဖွဲ့သည် ၎င်းတို့နေရာကို အစားထိုးပြီး ကမ္ဘာ့ဂျီဟတ်ဒ်လှုပ်ရှားမှုကို ဦးဆောင်မည့် ဆာလာဖီ ဂျီဟတ်အဖွဲ့သစ် ပေါ်မလာမခြင်း ပုံစံအမျိုးမျိုးဖြင့် ဆက်လက် ရှင်သန်ရပ်တည်နေဦးမည် ဖြစ်ပါသည်။
မြန်မာနိုင်ငံနှင့် ပတ်သက်ပြီး သုံးသပ်ခြင်း
အရှေ့အလယ်ပိုင်းတွင် ISIS တို့ စတင်ပြိုကွဲပြီး စစ်ရှိန်လျော့လာခြင်းနှင့် အတူ သွားရောက်တိုက်ခိုက်နေကြသော အရှေ့တောင်အာရှဒေသမှ စစ်သွေးကြွတိုက်ခိုက်ရေးသမားများသည် မိမိတို့နေရင်းဒေသသို့ ပြန်လည် ဝင်ရောက်လာနေပြီ ဖြစ်ပါသည်။ အခြားသုံးသပ်ရန်အချက်တစ်ချက်မှာ al Qaeda အဖွဲ့၏ အရှေ့တောင်အာရှ မဟာမိတ်အဖွဲ့ဖြစ်သော Jemaah Islamiyah အဖွဲ့ဝင် နာဆီယာအဘတ်စ်သည် ၁၉၉၄ ခုနှစ်က ဘင်္ဂလားဒေ့်ရ်ှနိုင်ငံမှ တဆင့် မြန်မာနိုင်ငံ ရခိုင်ပြည်နယ်သို့ ဝင်ရောက်ကာ အကြမ်းဖက်သင်တန်းကျောင်းတစ်ခု တည်ထောင်ရန်အတွက် နယ်မြေရှာဖွေခဲ့ဘူးပါသည်။ သို့သော် ရခိုင်ဒေသ၏ မြေမျက်နှာသွင်ပြင် ခက်ခဲကြမ်းတမ်းမှုကြောင့် သူ၏ အကြံအစည်အား လက်လျော့က ဖိလစ်ပိုင်နိုင်ငံ မင်ဒါနာအိုပြည်နယ် တောနက်တွင် တည်ထောင်ခဲ့ပါသည်။
ယခုအခါ ဖိလစ်ပိုင်နိုင်ငံ မင်ဒါနာအိုဒေသသည် အာရှ – ပစိဖိတ်ဒေသ အကြမ်းဖက်မှုများ၏ ဗဟိုချက် ဖြစ်လာနေပါသည်။ မေလ ၂၄ ရက်က ISIS (ISIL ဟုလည်းခေါ်သည်။) တို့က ဖိလစ်ပိုင်နိုင်ငံ မင်ဒါနာအိုပြည်နယ်ရှိ လူဦးရေ နှစ်သိန်းကျော်နေထိုင်ရာ မာရဝီမြို့ကြီးကို တိုက်ခိုက်သိမ်းပိုက်ထားခဲ့ပါသည်။ ဖိလစ်ပိုင်တပ်မတော်က ပြန်လည် ထိုးစစ်ဆင်မှုကြောင့် စစ်သွေးကြွ (၁၂၀) ဦးအား သတ်ဖြတ်နိုင်ခဲ့ပြီး (၈) ဦးအား အရှင်ဖမ်းဆီးရမိခဲ့ပါသည်။ ဖိလစ်ပိုင် စစ်သည် (၃၈) ဦး ကျဆုံးခဲ့ပြီး (၁၀ ဦးမှာ ဖိလစ်ပိုင်လေတပ်မှ မှားယွင်းတိုက်ခိုက်မှုကြောင့် ဖြစ်သည်။) (၇၀) ကျော် ဒဏ်ရာရရှိခဲ့ပါသည်။ အရပ်သား (၃၈) ဦးလည်း သေဆုံးခဲ့ရပါသည်။
ပြီးခဲ့သည့် ၂၀၁၆ ခုနှစ် အောက်တိုဘာလ (၉) ရက်နေ့က ဖြစ်ပွားခဲ့သော မောင်တောဖြစ်စဉ်တွင် Harakah al-Yaqin (Movement of Faith) အဖွဲ့ဝင် အကြမ်းဖက်သမားများအား ပြည်ပအဖွဲ့အစည်းများက ငွေကြေးအထောက်အပံ့များ ပေးအပ်ခဲ့ကြောင်း သက်သေအထောက်အထားများ တွေ့ရှိရပါသည်။ ထို့အပြင် အကြမ်းဖက်သမား ခေါင်းဆောင်များအား ပါကစ္စတန်နှင့် ဘင်္ဂလားဒေ့ရ်ှနိုင်ငံများတွင် လေ့ကျင့် သင်ကြားပေးခဲ့ကြောင်းလည်း လေ့လာသိရှိရပါသည်။ အဆိုပါ Harakah al-Yaqin (Movement of Faith) အဖွဲ့သည် ၂၀၁၇ ခုနှစ် မတ်လ (၂၉) ရက်နေ့တွင် ထုတ်ပြန်ချက်တစ်ခုထုတ်ပြန်ခဲ့ရာ အာရကန် ရိုဟင်ဂျာ ကယ်တင်ရေး တပ်မတော် (Arakan Rohingya Salvation Army – ARSA) ဟူသော အမည်သစ်ကို အသုံးပြုခဲ့ကြောင်းတွေ့ရှိရပါသည်။ မည်သည့်အတွက်ကြောင့် အဆိုပါ အမည်သစ်ကို ပြောင်းလဲ အသုံးပြုသနည်းဆိုသည်မှာ မေးခွန်းထုတ်စရာ ဖြစ်ပါသည်။
အခြားဖြစ်စဉ်တစ်ခုမှာ မေလ (၄) ရက်နေ့က ဘူးသီးတောင်မြို့နယ် သဲနီကျေးရွာ၏ အနောက်ဖက်တောစပ်၌ ပေါက်ကွဲမှုဖြစ်ပွားခဲ့ကြောင်း သတင်းရရှိသည့်အတွက် လုံခြုံရေးတပ်ဖွဲ့ဝင်များသည် ကင်းလှည့်ဆောင်ရွက်ခဲ့ရာ အဆိုပါနေရာ တောစပ်ပတ်ဝန်းကျင်တွင် ယာယီတဲဆောက်လုပ်နေထိုင်ခဲ့သည့် နေရာ (၂) နေရာ၌ လက်လုပ်မိုင်းပြုလုပ်ရာတွင် အသုံးပြုသည့် ပစ္စည်းများနှင့် ယမ်းနံ့များရရှိသဖြင့် ပေါက်ကွဲမှုဖြစ်ပွားခဲ့သော နေရာမှန်ကန်ကြောင်း စစ်ဆေးသိရှိရ၍ သေဆုံးသူ၊ ဒဏ်ရာရရှိသူများနှင့် ပါဝင်ပတ်သက်သူများအား ဆက်လက်စုံစမ်းခဲ့သည်။ မေ (၁၃) ရက် ညနေပိုင်းတွင် သဲနီကျေးရွာ၏ အနောက်မြောက်ဘက် တောင်ခြေရင်း၌ တူးဖော်စစ်ဆေးခဲ့ရာ ပြည်ပနိုင်ငံသား အလောင်း ၂ လောင်းနှင့်အတူ တင်းမေ (၃) ရပ်ကွက်နေ မော်လဝီ အဒူကော်ရိန်၊ ကျောင်းတောင် အလယ်ရွာနေ မော်လဝီယာဆိမ့် နှင့် စာကိုင်းကျေးရွာနေ ဇူပိုင် တို့ ၃ဦးအား တူးဖော်တွေ့ရှိခဲ့ပါသည်။ လက်လုပ်မိုင်း သင်တန်းပေးရာတွင် နိုင်ငံခြားသား (၂) ဦးနှင့် ဘာသာရေးဆရာတစ်ဦးတို့ ပါဝင်နေကြောင်း သိရှိနိုင်ပါသည်။ ဘင်္ဂါလီ အကြမ်းဖက်သမားများအနေဖြင့် ပြည်ပ အထောက်အပံ့များ ရရှိနေခြင်းကို ယုံမှား သံသယ ဖြစ်ရန်မလိုပါ။
နောက်ဖြစ်စဉ်တစ်ခုမှာ လုံခြုံရေးတပ်ဖွဲ့ဝင်များသည် မေလ (၃၁) ရက်က ချောင်းကုလား မြောက်ရွာနေ မောလ၀ီဘော်နီဂိုအာမီ (၅၀) နှစ် ၏ နေအိမ်အား မသင်္ကာသဖြင့် ၀င်ရောက်ရှာဖွေရာ စကားပြောစက်အလုံး (၄၀)၊ ၎င်း ဘတ္ထရီ (၃၆) ခု၊ အားသွင်း ခုံ (၄၀) ခု၊ စက္ကူဗူး (၁၀) ဗူးအား သိမ်းဆည်းရမိခဲ့ပါသည်။ ဘာသာရေးခေါင်းဆောင်တစ်ဦး၏ နေအိမ်တွင် စကားပြောစက် အလုံး (၄၀) မည်သည့်အတွက်ကြောင့် ရောက်နေပါသနည်း။ တစ်စုံတစ်ခု လုပ်ဆောင်ဖို့ ကြိုတင် ကြံစည်ထားသော စီမံချက်ကြီးတစ်ခု ဖြစ်နိုင်သည်ကို သုံးသပ်နိုင်ပါသည်။
အခြားသုံးသပ်ရန် ရှိသည်များမှာ ထိုင်းနိုင်ငံတောင်ပိုင်းရှိ မွတ်စလင်တို့၏ အကြမ်းဖက်မှုလုပ်ရပ်များသည် မြန်မာနိုင်ငံသို့ တနည်းနည်းဖြင့် ဆက်နွယ်လာနိုင်ခြင်း ရှိနိုင်/ မရှိနိုင် စဉ်းစားသင့်ပါသည်။ လက်ရှိတွင် ဆက်စပ်မှု အထောက်အထား မတွေ့ရှိရသေးသော်လည်း ၂၀၁၆ ခုနှစ် မောင်တောဖြစ်စဉ်အပြီး ဘင်္ဂါလီတို့ အသုံးပြုနေသော နည်းဗျူဟာများမှာ ထိုင်းတောင်ပိုင်းရှိ မွတ်စလင်အကြမ်းဖက်သမားများ အသုံးချနေသော နည်းဗျူဟာများနှင့် ထပ်တူထပ်မျှ ဖြစ်နေပါသည်။ ထို့အပြင် လက်နက်၊ မူးယစ်ဆေးဝါးနှင့် စိတ်ကြွရူးသွပ်ဆေးပြား မှောင်ခိုဝင်ရောက်မှု လမ်းကြောင်းများ ပြောင်းလဲလာခြင်းသည်လည်း ထည့်သွင်း တွက်ချက်ရမည့်အချက် ဖြစ်ပါသည်။
ဖြစ်စဉ်များ နောက်ကွယ်တွင် ISIS တို့ ပါဝင်ခြင်း ရှိ/ မရှိကတော့ ဆက်လက်လေ့လာ သွားရဦးမည် ဖြစ်ပါသည်။ အကြမ်းဖက်မှုတွင် နယ်နိမိတ် သတ်မှတ်ထားခြင်း မရှိပါ။ အစွန်းရောက် အကြမ်းဖက်သမားများသည် မြန်မာနိုင်ငံ အထူးသဖြင့် အနောက်ပိုင်းဒေသကို စိမ့်ဝင်ထိုးဖောက်နေခြင်းသည် လက်ခံရမည့် အမှန်တရား ဖြစ်ပါသည်။ ဤသည်ကို အလေးအနက်ထားပြီး ကိုင်တွယ်ဆောင်ရွက်ရပါမည်။ သတင်းကြိုတင် လက်ဦးရန်လည်း လိုအပ်ပါသည်။ အကြမ်းဖက်မှုတိုက်ဖျက်ရေးသည် နိုင်ငံသားတိုင်း၏ တာဝန်တစ်ရပ်လည်း ဖြစ်ပါသည်။ အကြမ်းဖက်ဝါဒသည် နိုင်ငံ၏ အမျိုးသားလုံခြုံရေး (National Security) ကို ခြိမ်းခြောက်လာနေပြီ ဖြစ်ပါသည်။ အကြမ်းဖက်မှု တိုက်ဖျက်ရေးအတွက် ကျွန်တော်တို့ မည်မျှ အဆင်သင့် ဖြစ်နေပါပြီလဲ။
