အာရှလေတပ် ခေတ်မီရေးဆောင်ရွက်မှုများအား လေ့လာသုံးသပ်ခြင်း
အပိုင်း(၃)
တောင်ကိုရီးယားနိုင်ငံ
ကိုရီးယားကျွန်းဆွယ်တစ်လျှောက်တွင် တောင်ကိုရီးယားနိုင်ငံ လေကြောင်းအာကာသနှင့် ကာကွယ်ရေးဆိုင်ရာ အဓိကကျသည့် စက်မှုလုပ်ငန်းစုတစ်ခုဖြစ်သော Korea Aerospace Industries (KAI) ကုမ္ပဏီသည် တောင်ကိုရီးယားနိုင်ငံထုတ် Korean Fighter eXperimental (KF-X) ပရိုဂရမ်အတွက် ပထမဆုံးသော ရှေ့ပြေးနမူနာလေယာဉ်ကို ထုတ်လုပ်နိုင်ခဲ့ပြီး ဘက်စုံသုံးတိုက်လေယာဉ်အဖြစ် တီထွင်ထုတ်လုပ်သွားရန် ရည်ရွယ်ထားပါသည်။ တောင်ကိုရီးယားသမ္မတနိုင်ငံ လေတပ်၏ (RoKAF) ၏ ခေတ်မမီတော့သည့် F-4D/E Phantom II နှင့် F-5E/F Tiger II တိုက်လေယာဉ်များနေရာတွင် အစားထိုးအသုံးပြုရန် ရည်ရွယ်ကြိုးပမ်းလုပ် ဆောင်လာခြင်းလည်း ဖြစ်ပါသည်။ တောင်ကိုရီးယားလေတပ် (RoKAF) သည် လာမည့် ၂၀၂၈ ခုနှစ်တွင် KF-21 တိုက်လေယာဉ် အစင်း ၄၀ နှင့် ၂၀၃၂ ခုနှစ်တွင် နောက်ထပ်အစင်း ၈၀ အထိ လေယာဉ်များဝယ်ယူရန် မျှော်လင့်ထားပါသည်။
ပြည်တွင်းထုတ် အင်ဂျင်နှစ်လုံးတပ် ရှေ့ပြေးပုံစံကို Sacheon မှာရှိတဲ့ KAI ရုံးချုပ်တွင် ဧပြီလ ၉ ရက်နေ့က ကျင်းပခဲ့သော အခမ်းအနား၌ တရားဝင်ထုတ်ဖော်ပြသခဲ့ပါသည်။ အဆိုပါအခမ်းအနားသို့ တောင်ကိုရီးယားသမ္မတ Moon Jae-in နှင့် အင်ဒိုနီးရှားကာကွယ်ရေးဝန်ကြီး Prabowo Subianto တို့လည်း တက်ရောက်ခဲ့ကြပါသည်။
ယခုအခါ KF-21 Boramae (Hawk) ဟု တရားဝင်အမည်ပေးထားသည့် စတုတ္ထမျိုးဆက်လွန် တိုက်လေယာဉ်ကို General Electric (GE) Aviation ကုမ္ပဏီမှ General Electric F414-GE-400K အင်ဂျင်နှစ်လုံးဖြင့် တပ်ဆင် မောင်းနှင်ထားပြီး အများဆုံး သယ်ဆောင်ပျံသန်းနိုင်သည့်အလေးချိန် ၅၆၃၀၀ ပေါင် (၂၅၅၈၀ ကီလို ဂရမ်) အထိရှိပြီး payload capacity မှာ ၁၇၀၀၀ ပေါင် (၇၇၀၀ ကီလိုဂရမ်) တပ်ဆင်ပျံသန်းနိုင်ဖွယ်ရှိပါသည်။
မြေပြင်စမ်းသပ်မှုအပြီး ပထမဆုံးသော ရှေ့ပြေးနမူနာပုံစံလေယာဉ် 001 ၏ ပထမဦးဆုံး စမ်းသပ်ပျံသန်းမှုအား ၂၀၂၂ ခုနှစ်တွင် လုပ်ဆောင်ရန် စီစဉ်ထားပါသည်။ KAI ကုမ္ပဏီသည် အစောပိုင်းတွင် ထုတ်လုပ်ထားသည့် လေယာဉ်အား ဝေဟင်မှ ဝေဟင်ပစ် စစ်ဆင်ရေးများအတွက် ပိုမိုကောင်းမွန်အောင် ပြုလုပ်ထားမည်ဖြစ်ပြီး ဝေဟင်မှ မြေပြင်သို့ စွမ်းဆောင်ရည် အကန့်အသတ်များ ရှိနေဦးမည်ဖြစ်ကြောင်း အစောပိုင်းတွင် ထုတ်ဖော်ပြောကြားခဲ့ပါသည်။ လက်နက်များ သို့မဟုတ် ပြင်ပလောင်စာ အပိုသယ်ဆောင်နိုင်မှုများအတွက် တောင်ပံတစ်ခုစီအောက်တွင် hardpoints သုံးခုပါရှိ မည်ဖြစ်ပြီး၊ ဒုံးကျည်များကို လေယာဉ်ကိုယ်ထည်အောက်မှ အပြင်ဘက်ပိုင်းတွင် သယ်ဆောင် တိုက်ပွဲဝင်နိုင်မည် ဖြစ်ပါသည်။ အမှတ်စဉ်အလိုက် စီးရီးလိုက်ထုတ်လုပ်မည့် လေယာဉ်များတွင် ဝေဟင်မှဝေဟင်နှင့် ဝေဟင်မှမြေပြင် ရည်မှန်းချက်တာဝန်နှစ်ရပ်စလုံးကို အောင်မြင်စွာ ထမ်းဆောင်နိုင်မည်ဖြစ်ကြောင်းလည်း သိရှိရပါသည်။ LRIP ကနဦး အရေအတွက်နည်းနည်းထုတ်လုပ်မှုကို လာမည့် ၂၀၂၆ ခုနှစ်တွင် စတင်လုပ်ဆောင် နိုင်မည်ဖြစ်ပြီး အင်ပြည့်အားပြည့် (full-rate production) ထုတ်လုပ်မှုကိုတော့ ၂၀၂၈ ခုနှစ်တွင် လုပ်ဆောင်နိုင် လိမ့်မည် ဖြစ်ကြောင်း သိရှိရပါသည်။
KF-21 တိုက်လေယာဉ်တွင် ကာကွယ်ရေး ဖွံ့ဖြိုးတိုးတက်ရေးအေဂျင်စီ (ADD) နှင့် Hanwha Systems ကုမ္ပဏီတို့မှ ပူးပေါင်းဖန်တီးထုတ်လုပ်ထားသည့် AESA ရေဒါတစ်ခု တပ်ဆင်ထားမည်ဖြစ်ပြီး ပစ်မှတ် ၁,၀၀၀ ကျော်ကို တစ်ပြိုင်နက် ထောက်လှမ်းခြေရာခံနိုင်သည်ဟု ဆိုထားပါသည်။ အခြားသော ပြည်တွင်းထုတ်စနစ်များတွင် Hanwha Systems ကုမ္ပဏီမှ ထုတ်လုပ်ထားသည့် electro-optical targeting pod နှင့် အနီအောက်ရောင်ခြည်သုံး ရှာဖွေခြင်းနှင့် ခြေရာခံစနစ် (IRST) တို့ ပါဝင်ပြီး LIG Nex1 ကုမ္ပဏီကလည်း ၎င်း၏ အီလက်ထရောနစ် စစ်ဆင်ရေးစနစ် (EW) မိမိကိုယ်ကိုကာကွယ်မှုစနစ်(self-protection system) ကို ထောက်ပံ့ပေးသွားမည် ဖြစ်ပါသည်။
လေယာဉ်တွင် အစ္စရေးနိုင်ငံ Elbit Systems ကုမ္ပဏီမှ ထုတ်လုပ်ထားသော terrain after/terrain avoidance (TF/TA) မြေမျက်နှာသွင်ပြင်ပြစနစ်များနှင့် Collins Aerospace ကုမ္ပဏီမှ ၎င်း၏ Environmental Control System (ECS) တို့ အပါအဝင် အရေးပါသည့် စနစ်များစွာ ပါဝင်မည်ဖြစ်ပါသည်။ အဆိုပါ Environmental Control System (ECS) ပတ်ဝန်းကျင်ထိန်းကျောင်း လုပ်ဆောင်သည့်စနစ်တွင် လေအေးပေးစနစ်၊ လေထွက်မှုထိန်းချုပ်သည့်စနစ်၊ အခန်းတွင်း လေဖိအားစနစ်၊ အရည်အအေးခံစနစ်များနှင့် Variable Speed Constant Frequency (VSCF) ဂျင်နရေတာအပြင် အင်ဂျင်စတင်စက်နှိုးသည့် အစိတ်အပိုင်းများ ပါဝင်ဖွဲ့စည်းထားပါသည်။
ထို့အပြင် ၎င်းတွင် ဥရောပနှင့် အမေရိကန်လုပ် လက်နက်မျိုးစုံဖြင့် တပ်ဆင်သွားမည်ဖြစ်ပြီး စနစ်များအား ပေါင်းစည်း လုပ်ဆောင်နိုင်ရန်လည်း စီစဉ်ထားပါသည်။ တပ်ဆင်အသုံးပြုသွားမည့် လက်နက်စနစ်များမှာ Diehl Defense ကုမ္ပဏီထုတ် IRIS-T တာတိုပစ် ဝေဟင်မှ ဝေဟင်ပစ် ဒုံးကျည်နှင့် MBDA Missile Systems ကုမ္ပဏီထုတ် Meteor BVRAAM ကဲ့သို့သော Boeing ကုမ္ပဏီမှ GBU-31/38 JDAM၊ GBU-54/56 Laser JDAM နှင့် GBU-39/B Small Diameter Bomb1 (SDB1) တိကျပဲ့ထိန်းဗုံးများနှင့် Raytheon ကုမ္ပဏီထုတ် GBU-12 Paveway II တိကျပဲ့ထိန်းဗုံးများ ပေါင်းစပ်တပ်ဆင် အသုံးပြုသွားမည်ဖြစ်ပါသည်။
အင်ဒိုနီးရှားနိုင်ငံလည်း ပါဝင်လာနိုင်သည့်အတွက် Indonesian Fighter eXperimental (IF-X) ပရိုဂရမ်ဟု သိကြသည့် KF-X ဖွံ့ဖြိုးတိုးတက်ရေးအစီအစဉ်တွင် တစ်ခုတည်းသော နိုင်ငံရပ်ခြား မိတ်ဖက်နိုင်ငံဖြစ်ပြီး ကုန်ကျစရိတ်စုစုပေါင်း၏ ၂၀ ရာခိုင်နှုန်းကို ကျခံသုံးစွဲထည့်ဝင်သွားမှာ ဖြစ်ပါသည်။ ငွေပေးချေမှု လုပ်ဆောင်ချက်များတွင် နောက်ကျကျန်ခဲ့ကြောင်း အစောပိုင်းက သတင်းများထွက်ပေါ်လာသော်လည်း နှစ်နိုင်ငံပြန် လည်ဆွေးနွေး ညှိနှိုင်းလုပ်ဆောင်နေဆဲလည်း ဖြစ်ပါသည်။
KAI ကုမ္ပဏီသည် ၂၀၂၁ ခုနှစ် ဧပြီလ၊ စတော့အိတ်ချိန်းတွင် KF-21 တိုက်လေယာဉ်ထုတ်လုပ်မှုကို အထောက်အကူဖြစ်စေရန် ‘smart factory’ စက်ရုံအသစ်ကို တည်ဆောက်သွားရန် စီစဉ်နေလျက်ရှိကြောင်း ရေးသားဖော်ပြခဲ့ကြသည်။ စတုတ္ထစက်မှုတော်လှန်ရေး 4th Industrial Revolution (4IR) နည်းပညာများဖြစ်သည့် ဉာဏ်ရည်တု (AI) နှင့် အချက်အလက်များစွာ ခွဲခြမ်းစိတ်ဖြာတွက်ချက်နိုင်စွမ်း big data analytics တို့ကဲ့သို့ “စမတ်ကျသည့် ကုန်ထုတ်လုပ်မှုစနစ်- smart manufacturing system” တစ်ရပ်ကို တည်ထောင်ရန် ငါးနှစ်အတွင်း အမေရိကန်ဒေါ်လာ ၈၇ သန်းခန့် ရင်းနှီးမြှုပ်နှံလုပ်ဆောင်သွားမည်ဖြစ်ကြောင်း ကုမ္ပဏီက ပြောကြားခဲ့ပါသည်။
အဆိုပါ စမတ်စက်ရုံသစ်အား စီမံကိန်းများစွာတွင် အသုံးပြုနိုင်မည်ဖြစ်ပြီး၊ ၎င်း၏ ကနဦးလုပ်ငန်းတာဝန်များထဲမှ တစ်ခုမှာ KF-21 အစိတ်အပိုင်းများနှင့် တည်ဆောက်မှုများကို ထုတ်လုပ်သွားနိုင်ဖွယ်ရှိကြောင်း မျှော်လင့်ရပါသည်။ KAI ကုမ္ပဏီသည် KF-21 တိုက်လေယာဉ်တွင် ပါဝင်သည့် စနစ်အစိတ်အပိုင်းများ၏ ၆၅ ရာခိုင်နှုန်းခန့်ကို ပြည်တွင်း ကုမ္ပဏီ ၇၀၀ ကျော်၏ ပူးပေါင်းပါဝင်မှုဖြင့် ထုတ်လုပ်မှုကို ပြည်တွင်းထုတ်အဖြစ် သတ်မှတ်ရန် ရည်ရွယ်ထားဟန် ရှိကြောင်း နားလည်ရပါသည်။
လေကြောင်းသယ်ယူပို့ဆောင်ရေး စွမ်းဆောင်ရည်ကို မြှင့်တင်ပေးခြင်း
၎င်းတို့၏ အဓိကအခန်းကဏ္ဍမှာ လေကြောင်းချီထောက်ပံ့ရေး၊ ပံ့ပိုးမှုများအပြင်၊ နည်းဗျူဟာမြောက် သယ်ယူ ပို့ဆောင်ရေးလေယာဉ်များသည် ဒေသတွင်းလူသားချင်း စာနာထောက်ထားမှု အကူအညီနှင့် သဘာဝ ဘေးအန္တရာယ်ကယ်ဆယ်ရေး (HADR) လုပ်ငန်းများအတွက် ၎င်းတို့၏ ကြီးမားသောပံ့ပိုးမှုများကြောင့် မကြာသေးမီနှစ်များအတွင်း တွင်ကျယ်စွာ အာရုံစိုက်မှုရရှိခဲ့ကြပါသည်။ မကြာသေးမီလများအတွင်း အထင် ရှားဆုံးသော လေကြောင်းသယ်ယူပို့ဆောင်ရေး သရုပ်ပြသမှုများထဲတွင် အမေရိကန်လေတပ် USAF ၏ Lockheed Martin ကုမ္ပဏီထုတ် C-5M Super Galaxy နှင့် Boeing ကုမ္ပဏီထုတ် C-17 သယ်ယူပို့ဆောင်ရေး လေယာဉ်ပျံကြီးများကို ၂၀၂၁ ခုနှစ် နှစ်လယ်ပိုင်းလောက်တွင် အိန္ဒိယနိုင်ငံ၏ COVID-19 ကူးစက်ဖြစ်ပွားနေခြင်း မြင့်တက်မှုကို သက်သာစေရန် လိုအပ်သော အကူအညီများစွာကို ပေးအပ်နိုင်ခဲ့ခြင်းမျိုးဖြစ်သည်။
အမေရိကန်နိုင်ငံလေတပ် (USAF) သယ်ယူပို့ဆောင်ရေးကွပ်ကဲမှုဌာနချုပ်၏ အဆိုအရ C-17 နှင့် C-5M လေယာဉ် ၃ စင်းမှ ပေးပို့သော N95 မျက်နှာဖုံးစွပ်ပေါင်း တစ်သန်းကျော်၊ အောက်ဆီဂျင်ဆလင်ဒါ အလုံး ၄၄၀ ကျော်နှင့် အလျင်အမြန် ရောဂါရှာဖွေရေးကိရိယာပေါင်း တစ်သန်းကျော် တင်ဆောင်ပို့ဆောင်ပေးနိုင်ခဲ့ကြောင်း သိရှိရပါသည်။ ပျံသန်းမှုတစ်ခေါက်တွင် ကယ်လီဖိုးနီးယားပြည်နယ်မှ လှူဒါန်းသော အလွယ်တကူ ဖြုတ်တပ်အသုံးပြုနိုင်သော Deployable Oxygen Concentration System အောက်ဆီဂျင်အိုးစနစ်ကိုလည်း သယ်ဆောင်သွားနိုင်ခဲ့ပါသည်။
အိန္ဒိယလေတပ် (IAF) သည် ဧပြီလနှောင်းပိုင်းတွင် ၎င်း၏ C-17 သယ်ယူပို့ဆောင်ရေးလေယာဉ်များထဲမှ တစ်စီး တစ်ခေါက်စာဖြင့် စင်ကာပူနိုင်ငံ ချန်ဂီလေဆိပ်သို့ အောက်ဆီဂျင်အရည်လောင်ကန် ၄ ခုကို ဧပြီလနှောင်းပိုင်းတွင် ပို့ဆောင်ပေးခြင်းများ အပါအဝင် အရေးပေါ်လိုအပ်နေသော ဆေးဝါးနှင့် အောက်ဆီဂျင်အထောက်အပံ့များ စုဆောင်း ပို့ဆောင်ပေးရန်အတွက် အာရှပစိဖိတ်ဒေသတစ်ဝိုက်တွင် ၎င်း၏ သယ်ယူပို့ဆောင်ရေးလေယာဉ်များကို ဖြန့်ကျက်ချထားပြီး အသုံးပြုနိုင်ခဲ့ပါသည်။ ထို့နည်းတူစွာ စင်္ကာပူသမ္မတနိုင်ငံ လေတပ် (RSAF) သည် ၎င်း၏ လော့ခ်ဟိမာတင် C-130 အလတ်စား သယ်ယူပို့ဆောင်ရေးယာဉ် ၂ စင်းဖြင့် လိုက်ပါဆောင်ရွက်ပြီး အောက်စီဂျင်ဆလင်ဒါအိုး ၂၅၆ လုံးအား စင်ကာပူနိုင်ငံမှ အနောက်ဘင်္ဂလားသို့ ပို့ဆောင်ပေးနိုင်ခဲ့ပါသည်။
အိန္ဒိယနိုင်ငံသည် အဲယားဘတ်စ် ကာကွယ်ရေးနှင့် အာကာသကုမ္ပဏီမှ C295 သယ်ယူပို့ဆောင်ရေးလေယာဉ်သစ် ၅၆ စင်းကို လက်မှတ်ရေးထိုးခြင်းဖြင့် ၎င်း၏ လေကြောင်းသယ်ယူပို့ဆောင်ရေးအခန်းကဏ္ဍကို မြှင့်တင် ဆောင်ရွက်သွားရန် ကတိကဝတ်ပြုခဲ့သည်ဟု ကုမ္ပဏီက စက်တင်ဘာ ၂၄ ရက်တွင် ကြေညာချက်ထုတ်ပြန် ခဲ့ပါသည်။ ပထမဆုံး လေယာဉ် ၁၆ စင်းကို စပိန်နိုင်ငံတွင် အဲယားဘတ်စ်မှ တည်ဆောက် ထုတ်လုပ်သွားမည် ဖြစ်ပြီး ကျန်အစင်း ၄၀ ကို ၂၀၃၁ နှစ်ကုန်တွင် အိန္ဒိယတွင် တပ်ဆင် ထုတ်လုပ်သွားနိုင်ရန် ပြည်တွင်းလုပ်ဖော်ကိုင်ဖက် Tata ကုမ္ပဏီလုပ်ငန်းစုမှတစ်ဆင့် ကုမ္ပဏီနှစ်ခုကြား ဖက်စပ်လုပ်ကိုင် ဆောင်ရွက်သွားမည် ဖြစ်ပါသည်။ လေယာဉ်လွှဲပြောင်း ပေးအပ်ခြင်းများကို ၂၀၂၅ ခုနှစ်တွင်မှ စတင်လုပ်ဆောင်နိုင်ရန် မျှော်မှန်းထားပါသည်။
အိန္ဒိယနိုင်ငံသည် ၎င်း၏ ၁၉၆၀ ပြည့်နှစ်လွန်ကာလများက လိုင်စင်ဖြင့် Hindustan Aeronautics Limited (HALM) မှ ထုတ်လုပ်ခဲ့သော Avro 748 လေယာဉ်များအား အစားထိုးရန် ရည်ရွယ်ချက်ဖြင့် အဆိုပါ အဆင့်မြှင့်တင်ထားသည့် C295MW (Modern- ised, Winglets) ဟုခေါ်သော twin-turboprop အင်ဂျင်တပ် နောက်ဆုံးဗားရှင်း သယ်ယူပို့ဆောင်ရေးလေယာဉ်များကို လက်ခံရရှိမည်လည်းဖြစ်ပါသည်။ အဆင့်မြှင့်တင်ထားသော လေယာဉ်များတွင် ခရီးအကွာအဝေး၊ ခံနိုင်ရည်ဝန်အား တိုးမြင့်လာပြီး အခြေခံ C295 လေယာဉ်နှင့် နှိုင်းယှဉ်ပါက ပျံသန်းလုပ်ဆောင်မှု ကုန်ကျစရိတ်များ လျှော့ချပေးခြင်းဖြင့် ရာသီဥတုပူပြင်းမှုနှင့် ကုန်းပြင်မြင့်ဒေသရှိ လေယာဉ် ပြေးလမ်းကြောင်းများတွင်ပါ ပျံသန်းမှုစွမ်းဆောင်ရည်များကို ထည့်သွင်းစဉ်းစားထားကြောင်း သိရှိရပါသည်။
ထို့ကြောင့် အိန္ဒိယနိုင်ငံသည် အိန္ဒိယလေတပ် (IAF) ၏ အမွေအနှစ်ဖြစ်သော Avro လေယာဉ်အုပ်ကို အစားထိုးရန်အတွက် အဲယားဘတ်စ် C295 လေယာဉ် ၅၆ စီးကို ၀ယ်ယူရန် တရားဝင်ခွင့်ပြုခဲ့ခြင်းလည်း ဖြစ်ပါသည်။ “ပြီးပြည့်စုံသော စက်မှုဂေဟစနစ်၏ အပြည့်အဝဖွံ့ဖြိုးတိုးတက်ရေးတွင် ပါဝင်သည့် ပုဂ္ဂလိကကဏ္ဍရှိ ပထမဆုံး “Make in India” လေကြောင်းနှင့် အာကာသစီမံကိန်းသည် ထုတ်လုပ်မှု၊ တပ်ဆင်မှု၊ စမ်းသပ်မှုနှင့် အရည်အချင်းပြည့်မီမှု၊ လေယာဉ်၏ ပြီးပြည့်စုံသော ပျံသန်းလုပ်ဆောင်မှု၊ သယ်ယူပို့ဆောင်ခြင်းနှင့် ပြုပြင်ထိန်းသိမ်းခြင်းများအထိ အကျုံးဝင်ပါကြောင်း” Airbus ၏ ထုတ်ပြန်ချက်တွင် ဖော်ပြထားပါသည်။
ဆက်လက်ဖော်ပြပါမည်။
သက်ထူးခန့်ပိုင်(ရေနံချောင်း)
သေနင်္ဂမဟာဗျူဟာလေ့လာရေးအဖွဲ့
