ရုရှားလုပ် S-400 လေကြောင်းရန်ကာကွယ်ရေးစနစ်များနှင့် Iskander ဒုံးကျည်များ တပ်ဖြန့်အသုံးပြုနိုင်ခဲ့ပြီ ဖြစ်သည့် ဘီလာရုစ်နိုင်ငံ
ဘီလာရုစ်ပိုင်နက်တွင် တပ်ဖြန့်ချထားသော ရုရှား S-400 လေကြောင်းရန်ကာကွယ်ရေး ဒုံးကျည်စနစ်များနှင့် Iskander မိုဘိုင်းလ်ပဲ့ထိန်းဒုံးကျည်စနစ်များသည် အပြည့်အဝ လည်ပတ်နိုင်ပြီဖြစ်ကြောင်း ဘီလာရုစ် ကာကွယ်ရေးဝန်ကြီးဌာနက ဒီဇင်ဘာ ၂၆ ရက်နေ့တွင် ကြေညာခဲ့သည်။
၂၀၂၂ ခုနှစ် ဒီဇင်ဘာလ ၂၅ ရက်နေ့တွင် ဘီလာရုစ်ကာကွယ်ရေးဝန်ကြီးဌာန၏ Telegram အကောင့်တွင် ဗီဒီယိုဖိုင်တစ်ခုတင်ခဲ့သည်။ အဆိုပါဗီဒီယိုဖိုင်အရ ရုရှားဖက်ဒရေးရှင်းနှင့် ဘီလာရုစ်သမ္မတနိုင်ငံတို့ရှိ လက်နက်ကိုင်တပ်ဖွဲ့များ၏ ပူးတွဲတိုက်ခိုက်ရေး လေ့ကျင့်ရေးစင်တာများတွင် ဘီလာရုစ်စစ်သားများက ပူးတွဲလေ့ကျင့်ခန်းများ အပြည့်အဝ ပြုလုပ်နိုင်ခဲ့ပြီဖြစ်ကြောင်း ကြေညာခဲ့သည်။
ဘီလာရုစ်ကာကွယ်ရေးဝန်ကြီးဌာနမှ အချက်အလက်များကို ကိုးကား၍ S-400 လေကြောင်းရန် ကာကွယ်ရေးဒုံးကျည်စနစ်များနှင့် Iskander ပဲ့ထိန်းဒုံးကျည်များသည် ယနေ့ (ဒီဇင်ဘာလ ၂၅ ရက်နေ့) တွင် တိုက်ခိုက်ရေးတာဝန် ထမ်းဆောင်လျက်ရှိပြီး ရည်မှန်းချက်တာဝန်များကို အပြည့်အဝထမ်းဆောင်နိုင်ရန် ပြင်ဆင်ထားပြီးကြောင်း သိရှိရပါသည်။
၂၀၂၂ ခုနှစ် ဒီဇင်ဘာလ ၁၉ ရက်နေ့တွင် ဘီလာရုစ်သမ္မတ Alexander Lukashenko က S-400 နှင့် Iskander စနစ်များကို ဘီလာရုစ်တွင် ဖြန့်ကျက်ချထားကြောင်း ကြေညာခဲ့သည်။ “ကျွန်ုပ်တို့သည် S-400 စနစ်များကို တပ်ဖြန့်သုံးနိုင်ပါပြီ အရေးကြီးဆုံးတစ်ချက်ကတော့ လွန်ခဲ့တဲ့ခြောက်လက ကတိအတိုင်း ရုရှားမှ ပေးအပ်ခဲ့တဲ့ Iskander စနစ်လည်း ဘီလာရုစ်ကို ရောက်လာပါပြီ” ဟု Alexander Luka- shenko က ပြောကြားခဲ့သည်။
ယူကရိန်းစစ်ပွဲအစကတည်းက ဘီလာရုစ်နိုင်ငံသည် တောင်ပိုင်းအိမ်နီးချင်းဆီသို့ ဦးတည်၍ မိမိပိုင်နက်နယ်မြေမှနေ၍ ရုရှားအား အမြောက်များနှင့် ဒုံးကျည်များကို ပစ်လွှတ်ရန်၊ ရုရှားစစ်လေယာဉ်များ ပျံတက်ရန်နှင့် စစ်ရေးစွမ်းအား အပြည့်အဝ အသုံးချနိုင်ရေးအတွက် ပိုင်နက်နယ်မြေအတွင်းသို့ ဝင်ရောက်ခွင့်ပြုခဲ့သည်။ ဘီလာရုစ်ပိုင်နက်မှနေ၍ ယူကရိန်းအနောက်တောင်ပိုင်းသို့ ပဲ့ထိန်းဒုံးကျည် ၄ စင်း ပစ်လွှတ်ခဲ့ကြောင်း ယူကရိန်းစစ်ဦးစီးချုပ်က အစီရင်ခံခဲ့သည်။
Maxar Technologies က ဘီလာရုစ်နိုင်ငံ Khoyniki အနီးတွင် စခန်းချထားသော ရုရှားရဟတ်ယာဉ် ၁၅၀ ၊ မြေပြင်တိုက်ခိုက်ရေးယာဉ်ရာပေါင်းများစွာနှင့်အတူ ဂြိုလ်တုဓာတ်ပုံများကို ထုတ်ပြန်ခဲ့သည်။ အဆိုပါ ဒေသသည် ယူကရိန်းနယ်စပ်မှ ကီလိုမီတာ ၅၀ ခန့်အကွာတွင် ရဟတ်ယာဉ် ၉၀ စီးဖြင့် ယာယီ လေတပ်စခန်းအဖြစ် ဒေသတွင်း အဖြောင့်လမ်းကို အသုံးပြုနိုင်ခဲ့သည်။
ဘီလာရုစ်မီဒီယာနှင့် Telegram လိုင်းများမှ ဘီလာရုစ်တောင်ပိုင်းရှိ ရုရှား သံချပ်ကာယာဉ်များနှင့် ရဟတ်ယာဉ်များ၏ လှုပ်ရှားမှုကိုပြသသည့် ဗီဒီယိုနှင့် ဓာတ်ပုံအများအပြားကိုလည်း ဖြန့်ဝေခဲ့ကြသည်။ ယနေ့အထိ ရုရှားသည် ၎င်း၏ S-400 နှင့် Iskanders များကို ဘီလာရုစ်နယ်မြေတွင် တပ်စွဲထားသည့် အသုံးပြုမှုနှင့် ပတ်သက်သည့် အချက်အလက်များ ထုတ်ပြန်ထားခြင်း မရှိသေးပါ။ သို့သော် ဘီလာရုစ် လက်နက်ကိုင်တပ်ဖွဲ့များ၏ ပံ့ပိုးမှုဖြင့် ယူကရိန်းတွင် ပဋိပက္ခ အလျော့/အတင်း အခြေအနေတွင် ယင်းတို့ကို အသုံးပြုတိုက်ခိုက်နိုင်မည်ဖြစ်သည်။
S-400 အား Triumf သို့မဟုတ် Triumph ဟုလည်း အမည်ပေးထားပြီး NATO ကုဒ်အမည် SA-21 Growler ဖြစ်ပါသည်။ ၎င်းတာဝေးမြေပြင်မှ ဝေဟင်ပစ် လေကြောင်းရန်ကာကွယ်ရေးစနစ်ကို ရုရှားနိုင်ငံ Almaz-Antey မှထုတ်လုပ်ထားသည်။ အီလက်ထရောနစ် တန်ပြန်လုပ်ဆောင်လာမှုများ ECM (Electronic Counter Measure)၊ ရေဒါလမ်းညွှန်ပစ်မှတ်များ၊ ကင်းထောက်၊ မဟာဗျူဟာမြောက်နှင့် နည်းဗျူဟာလေယာဉ်၊ နည်းဗျူဟာနှင့် စစ်နယ်ဝန်းသုံး ပဲ့ထိန်းဒုံးကျည်များ၊ တာလတ်ပစ် ပဲ့ထိန်းဒုံးကျည်များ စသည့် လေကြောင်းခြိမ်းခြောက်မှုများကို အများဆုံး အကွာအဝေး ၄၀၀ ကီလိုမီတာ၊ အမြင့် ၃၀ ကီလိုမီတာအတွင်း တိုက်ပွဲဝင်နိုင်စွမ်းရှိပါသည်။
Iskander SS-26 Stone သည် ရုရှားနိုင်ငံထုတ် တာတိုပစ် နည်းဗျူဟာမြောက် ပဲ့ထိန်းဒုံးကျည်စနစ်ဖြစ်သည်။ ဒုံးကျည်သည် မိုဘိုင်းလ်ယာဉ်တင်စနစ်ဖြစ်ပြီး အလိုအလျောက် စစ်ဆင်ရေး လုပ်ဆောင်နိုင်ပါသည်။ အကွာအဝေး ၅၀ မှ ၂၈၀ ကီလိုမီတာအတွင်း အချက်အခြာပစ်မှတ်များနှင့် ဧရိယာပစ်မှတ်များကို ပစ်ခတ်နိုင်စွမ်း ရှိသည်။ Iskander ဒုံးကျည်စနစ်၏ နောက်ဆုံးမျိုးဆက် Iskander-M သည် ကီလိုမီတာ ၄၀၀ အထိ ပစ်ခတ်နိုင်စွမ်းရှိသည်။ Iskander ၏ ဒုံးကျည်သည် သမားရိုးကျထိပ်ဖူးများ၊ အစုလိုက်အပြုံလိုက် cluster bombs ဗုံး/ခဲယမ်းများအပြင် နျူကလီးယားထိပ်ဖူးများကို သယ်ဆောင်နိုင်ပြီး အတိအကျ တိုက်ခိုက်နိုင်စွမ်း ရှိပါသည်။ ပစ်မှတ်အား တိုက်ခိုက်ရာတွင် optical homing head အာရုံခံကိရိယာဖြင့်ဆိုလျှင် တိကျမှုသည် ၅-၇ မီတာရှိပြီး အလိုအလျောက် လုပ်ဆောင်သည့် နည်းလမ်းဖြင့် တိကျမှုမှာ ၃၀-၇၀ မီတာ ဖြစ်ပါသည်။
Belarus deploys Russian-made S-400 air defense systems and Iskander missiles on its territory
သက်ထူးခန့်ပိုင်
သေနင်္ဂမဟာဗျူဟာလေ့လာရေးအဖွဲ့
