ဘာရာကူးဒါးသံချပ်ကာယာဉ်များ ဝယ်ယူမည့် အင်ဒိုနီးရှား

ဘာရာကူးဒါးသံချပ်ကာယာဉ်များ ဝယ်ယူမည့် အင်ဒိုနီးရှား

တောင်ကိုရီးယား ကာကွယ်ရေးပစ္စည်း ထုတ်လုပ်ရေးကုမ္ပဏီတစ်ခုဖြစ်သည့် Hanwha Defence သည် အင်ဒိုနီးရှားရဲတပ်ဖွဲအား ဘာရာကူးဒါး ၄ x ၄ ဘီးတပ်သံချပ်ကာတိုက်ယာဉ် (Barracuda 4×4 Armored Wheeled Vehicle) ၂၅ စီးအား ရောင်းချသွားမည်။

ပြိုင်ဆိုင်မှုပြင်းထန်သည့် နိုင်ငံတကာလေလံလုပ်ငန်းစဉ်အပြီး  ဇွန် ၁၅ ရက်တွင် Hanwha Corporation နှင့် အင်ဒိုနီးရှားအမျိုးသားရဲတပ်ဖွဲတို့သည် စာချုပ်အား လက်မှတ်ရေးထိုးခဲ့ခြင်းဖြစ်သည်။

စာချုပ်အရ မူရင်းထုတ်လုပ်သူ (Original Equipment Manufacturer – OEM) ဖြစ်သည့် Hanwha Corporation သည် အဆိုပါဘက်စုံသုံး သံချပ်ကာတိုက်ယာဉ်များအား ၂၀၂၄ ခုနှစ်အပြီး ထုတ်လုပ် လွှဲပြောင်းပေးရမည် ဖြစ်သည်။

ဤသည်မှာ အင်ဒိုနီးရှားရဲတပ်ဖွဲ၏ ၂၀၀၄ ခုနှစ်က ပထမအသုတ် အစီး ၂၀ ဝယ်ယူပြီးနောက်ပိုင်း ဒုတိယအသုတ်အဖြစ် ထပ်မံဝယ်ယူခြင်းဖြစ်သည်။ (ထိုကာလခန့်က ထွက်ပေါ်ခဲ့သော ဓာတ်ပုံများအရ ဘာရာကူးဒါးပုံစံ Prototype တစ်မျိုးအား အခြားအရှေ့တောင်အာရှနိုင်ငံတစ်နိုင်ငံတွင်လည်း တွေ့မြင်ခဲ့ကြဘူးသည်။)

ဘာရာကူးဒါးသည် နည်းဗျူဟာ သံချပ်ကာတိုက်ယာဉ်ဖြစ်ပြီး ကင်းထောက်နှင့် ပြည်တွင်းလုံခြုံရေးစသည့် တာဝန်မျိုးစုံကို ထမ်းဆောင်နိုင်သည်။ ထိုယာဉ်များအား တောင်ကိုရီးယား ငြိမ်းချမ်းရေးထိန်းသိမ်းမှု တပ်ဖွဲ့ဝင်များ၊ အင်ဒိုနီးရှားနှင့် ဗီယက်နမ်ရဲတပ်ဖွဲများတွင် အသုံးပြုနေသည်။

Mercedes-Benz FGA အထူးချာစီပေါ်တွင် အခြေခံတည်ဆောက်ထားသော ဘာရာကူးဒါးသည် ၁၂ ဒဿမ ၅ တန် အလေးချိန်ရှိပြီး ၇ ဒဿမ ၆၂ မမ ကျည် ဖောက်ထွင်းမှုဒဏ်ခံနိုင်သည့် Steel Plate Armour ဖြင့် တည်ဆောက်ထားသည်။

တစ်နာရီ ကီလိုမီတာ ၁၀၀ နှုန်းဖြင့် ၁၁၆၀ ကီလိုမီတာ အကွာအဝေးသို စစ်ဆင်နိုင်သည်။ Run- flat တာယာများ အသုံးပြုထားသည့် ဘာရာကူးဒါးသည် တာယာအား ကျည်ဆံထိမှန်ပြီးနောက် တစ်နာရီ ၃၀ ကီလိုမီတာနှုန်းဖြင့် ဆက်လက်မောင်းနှင်နိုင်သည်။

စစ်သည် ၁၅ ဦးအား သယ်ဆောင်နိုင်ပြီး Roof- mounted Small-caliber Weapon Station ၊ CCTV ၊ GPS စနစ်၊ Dozer Blade နှင့် Amplifier များ တပ်ဆင်ထားသည်။

ဒေါက်တာ နိုင်ဆွေဦး

သေနင်္ဂမဟာဗျူဟာလေ့လာရေးအဖွဲ့

Source: Hanwha to deliver 25 Barracuda armored vehicles to Indonesian Police, Army Recognition, 06 July, 2022