ရုရှားရေတပ် လေကြောင်းတပ်ဖွဲ့သည် ပစိဖိတ်စစ်ရေးလေ့ကျင့်မှုတွင် ရေငုပ်သင်္ဘော တိုက်ဖျက်ရေး စစ်ဆင်ရေးအား လေ့ကျင့်ပြုလုပ်ခဲ့ခြင်း

ရုရှားရေတပ် လေကြောင်းတပ်ဖွဲ့သည် ပစိဖိတ်စစ်ရေးလေ့ကျင့်မှုတွင် ရေငုပ်သင်္ဘော တိုက်ဖျက်ရေး စစ်ဆင်ရေးအား လေ့ကျင့်ပြုလုပ်ခဲ့ခြင်း

ပစိဖိတ်သမုဒ္ဒရာ အနောက်ဘက်ခြမ်းရှိ Okhotsk ပင်လယ်ပြင်တွင် စစ်ရေးလေ့ကျင့်မှုအတွင်း ပစိဖိတ်ရေတပ်၏ ရေတပ်လေကြောင်းတပ်ဖွဲ့မှ Tu-142 လေယာဉ်အမှုထမ်းများသည် ရေငုပ်သင်္ဘောဆန့်ကျင်ရေး စစ်ဆင်ရေးတာဝန်များကို ထမ်းဆောင်ခဲ့ကြောင်း ရေတပ်စစ်ရေယာဉ်စု၏ သတင်းထုတ်ပြန်ရေးရုံးက တနင်္လာနေ့တွင် သတင်းထုတ်ပြန်ခဲ့ပါသည်။

“ပစိဖိတ်စစ်ရေယာဉ်စုသည် တာဝေးပျံသန်း စစ်ဆင်နိုင်စွမ်းရှိသည့် Tu-142 ရေငုပ်သင်္ဘောတိုက်ဖျက်ရေး၊ စစ်ဆင်ရေးလေယာဉ်နှင့် Okhotsk ပင်လယ်ပြင်တွင် ၎င်းတို့၏ ရေငုပ်သင်္ဘောဆန့်ကျင်ရေးလုပ်ငန်းများ ဆောင်ရွက်ရာတွင် တပ်ဖွဲ့ဝင်များ အားလုံးစည်းလုံးညီညွတ်စွာ လေ့ကျင့်ပျံသန်းမှုများ ပြုလုပ်နိုင်ခဲ့သည်” ဟု ထုတ်ပြန်ချက်တွင် ဖော်ပြထားသည်။

လေယာဉ်မှူးများသည် ပစိဖိတ်ရေတပ်၏ ရေတပ်လေယာဉ်ကွင်းတစ်ခုတွင် အခြေစိုက်သည့် Tu-142 လေယာဉ်များကို အသုံးပြု၍ လေ့ကျင့်ပျံသန်းခဲ့ကြောင်း သိရှိရပါသည်။  ပျံသန်းစဉ်အတွင်း Tu-142 ရေငုပ်သင်္ဘောဆန့်ကျင်ရေး စစ်လေယာဉ်နှစ်စင်းမှ သင်္ဘောသားများသည် ပုံစံတူရန်သူ၏ ရေငုပ်သင်္ဘောများကို လိုက်လံရှာဖွေရန် လေယာဉ်ပေါ်ရှိ အထူးကိရိယာများကို အသုံးပြုခဲ့သည်ဟု ထုတ်ပြန်ချက်တွင် ဖော်ပြထားပါသည်။

Russian naval aircraft practice anti-submarine warfare in Pacific drills အား ဘာသာပြန်ဆိုထားပါသည်။

သက်ထူးခန့်ပိုင်

သေနင်္ဂမဟာဗျူဟာလေ့လာရေးအဖွဲ့