တရုတ်ပြည်သူ့လွတ်မြောက်ရေးတပ်မတော် (လေတပ်) ၏ J – 11D တိုက်လေယာဉ် မျိုးကွဲသစ်
ဒေါက်တာနိုင်ဆွေဦး
(သေနင်္ဂမဟာဗျူဟာလေ့လာရေးအဖွဲ့)
တရုတ်ပြည်သူ့လွတ်မြောက်ရေးတပ်မတော် (လေတပ်) [People’s Liberation Army (Air Force) – PLAAF] သည် မကြာသေးမီက ဆိုဗီယက် (ရုရှား) ထုတ် Su – 27 Flanker ဒီဇိုင်းအခြေခံ မျိုးကွဲတစ်ခုဖြစ်သည့် J – 11D စတုတ္ထမျိုးဆက်လွန် (4++ Generation) လေကြောင်းစိုးမိုးမှုတိုက်လေယာဉ်၏ ဓာတ်ပုံများအား ထုတ်ဖော် ပြသခဲ့ပါသည်။ ၁၉၉၂ ခုနှစ်မှ စတင်ကာ Flanker မျိုးကွဲတိုက်လေယာဉ်များသည် PLAAF ၏ အဓိက တိုက်စွမ်းအားစုများအဖြစ် ရပ်တည်လျက်ရှိကာ ရုရှားထုတ်နှင့် ပြည်တွင်းထုတ်မျိုးကွဲများ အပါအဝင် စုစုပေါင်း အစီး ၅၀၀ ကျော် တာဝန်ထမ်းဆောင်နေပါသည်။ မကြာသေးမီက ရုရှားလုပ် Su – 35 တိုက်လေယာဉ် နောက်ဆုံးအသုတ် လက်ခံရရှိခြင်း၊ ပြည်တွင်းဖြစ် J – 16 တိုက်လေယာဉ်များ လက်ခံရရှိခြင်းနှင့် ယခု J – 11D တိုက်လေယာဉ် အစီအစဉ်ကို ထုတ်ဖော်ပြသခြင်းတို့ကို ကြည့်ခြင်းဖြင့် PLAAF သည် ၎င်း၏ လေကြောင်းစစ်ဆင်ရေး စွမ်းရည်ကို မြှင့်တင်ရန်အတွက် Flanker မျိုးကွဲများအား ဆက်လက် အသုံးချနေဦးမည်ဆိုသည်ကို ပြသနေပါသည်။ J – 11D သည် တရုတ်ပြည်တွင်းဖြစ် မျိုးဆက်သစ် တိုက်လေယာဉ်များအနက် နောက်ဆုံးမျိုးဆက်များဖြစ်သော ၂၀၁၇ မတ်လတွင် တပ်တော်ဝင်ခဲ့သည့် Chengdu J – 20 ရေဒါပျောက်တိုက်လေယာဉ်နှင့် ၂၀၁၈ ဧပြီလတွင် တပ်တော်ဝင်ခဲ့သည့် J – 10C တိုက်လေယာဉ်တို့နှင့် လွန်စွာအတွဲညီသော တိုက်လေယာဉ်တစ်မျိုးဟု ခေါ်ဆိုနိုင်သည်။ J – 11D သည် ရုရှားလုပ် Su – 35 တိုက်လေယာဉ်အား တိုက်ရိုက် ပုံတူကူးချထားခြင်းဖြစ်ပြီး PLAAF အနေဖြင့် Su – 35 (၂၄) စီးအား ၂၀၁၆ ခုနှစ်မှ စတင်လက်ခံရရှိခဲ့သည်။ ထို့ကြောင့် တရုတ်တို့အနေဖြင့် ထိုအချိန်ကတည်းကပင် Su – 35 ၏ အဆင့်မြင့်ဒီဇိုင်းအား လေ့လာနိုင်သည့် အကျိုးကျေးဇူးရရှိခဲ့ကြောင်း ခန့်မှန်းရပါသည်။
Shenyang Aerospace Corporation ၏ စတုတ္ထမျိုးဆက် လေကြောင်းစိုးမိုးမှု တိုက်လေယာဉ် J – 11B အမြောက်အမြား စတင်ထုတ်လုပ်သည့် ၁၉၉၀ ပြည့်လွန်နှစ်များအတွင်းမှ စတင်ကာ တရုတ်တို့သည် ရုရှားလုပ် မူရင်း Su – 27 အား ပုံတူကူးထားသည့် ဆင့်ပွားမျိုးကွဲများကို ဆက်တိုက် ထုတ်လုပ်လာခဲ့ပါသည်။ လေယာဉ် ကိုယ်ထည် (Airframe) သည် Su – 27 အတိုင်း ချွတ်စွပ်ဖြစ်ပြီး လေယာဉ်အီလက်ထရောနစ်စနစ် (Avionics)၊ အာရုံခံကိရိယာများ (Sensors) နှင့် အီလက်ထရောနစ် စစ်ဆင်ရေးကိရိယာများ (Electronics Warfare Systems) များသည် ပြည်တွင်းဖြစ်ကို အသုံးပြုထားခြင်းဖြစ်သည်။ နောက်ပိုင်းထုတ်လုပ်သော အသုတ်များတွင် ရုရှားလုပ် AL – 31F အင်ဂျင်အစား ပြည်တွင်းဖြစ် WS – 10A အင်ဂျင်ကို တပ်ဆင်အသုံးပြုထားသည်။ အမေရိကန်ပြည်ထောင်စုမှလွဲလျှင် ပဉ္စမမျိုးဆက်တိုက်လေယာဉ်ကို လက်တွေ့အသုံးပြုနိုင်သည့် နိုင်ငံမှာ တရုတ်နိုင်ငံ ဖြစ်ပါသည်။ Chengdu Aircraft Industry Group (AVIC) ၏ ပဉ္စမမျိုးဆက် လေကြောင်းစိုးမိုးမှု တိုက်လေယာဉ် J – 20 အား တပ်တော်ဝင်အသုံးပြုနေပြီ ဖြစ်သော်လည်း ၎င်းကဲ့သို့ ရေဒါပျောက်စွမ်းရည်နှင့် WS – 15 အင်ဂျင်များ တပ်ဆင်ထားခြင်း မရှိသည့် စတုတ္ထမျိုးဆက်လွန် (4++ Generation) လေကြောင်းစိုးမိုးမှု တိုက်လေယာဉ်များအား အခြားသော စစ်ဆင်ရေးနယ်ပယ်များတွင် တရုတ်တို့ ဆက်လက်အသုံးချနေရဦးမည် ဖြစ်သည်။ J – 20 အစီအစဉ်သည် ၎င်းနှင့်မျိုးတူ အမေရိကန် (F – 22 Raptor အစီအစဉ်သည် စစ်ဆင်ရေး ကုန်ကျစရိတ် များပြားသည့်အတွက် ရပ်ဆိုင်းထားပြီး ဖြစ်သည်။) နှင့် ရုရှားတို့ (Su – 57 အစီအစဉ်သည်လည်း ရန်ပုံငွေ ပြတ်လပ်မှုကြောင့် အမှားအယွင်းများ ကြုံတွေ့နေရဆဲ ဖြစ်သည်။) ၏ ပဉ္စမမျိုးဆက် တိုက်လေယာဉ်များကဲ့သို့ ကန့်သတ်ချက်များနှင့် ကြုံတွေ့ခြင်း မရှိသော်လည်း တရုတ်လေတပ်အနေဖြင့် ၎င်း၏ လေကြောင်းစိုးမိုးမှု တိုက်လေယာဉ်အုပ်စုအား ဖွဲ့စည်းရာတွင် အဆင့်မြင့် ရေဒါပျောက်တိုက်လေယာဉ်များ အပေါ်တွင်သာ လုံးလုံးလျားလျား မှီတည်လိုခြင်း မရှိပေ။ J – 20 ၏ ခန့်မှန်းကုန်ကျစရိတ်မှာ ပဉ္စမမျိုးဆက် တိုက်လေယာဉ်များ စံနှုန်းအတိုင်း များပြားမည်ဖြစ်သော်လည်း J – 11B မှာမူ စစ်ဆင်ရေးကုန်ကျစရိတ် သက်သာခြင်းနှင့် အလွယ်တကူ ပြုပြင်ထိန်သိမ်းမှု ပြုလုပ်နိုင်ခြင်းစသည့် အကျိုးများ ရှိပါသည်။ ထို့အပြင် လေယာဉ်ကိုယ်ထည်တွင် အခြားနည်းပညာသစ်များနှင့် အလွယ်တကူ ပေါင်းစပ်နိုင်ရာ လားရာစုံ လှည့်ပြောင်းနိုင်သော အင်ဂျင် [3 Dimensional Thrust Vectoring Engine (TVC)] တပ်ဆင်နိုင်ခြင်းနှင့် မျိုးဆက်သစ် ဒုံးပျံများဖြစ်သည့် YJ – 12 သင်္ဘောဖျက်ဒုံးနှင့် Ramjet စွမ်းအင်သုံး PL – 21 “AWACS Hunter” ဒုံးများအား တပ်ဆင်ပစ်ခတ်နိုင်ပါသည်။ ၎င်းဒုံးများမှာ J – 20 တွင် တပ်ဆင်နိုင်ခြင်း မရှိပေ။ J – 11B သည် လေယာဉ်ကိုယ်ထည် ပြင်ပတွင် လက်နက်များကို တပ်ဆင်ပစ်ခတ်နိုင်ရာ လေယာဉ်ကိုယ်ထည် (Internal Weapon Bays) အတွင်း လက်နက်တပ်ဆင် ပစ်ခတ်နိုင်သည့် J – 20 နှင့် နှိုင်းယှဉ်လျှင် သယ်ဆောင်တပ်ဆင် ပစ်ခတ်နိုင်သည့် လက်နက်အမျိုးအစား ပိုမိုများပြားသည်ဟု ဆိုနိုင်ပါသည်။ အီလက်ထရောနစ် စစ်ဆင်ရေးစနစ်နှင့် အာရုံခံကိရိယာများ မကွာခြားခြင်းနှင့် ရေဒါပျောက်နည်းပညာအချို့ ပါဝင်နေခြင်းတို့ကြောင်း J – 11D သည် J – 20 လိုအပ်ချက်အား အစားထိုးဖြည့်ဆည်းပေးနိုင်သည့် ထိရောက်သော မျိုးဆက်သစ် တိုက်လေယာဉ်အဖြစ် ဆယ်စုနှစ်များစွာ ရှိနေဦးမည် ဖြစ်သည်။
မူလ Su – 27 ၏ လေယာဉ်ကိုယ်ထည် (Air Frame) ဒီဇိုင်းအပေါ်တွင် အခြေခံကာ Su – 35 အဖြစ် အဆင့်မြှင့်တင်မှု ပြုလုပ်နိုင်သကဲ့ပင် J – 11D အားလည်း ထိုကဲ့သို့ ပေါင်းစပ် အဆင့်မြှင့်တင်မှုများ ပြုလုပ်နိုင်ဖွယ် ရှိပါသည်။ ထိုကဲ့သို့ အဆင့်မြှင့်တင်မှုများတွင် မကြာသေးမီက J – 10 တွင် တပ်ဆင်စမ်းသပ်ခဲ့သော လားရာစုံ လှည့်ပြောင်းနိုင်သော အင်ဂျင် [3 Dimensional Thrust Vectoring Engine (TVC)] တပ်ဆင်နိုင်ခြင်းနှင့် ရေဒါပုံရိပ်ဖြတ်ပိုင်း (RCS) လျော့ချထားသော လေယာဉ်ဦးပိုင်းပုံဖြစ်ခြင်း၊ ဒုံးတပ်ဆင်နိုင်မှု နေရာပမာဏများပြားခြင်းနှင့် အဆင့်မြင့် အီလက်ထရောနစ် စစ်ဆင်ရေးစနစ်များ တပ်ဆင်နိုင်ခြင်းတို့ ပါဝင်သည်။ Su – 35 အား ၂၀၀၀ ပြည့်လွန်နှစ်များအတွင်း ထုတ်လုပ်ခဲ့ခြင်း ဖြစ်သော်လည်း ၁၉၉၀ ပြည့်လွန်နှစ်များက ပေါ်ထွက်ခဲ့သော နည်းပညာများ အပေါ်တွင် လွန်စွာမှီခိုထားကြောင်း တွေ့ရပါသည်။ ထို့ကြောင့် J – 11D ၏ နည်းပညာမှာ ပိုမိုရှုပ်ထွေး အဆင့်မြင့်နိုင်ပြီး တိုက်ခိုက်ရေး စွမ်းဆောင်နိုင်မှုတွင် Su – 35 ထက် သာလွန်ဖွယ်ရာရှိသည်ဟု သုံးသပ်ရပါသည်။ J – 11D တွင် ပိုမိုပေါ့ပါးပြီး ပိုမိုတောင့်တင်းခိုင်မာသည့် သတ္တုစပ် လေယာဉ်ကိုယ်ထည်နှင့် Su – 35 တွင်ပင် အသုံးပြုထားခြင်းမရှိသော ရေဒါလှိုင်းစုပ်ယူသည့် ဆေးသုတ်လိမ်းထားမည်ဟု တွက်ဆထားကြသည်။ ၎င်းအား ရေဒါပျောက်လေယာဉ်ကိုယ်ထည်တု (Pseudo Stealthy Airframe) ဟု သတ်မှတ်သည်။ Su – 35 နှင့် J – 11D တို့အကြား သိသာထင်ရှားသည့် ကွဲလွဲချက်မှာ J – 11D တွင် AESA (Active Electronically Scanned Array) ရေဒါအား တပ်ဆင်မည်ဖြစ်သည်။ AESA ရေဒါအား ၂၀၀၀ ပြည့်လွန် အစောပိုင်းနှစ်များက ဂျပန်၏ F – 2 နှင့် အမေရိကန်၏ F – 22 တိုက်လေယာဉ်များတွင် လည်ကောင်း၊ နောင်တွင် တရုတ်၏ J – 20 နှင့် J – 10C တိုက်လေယာဉ်များတွင် လည်းကောင်း တပ်ဆင်ထားပြီး ဖြစ်သည်။ ရုရှားတို့အတွက်မှာမူ ၎င်း၏ Frontline Fighter များတွင် တပ်ဆင်ရန် စီစဉ်ဆဲဖြစ်သည်။ AESA ရေဒါတပ်ဆင်ထားသည့်အတွက် ပတ်ဝန်းကျင်အခြေအနေကို သိရှိနိုင်စွမ်း (Situation Awareness) ပိုမိုကောင်းမွန်လာပြီး ယခင် J – 11B နှင့် နှိုင်းယှဉ်ပါက ၈၀ ရာခိုင်နှုန်း ပိုမို ထောက်လှမ်းသိရှိနိုင်စွမ်း ရှိလာပါသည်။ မူလ J – 11 များနှင့် တပ်ဆင်ထားသော Pulse Doppler ရေဒါနှင့် Su – 35 ၏ PESA (Passive Electronically Scanned Array) ရေဒါများနှင့် နှိုင်းယှဉ်ပါက AESA ရေဒါများအား ဖိဖျက်မှုပြုလုပ်ရန် (Jamming) ပိုမိုခက်ခဲသည့်အပြင် တိုက်လေယာဉ်၏ ရေဒါပုံရိပ်အား လျော့ချထားသည့်အတွက် အဝေးမှ ထောက်လှမ်းသိရှိရန် ပိုမိုခက်ခဲပါသည်။
AESA Radar
J – 11D အား ရုရှား၏ ခေတ်မီ လေကြောင်းနည်းပညာများဖြင့် ပေါင်းစပ်တပ်ဆင်နိုင်ရန် တည်ဆောက် ထားပါသည်။ ရုရှားအနေဖြင့်လည်း ကာကွယ်ရေးကဏ္ဍတွင် ငွေကြေးလိုအပ်မှု များပြားလျက် ရှိသောကြောင့် တရုတ်တပ်မတော်အား နည်းပညာအထောက်အပံ့ပေးရန် လိုလိုလားလား ရှိပါသည်။ ထို့အပြင် တရုတ်တပ်မတော်သည် ပြည်တွင်းသုတေသနနှင့် ဖွံ့ဖြိုးရေး (Research and Development) အစီအစဉ်များအတွက် ရန်ပုံငွေ အမြောက်အမြား ရရှိထားသည့် အကျိုးရလဒ်များကိုလည်း ရရှိနေပါသည်။ အထက်ပါ အကြောင်းခြင်းရာများကြောင့် တရုတ်သည် ရုရှားထက် စစ်ဖက်လေကြောင်းကဏ္ဍ၏ အရေးပါသော နယ်ပယ်အများအပြားတွင် သာလွန်သွားမည်ဟု သုံးသပ်ပါသည်။ J – 11D တွင် Distributed Aperture System (DAS) အား တပ်ဆင်သွားမည်ဟု ခန့်မှန်းထားပါသည်။ DAS အား ယခုလက်ရှိတွင် အမေရိကန်၏ F – 35 နှင့် တရုတ်၏ J – 20 တိုက်လေယာဉ်များတွင်သာ တပ်ဆင်ထားပါသည်။ ရုရှားတို့အနေဖြင့် DAS အား တပ်ဆင်ရန် သုတေသန ပြုလုပ်နေခြင်း မရှိသေးပါ။ (အမေရိကန် F – 35 ၏ AN/AAQ 37 Electro-optical Distributed Aperture System တွင် အနီအောက်ရောင်ခြည် အာရုံခံကိရိယာ (၆) ခုအား လေယာဉ်ကိုယ်ထည် ပတ်လည်တွင် တပ်ဆင်ထားပါသည်။ ၎င်းသည် အဓိက လုပ်ဆောင်ချက် (၃) မျိုးအား လုပ်ဆောင်ပေးပါသည်။ ၎င်းတို့မှာ (က) ရန်သူ့ဒုံးအား ထောက်လှမ်းခြင်းနှင့် လမ်းကြောင်းအား ရှာဖွေခြင်း၊ ပစ်ခတ်သည့်နေရာအား ရှာဖွေနိုင်ခြင်းနှင့် တန်ပြန်ရန် အချက်ပြနိုင်ခြင်း၊ (ခ) ရန်သူ့လေယာဉ်အား ထောက်လှမ်းခြင်းနှင့် ပျံသန်းရာလမ်းကြောင်းအား ရှာဖွေနိုင်ခြင်း၊ IRST (Infrared Search and Track) ဖြင့် ပတ်ဝန်းကျင်အခြေအနေကို သိရှိနိုင်စွမ်း (Situation Awareness) ရှိခြင်း၊ ဝေဟင်မှ ဝေဟင်ပစ်ဒုံးရန်အား အချက်ပြခြင်း၊ (ဂ) Helmet Mounted Display အပါအဝင် လေယာဉ်မောင်းခန်းအတွင်း ပုံရိပ်ဖော်ပေးခြင်းနှင့် လေသူရဲအတွက် ညကြည့်စနစ် ထောက်ပံ့ပေးခြင်းတို့ ဖြစ်သည်။)
J – 11D တွင် တာဝေး ကီလိုမီတာ ၁၅၀ အထိပစ်ခတ်နိုင်သည့် PL – 15 ဝေဟင်မှ ဝေဟင်ပစ်ဒုံးအား တပ်ဆင်သွားမည် ဖြစ်သည်။ PL – 15 အား PLAAF ၏ J – 20၊ J – 16 နှင့် J – 10C တိုက်လေယာဉ်များတွင် လက်ရှိ တပ်ဆင်အသုံးပြုနေသည်။ J -11D တွင် PL – 15 ကို အသုံးပြုခြင်းဖြင့် PL – 12 တပ်ဆင်ထားသည့် ယခင် J – 11 မျိုးကွဲများ၊ လက်ရှိတွင် မျိုးဆက်သစ် ဝေဟင်မှ ဝေဟင်ပစ်ဒုံးများ တပ်ဆင်နိုင်ခြင်း မရှိသောကြောင့် R – 77 နှင့် R – 27 ဒုံးများပေါ်တွင်သာ မှီခိုနေရဆဲဖြစ်သည့် Su – 27 နှင့် Su – 35 များထက် တာဝေးပိုမို ပစ်ခတ်နိုင်မည် ဖြစ်သည်။ စတုတ္ထမျိုးဆက် လေယာဉ်ကိုယ်ထည်တွင် နောက်ဆုံးပေါ် မျိုးဆက်သစ်နည်းပညာ အများအပြားကို ပေါင်းစပ်တပ်ဆင်ပြီး စမ်းသပ်အသုံးပြုနေပြီ ဖြစ်သောကြောင့် J – 11D သည် ကမ္ဘာ့ စွမ်းရည်အထက်မြက်ဆုံး လေကြောင်းစိုးမိုးမှု တိုက်လေယာဉ် ဖြစ်လာပြီး လေကြောင်းစိုးမိုးမှု အခန်းကဏ္ဍ (Air Superiority Role) တွင် စွမ်းဆောင်ရည် အကောင်းဆုံး Flanker မျိုးကွဲတစ်ခု ဖြစ်လာပါသည်။ ထို့ကြောင့် ရုရှားမှ တရုတ်သို့ Flanker ဒီဇိုင်းတိုက်လေယာဉ်များ ထပ်မံတင်ပို့ရန် မျှော်လင့်ချက် ရပ်ဆိုင်းသွားဖွယ် ရှိပါသည်။ (ရုရှားတို့က တရုတ်အား Su – 35 (၄၈) ရောင်းချလိုသော်လည်း တရုတ်က (၂၄) စီးသာ ဝယ်ယူခဲ့သည်။ (၅) နှစ်ကြာ ခက်ခက်ခဲခဲ ည်ှိုနှိုင်းပြီးချိန်တွင် Su – 35 (၂၄) စီးအား ဒေါ်လာ နှစ်ဘီလီယံတန် စာချုပ် ချုပ်ဆို ရောင်းချနိုင်ခဲ့ခြင်း ဖြစ်သည်။ သို့သော် နည်းပညာလွှဲပြောင်းပေးအပ်ခြင်း (Transfer of Techanology) မပါဝင်ပေ။ တရုတ်က Su – 35 များ ဝယ်ယူခြင်း၏ အဓိက ရည်ရွယ်ချက်မှာ J – 11 တိုက်လေယာဉ်များ၊ J – 15 လေယာဉ်တင်သင်္ဘောအခြေစိုက် တိုက်လေယာဉ်များနှင့် J – 16 ဗုံးကြဲတိုက်လေယာဉ်များအား သုသေသနပြု ထုတ်လုပ်ရန်အတွက် အသေးစိတ်လေ့လာလိုခြင်းကြောင့် ဖြစ်သည်ဟု လေ့လာသူများက သုံးသပ်ကြသည်။) J – 11D သည် အမေရိကန်လေတပ်က မှာယူထားသည့် Boeing ကုမ္ပဏီထုတ် စတုတ္ထမျိုးဆက်လွန် (4++ Generation) တိုက်လေယာဉ်ဖြစ်သည့် F – 15X နှင့် မည်သည်က သာလွန်မည်ကိုတော့ ဆက်လက် စောင့်ကြည့်ရဦးမည် ဖြစ်ပါသည်။ (F – 15X သည် J – 11D နှင့် သဘောတရားအရ များစွာ ဆင်တူနေကြောင်းလည်း တွေ့ရှိရပါသည်။)
ဒေါက်တာနိုင်ဆွေဦး
(သေနင်္ဂမဟာဗျူဟာလေ့လာရေးအဖွဲ့)
(Source: Why is China Developing a New J-11 Variant? By Abraham Ait, The Diplomat, April 20, 2019)
