တရုတ်တို့၏ ကိုယ်ပျောက်တိုက်လေယာဉ်သစ် J 20 သည် အမေရိကန် F 22 ထက် သာလွန်နိုင်မည်လော
ဒေါက်တာနိုင်ဆွေဦး
သေနင်္ဂမဟာဗျူဟာလေ့လာရေးအဖွဲ့
J 20 တိုက်လေယာဉ်သည် ၎င်း၏တိုးတက်ပြောင်းလဲလာသော တိုက်ခိုက်ရေး စွမ်းဆောင်ရည်များကြောင့် ကမ္ဘာ့ထိပ်တန်း လေကြောင်း စစ်ဆင်ရေး ပလက်ဖောင်းတစ်ခုသို့ ရောက်ရှိလာပါသည်။
တရုတ်ပြည်သူ့လွတ်မြောက်ရေး လေတပ်မတော် (PLAAF) ၏ ပဉ္စမမျိုးဆက် လေကြောင်းအကဲသာမှု တိုက်လေယာဉ် J 20 သည် ၂၀၁၇ ခုနှစ် အစောပိုင်းက တပ်တော်ဝင်ခဲ့ရာ အမေရိကန်တို့၏ F 22 Raptor တိုက်လေယာဉ်နှင့် နှိုင်းယှဉ်စရာ လေကြောင်း စစ်ဆင်ရေး ပလက်ဖောင်းတစ်ခု ဖြစ်လာပါသည်။ J 20 သည် အမေရိကန်နိုင်ငံမှ လွဲလျှင် ကမ္ဘာပေါ်တွင် ပထမဆုံးတပ်တော်ဝင်နိုင်ခဲ့သည့် ပဉ္စမမျိုးဆက်တိုက်လေယာဉ်ဖြစ်ပါသည်။ ၎င်းတွင် အဆင့်မြင့် ရေဒါရှောင်ကွင်းနိုင်သည့် စွမ်းရည်များ၊ လေကြောင်းအီလက်ထရောနစ်စနစ်များနှင့် ဝေဟင်မှ ဝေဟင်ပစ်ဒုံးကျည်များ တပ်ဆင်ထားပါသည်။ တိုက်လေယာဉ်၏ ရှေ့တောင်ပံငယ် (Canad) သည် လျင်မြန်စွာ စစ်ဆင်လှုပ်ရှားနေစဉ်ပင် ရေဒါပျောက်သည့် စွမ်းဆောင်ရည်ကို ထိန်းပေးထားနိုင်ပါသည်။ ယခုအခါတွင် ပထမအသုတ် J 20 များ တပ်တော်ဝင်ပြီး တစ်နှစ် မပြည့်သေးမီမှာပင် တိုက်ခိုက်ရေးစွမ်းဆောင်ရည် မြင့်မားလာစေရန် အဆင့်မြှင့်တင်မှု ထပ်မံပြုလုပ်နေပြီ ဖြစ်ပါသည်။ ယခုအဆင့်မြှင့်တင်မှုသည် စီစဉ်ထားသည့် အဆင့်မြှင့်တင်မှုများအနက်မှ ပထမဆုံးတစ်ခုသာ ဖြစ်သော်လည်း တိုက်လေယာဉ်အား ကမ္ဘာ့ထိပ်တန်း လေကြောင်း စစ်ဆင်ရေး ပလက်ဖောင်း အဖြစ်သို့ ရောက်ရှိသွားစေပါသည်။
တရုတ် J – 20 တိုက်လေယာဉ်အား Chengdu Aerospace Corporation ကထုတ်လုပ်ခြင်းဖြစ်ပြီး ၂၀၁၁ ခုနှစ် ဇန်နဝါရီလ ၁၁ ရက်နေ့တွင် ပထမဆုံးစတင်ပျံသန်းခဲ့ပါသည်။ ၂၀၁၇ခုနှစ် မတ်လတွင် တပ်တော်ဝင်ခဲ့ပါသည်။ စမ်းသပ်လေယာဉ် (Prototype) ၈ စီးနှင့် ကနဦး တိုက်လေယာဉ်အစီး ၂၀ ကျော် ထုတ်လုပ်ထားပြီး ဖြစ်ပါသည်။ တစ်စီး၏ တန်းဖိုးမှာ ၂၀၁၁ ခုနှစ်တွင် အမေရိကန်ဒေါ်လာ သန်း ၁၁၀ ဖြစ်ပါသည်။
အမေရိကန် F – 22 တိုက်လေယာဉ်အား Lockheed Martin Aeronautics နှင့် Boeing Defense, Space & Security တို့က ထုတ်လုပ်ခြင်း ဖြစ်ပြီး ၁၉၉၇ ခုနှစ် စက်တင်ဘာလ ၇ ရက်နေ့တွင် ပထမဆုံး စတင်ပျံသန်းခဲ့ပါသည်။ ၂၀၀၅ ခုနှစ် ဒီဇင်ဘာလ ၁၅ ရက်နေ့တွင် စတင်အသုံးပြုခဲ့ပါသည်။ ၁၉၉၆ ခုနှစ်မှ ၂၀၁၁ ခုနှစ်အထိ စမ်းသပ်လေယာဉ် (Prototype) ၈ စီးအပါအဝင် အစီးရေ ၁၉၅ စီးထုတ်လုပ်ခဲ့ပါသည်။ တစ်စီး၏ တန်ဖိုးမှာ ၂၀၀၉ ခုနှစ်တွင် အမေရိကန်ဒေါ်လာ သန်း ၁၅၀ ဖြစ်ပါသည်။
စမ်းသပ်လေယာဉ် (Prototype) များနှင့် ကနဦးထုတ်လုပ်ခဲ့သော J 20 များအတွက် သိသာထင်ရှားသော ချို့ယွင်းချက်မှာ စတုတ္ထမျိုးဆက် တိုက်လေယာဉ်များတွင် အသုံးပြုရန် ထုတ်လုပ်ထားသော ရုရှားလုပ် AL – 31 အင်ဂျင်ပေါ်တွင် အခြေခံသည့် WS – 10G အင်ဂျင်များကိုသာ တပ်ဆင်အသုံးပြုထားခြင်းဖြစ်သည်။ ထို့ကြောင့် အမေရိကန်တို့၏ F – 22 တိုက်လေယာဉ်တွင် အသုံးပြုထားသော F -119 အင်ဂျင်အောက် စွမ်းအားနိမ့်ကျနေသောကြောင့် လေကြောင်းအကဲသာမှုကဏ္ဍတွင် နှိုင်းယှဉ်ပါက သိသာစွာ နိမ့်ကျခဲ့ပါသည်။ ထို့ကြောင့် တရုတ်စစ်ဘက်လေကြောင်း ထုတ်လုပ်ရေးလုပ်ငန်းများအနေဖြင့် F – 22 တိုက်လေယာဉ်၏ F – 119 အင်ဂျင်အား ယှဉ်ပြိုင်နိုင်စွမ်းရှိမည့် ပဉ္စမမျိုးဆက် အင်ဂျင်ဖြစ်သော WS – 15 ကို ထုတ်လုပ်နိုင်ရန် ကြိုးပမ်းခဲ့ကြပါသည်။ ဤပိုမိုကောင်းမွန်သော အင်ဂျင်သစ်များကို အနာဂတ် တိုက်လေယာဉ်များတွင် တပ်ဆင်သွားမည်ဖြစ်ပြီး ယခင်အင်ဂျင်များထက် ပိုမိုသိသာထင်ရှားစွာ အဆင့်မြှင့်တင်မှုများ ပြုလုပ်ထားပါသည်။ ၂၀၁၇ ခုနှစ် နှစ်လည်အတွင်းက အတွင်းမွန်ဂိုလီးယားရှိ Zurihe လေတပ်စခန်းတွင် ပြုလုပ်သော လေ့ကျင့်ခန်းများတွင် J – 20 တိုက်လေယာဉ် အများအပြားပါဝင်ခဲ့ပြီး WS – 15 အင်ဂျင်သစ်များအား တပ်ဆင်စမ်းသပ်ခဲ့ကြသည်ဟု ဆိုပါသည်။
J – 20 အတွက် အခြားသော အဆင့်မြှင့်တင်မှုများတွင် Software မြှင့်တင်ခြင်း၊ လေကြောင်းနှင့် အီလက်ထရောနစ်ကိရိယာများ အဆင့်မြှင့်တင်ခြင်းနှင့် ရေဒါစွမ်းဆောင်ရည်အား မြှင့်တင်ခြင်းတို့ ပါဝင်ပါသည်။ ထို့အပြင် အင်ဂျင်အား အဆင်မြှင့်တင်ခြင်း။ ရေဒါလှိုင်းအားစုပ်ယူနိုင်သော ဆေးသုတ်လိမ်းခြင်းနှင့် လေယာဉ်ကိုယ်တွင်း လက်နက်တပ်ဆင်ရာ Weapon Bay အား အဆင့်မြှင့်တင်ခြင်းတို့လည်း ပါဝင်ကြောင်း သိရှိရပါသည်။ ဤသို့ဖြင့် ပလက်ဖောင်း၏ ပျံသန်းမှုစွမ်းရည်၊ ရှင်သန်ရပ်တည်နိုင်မှုနှင့် ပစ်အားတို့အား တိုးတက်ကောင်းမွန်လာစေပါသည်။ J – 20 အား အဆင့်မြှင့်တင်မှုနှုန်းသည် တပ်တော်ဝင်ပြီး ၁၃ နှစ်ကြာမှ ဒုတိယအဆင့်သို့ အဆင့်မြှင့်တင်ခြင်းခံရသည့် F – 22 များနှင့် စာလျှင် အတော်မြန်သည်ဟု ဆိုရပေမည်။
J – 20 ၏ Weapon Bay အား အဆင့်မြှင့်တင်မှုသည် လအနည်းငယ်သာကြာမြင့်ခဲ့သော်လည်း F – 22 အား အဆင့်မြင့် ဝေဟင်မှ ဝေဟင်ပစ်ဒုံးများ တပ်ဆင်နိုင်ရန် အဆင့်မြှင့်တင်မှုမှာ နှစ်နှင့်ချီကာ ကြာမြင့်ခဲ့ပါသည်။ F – 22 ၏ The Raptor Agile Capability Release ကဲ့သို့သော အဆင့်မြှင့်တင်မှု အစီအစဉ်များသည် နှစ်နှင့်ချီကာ ကြာမြင့်ခဲ့ပါသည်။ အမေရိကန်၏ F – 22 များတွင် ကီလိုမီတာ ၁၈၀ အထိ ပစ်ခတ်နိုင်သော AIM – 120D ဝေဟင်မှ ဝေဟင်ပစ်ဒုံးများ တပ်ဆင်ပြီးချိန်တွင် တရုတ် J – 20 များတွင်တော့ ကီလိုမီတာ ၂၀၀ မှ ၄၀၀ အထိပစ်ခတ်နိုင်သည့် Ramjet အင်ဂျင်သုံး PL – 21 နှင့် PL – 12D ဝေဟင်မှ ဝေဟင်ပစ်ဒုံးများကို စတင်သုံးစွဲနိုင်လာတော့မည် ဖြစ်သည်။ ၎င်းအချက်သည် တရုတ်တိုက်လေယာဉ်က အမေရိကန်တိုက်လေယာဉ်ထက် သိသာစွာ သာလွန်သွားသည့် အချက်ပင်ဖြစ်သည်။
F – 22 တိုက်လေယာဉ်များအား အဆင့်မြှင့်တင်နိုင်ရန် နှောင့်နှေးသည့် အဓိက အချက်မှာ အဆိုပါ အဆိုပါ တိုက်လေယာဉ်ထုတ်လုပ်ရေး အစီအစဉ်အား အဆုံးသတ်လိုက်ခြင်းကြောင့်လည်း ဖြစ်သည်။ ထို့ကြောင့် F – 35၊ F – 15 နှင့် တရုတ် J – 20 တို့ကဲ့သို့ အသက်ဝင်နေသော အစီအစဉ်တစ်ခုမဟုတ်တော့ပေ။ F – 22 တွင် အသုံးပြုထားသော ကွန်ပြူတာနှင့် Software တည်ဆောက်မှု ဒီဇိုင်းသည် ၁၉၉၀ ပြည့်လွန်နှစ်များက ဒီဇိုင်းဖြစ်ပြီး အသုံးပြုသော Core Processor ၏ အမြန်နှုန်းမှာလည်း 25MHz သာရှိပါသည်။ ထို့ကြောင့် တိုက်လေယာဉ်တွင် ပိုမိုအဆင့်မြင့်သော လက်နက်များတပ်ဆင်ရန်အတွက် Software များကို အဆင့်မြှင့်ရန် ကြိုးစားချိန်တွင် ပြဿနာ ဖြစ်လာပါတော့သည်။
A 1st Fighter Wing’s F-22 Raptor from Joint Base Langley-Eustis, Va., pulls away from a KC-135 Stratotanker with the 756th Air Refueling Squadron, Joint Base Andrews Naval Air Facility, Md., after refueling off the east coast, May 10, 2012. The first Raptor assigned to the Wing arrived, Jan. 7, 2005. This aircraft was allocated as a trainer, and was docked in a hanger for maintenance personnel to familiarize themselves with its complex systems. The second Raptor, designated for flying operations, arrived, Jan. 18, 2005. On Dec. 15, 2005, Air Combat Command commander, along with the 1st FW commander, announced the 27th Fighter Squadron as fully operational capable to fly, fight and win with the F-22.
J – 20 တိုက်လေယာဉ်တွင် တပ်ဆင်ထားသော ပိုမိုသစ်လွင်ကောင်းမွန်သည် ကွန်ပြူတာ တည်ဆောက်ပုံစနစ်သည် တရုတ်စစ်ဘက်အတွက် အလုပ်လုပ်ကိုင်ရ ပိုမိုလွယ်ကူစေပါသည်။ J – 20 တိုက်လေယာဉ်များ တပ်တော်ဝင်စဉ်က F – 22 ၏ စွမ်းဆောင်ရည်များအား မှီနိုင်ခြင်းမရှိဟု ယူဆခဲ့ကြသော်လည်း ယခုအခါ J – 20 အား အဆင့်မြှင့်တင်မှုနှုန်းမှာ အလွန်မြန်ဆန်ခြင်းကြောင့် တိုက်လေယာဉ် နှစ်စီးကြား ကွာဟချက်မှာ ကျဉ်းမြောင်းလာပါသည်။ မကြာမီကာလအတွင်း J – 20 တိုက်လေယာဉ်၏ စွမ်းဆောင်ရည်များက သာလွန်သွားတော့မည် ဖြစ်ပါသည်။ ထို့အပြင် အနာဂတ်ကာလတွင် လိုက်မမှီနိုင်အောင် သာလွန်စွမ်းဆောင်နိုင်မည်ဟု ပညာရှင်အချို့က သုံးသပ်ကြပါသည်။ ဤတိုက်လေယာဉ် နှစ်မျိုး၏ လေကြောင်းစစ်ဆင်ရေးစွမ်းရည်များနှင့်အတူ အနာဂတ်ကာလတွင် ပစိဖိတ်ဒေသ အင်အားပြိုင်ဆိုင်မှု ချိန်ခွင်ညှာအပေါ် သိသာထင်ရှားသော အကျိုးသက်ရောက်မှုများ မလွဲမသွေ ဖြစ်ပေါ်လာပေတော့မည်။
ကိုးကား။ How China’s New Stealth Fighter Could Soon Surpass the US F-22 Raptor by Abraham Ait, The Diplomat Magazine, March 30, 2018.
