Kinzhal သည် ပစိဖိတ်ဒေသ အင်အားချိန်ခွင်လျှာကို ပြောင်းလဲပစ်နိုင်မည်လော
ဒေါက်တာနိုင်ဆွေဦး
သေနင်္ဂမဟာဗျူဟာလေ့လာရေးအဖွဲ့
တရုတ်၏ DF-21D “Carrier Killer” ပဲ့ထိန်းဒုံးပျံသည် ကမ်းရိုးတန်းမှ ကီလိုမီတာ ၁၄၅၀ အကွာရှိ အမေရိကန် စစ်ရေယာဉ်ကြီးများအား ပစ်ခတ်နှစ်မြှုပ်ပစ်နိုင်သည်ဟု ဆိုသောကြောင့် စတင်အသုံးပြုသော ၂၀၁၀ ပြည့်နှစ်၏ သတင်းခေါင်းကြီးပိုင်းများတွင် နေရာယူခဲ့ပါသည်။ DF-21D သည် တောင်နှင့် အရှေ့တရုတ်ပင်လယ်တို့တွင် တရုတ်အကြိုက် အင်အားချိန်ခွင်လျှာကို ပြောင်းလဲသွားစေသည့် အဓိကသော့ချက်တစ်ခုဖြစ်လာခဲ့ပါသည်။ ထို့ပြင် အမေရိကန်၏ ကြီးထွားလာသော ရေတပ်အင်အားကို ရင်ဆိုင်ရန်အတွက် ပင်လယ်ရေကြောင်း A2/AD ဇုန်ကိုလည်း ချဲ့ထွင်ပြီး ဖြစ်ပါသည်။ (A2/AD သည် Anti-access/Area denial ဖြစ်ပြီး ကုန်းမြေ၊ ရေပြင် သို့မဟုတ် ကောင်းကင်အား သိမ်းပိုက်ခြင်း သို့မဟုတ် ဖြတ်သန်းသွားခြင်းတို့ကြောင့် ဖြစ်ပေါ်လာနိုင်သော ပဋိပက္ခအား တားဆီးသည့် မဟာဗျူဟာ သို့မဟုတ် လက်နက်ဟု အဓိပ္ပာယ်ဖွင့်ဆိုနိုင်သည်။) U.S. Naval Institute ၏ အဆိုအရ အမေရိကန်ရေတပ်တွင် ထိုကဲ့သို့သောဒုံးပျံဖြင့် တိုက်ခိုက်မှုအား ကာကွယ်နိုင်သည့် စနစ်မရှိသေးပါ။ ထိုဒုံးပျံသည် ထိုင်ဝမ်ကျွန်းအရေးအခင်း ဖြစ်ပွားပါက ၁၉၉၆ ခုနှစ်ကကဲ့သို့ အမေရိကန်၏ တုံ့ပြန်စွမ်းဆောင်နိုင်မှုအားလည်း ကန့်သတ်ပစ်နိုင်ပါသည်။ DF-21D သည် ပြိုင်ဘက်ကင်းသည့် စွမ်းဆောင်ရည်မြင့်မားသော လက်နက်တစ်ခုဖြစ်သော်လည်း ပစိဖိတ်ဒေသတွင် အမေရိကန်စစ်ရေယာဉ်များကို ပိုမိုခြိမ်းခြောက်မှုပေးလာသည်ကတော့ ၂၀၁၈ ခုနှစ်တွင် စတင်သုံးစွဲသည့် လက်နက်စနစ်သစ်တစ်ခုဖြစ်သော ရုရှား၏ Kh-47M2 Kinzhal Hypersonic ဒုံးစနစ်ပင် ဖြစ်ပါသည်။ (Hypersonic – အသံလွန်ဆိုသည်မှာ အသံ၏ ၅ ဆ ထက်ပိုမိုလျှင်မြန်ခြင်းကို ဆိုလိုပါသည်။)
ရုရှားဘာသာစကား Kinzhal သည် Dagger သို့မဟုတ် ဓားမြောင်ကို ဆိုလိုပါသည်။ ၎င်းကို ရုရှားတပ်မတော်၏ တပ်တော်ဝင်အံ့ဆဲဆဲ မဟာဗျူဟာမြောက် လက်နက်စနစ် ၆ မျိုးအနက်မှ တစ်မျိုးအဖြစ် ရုရှားသမ္မတ ဗလာဒီမာပူတင်က ၂၀၁၈ ခုနှစ် မတ်လတွင် ထုတ်ဖော်ပြသခဲ့ခြင်း ဖြစ်ပါသည်။ အခြားအသံလွန်လက်နက်စနစ်များဖြစ်သော Sarmat နှင့် Avangard တိုက်ချင်းပစ်ဒုံးပျံများအား မဟာဗျူဟာမြောက် နျူကလီးယားလက်နက်များအဖြစ် အဓိကရည်ရွယ်ထားခြင်း ဖြစ်သော်လည်း Kinzhal အား နျူးကလီးယားထိပ်ဖူးတပ်ဆင်ထားခြင်း မရှိသော နည်းဗျူဟာလက်နက်အနေဖြင့် အသုံးပြုမည် ဖြစ်ပါသည်။ ဆိုလိုသည်မှာ Kinzhal ဖြင့် စစ်မြေပြင်ရှိ ရန်သူ့ စစ်ဘက်ဆိုင်ရာပစ်မှတ်များအား တိကျစွာ ပစ်ခတ်နိုင်မည် ဖြစ်ပါသည်။ Kinzhal အား နျူးကလီးယားထိပ်ဖူးတပ်ဆင်ပြီး မဟာဗျူဟာလက်နက်တစ်ခုအနေဖြင့် အသုံးပြုနိုင်သော်လည်း အလွန်အမင်းဝေးကွာသောနေရာမှနေပြီး နည်းဗျူဟာအဆင့်ပစ်မှတ်မျှသာဖြစ်သော စစ်ရေယာဉ်များအား ရှာဖွေပစ်ခတ်နိုင်ခြင်းသည်ပင် ၎င်း၏တန်ဖိုးကို ကျဆင်းစေသည့် အချက်ဖြစ်ပါသည်။ Kinzhal သည် လက်ရှိအသုံးပြုနေသော ဒုံးစနစ်အားလုံးထက် ပိုမိုဝေးကွားသော အကွာအဝေးမှ ပစ်ခတ်နိုင်ခြင်းသည်လည်း အငြင်းပွားစရာဖြစ်နေဆဲ ဖြစ်သည်။
Kinzhal ၏ ထိပ်ဖူးသည် ကီလိုဂရမ် ၅၀၀ မှ ၇၀၀ ကြားရှိ အဆင့်မြင့် ထိပ်ဖူးတစ်မျိုးဖြစ်သော်လည်း တရုတ်၏ DF-21D အောက် အလေးချိန်လျော့နည်းပါသည်။ သင်္ဘောဖျက်ဒုံးစစ်စစ်တို့၏ အမှတ်လက္ခဏာဖြစ်သည့် တိကျခြင်း၊ လုံလောက်သော အကွာအဝေးမှ ပစ်ခတ်နိုင်ခြင်းနှင့် အသံထက် ၅ ဆကျော်မြန်သည့် အသံလွန်နှုန်းဖြင့် Kinzhal အား တည်ဆောက်ထားခြင်း ဖြစ်ပါသည်။ ထိပ်ဖူးတပ်ဆင်ထားခြင်း မရှိလျှင်တောင်မှ ဒုံးပျံ၏ Kinetic Energy ကြောင့် စစ်ရေယာဉ်ကြီးများအား (လုံးဝဖျက်စီးပစ်ခြင်းမလုပ်နိုင်သော်လည်း) လှုပ်ရှားမရစေရန် ပြုလုပ်နိုင်ပါသည်။ အသံလွန်နှုန်းဖြင့်မဟုတ်ဘဲ အသံထက် ၂.၈ ဆနှုန်းဖြင့် ပျံသန်းပြီး ကီလိုဂရမ် ၂၅၀ ရှိ ထိပ်ဖူးကို သယ်ဆောင်နိုင်သော BrahMos သင်္ဘောဖျက်ဒုံးလိမ္မာသည်ပင် စစ်ရေယာဉ်ကြီးများအား ၎င်း၏ Kinetic Energy ဖြင့် နှစ်ပိုင်း ပိုင်းပစ်နိုင်ကြောင်း တွေ့ရှိရပါသည်။ (BrahMos အား ရုရှားနှင့် အိန္ဒိယတို့ ပူးတွဲထုတ်လုပ်ထားခြင်း ဖြစ်ပါသည်။) Kinzhal သည် BrahMos ထက် ပိုမိုမြန်ပြီး ထိပ်ဖူးအလေးချိန် နှစ်ဆ ပိုမိုသယ်ဆောင်နိုင်သည့်အပြင် Kinetic Energy နှစ်ဆခန့်ရှိသည့်အတွက် အကြီးမားဆုံးစစ်ရေယာဉ်ကြီးများကို ဒုံးတစ်လုံးတည်းဖြင့် ပစ်ခတ်တိုက်ခိုက်ရုံမျှဖြင့် ဖျက်စီးပစ်နိုင်မည်ဟု ယူဆထားကြပါသည်။ Kinzhal အား ကီလိုမီတာ ၂၀၀၀ အကွာအဝေးမှ ပစ်ခတ်နိုင်ပါသည်။
ရုရှား ဒုတိယကာကွယ်ရေးဝန်ကြီး Yuriy Borisov က MiG – 31 ကြားဖြတ်တိုက်လေယာဉ် ၁၀ စီးအား Kinzhal ဒုံးများ တပ်ဆင်ပစ်ခတ်နိုင်ရန် ပြင်ဆင်ပြီး ဖြစ်ကြောင်း ယခုနှစ် မတ်လကတည်းက ပြောကြားခဲ့ပါသည်။ ၂၀၁၇ ခုနှစ် ဒီဇင်ဘာလအတွင်း ရုရှားတောင်ပိုင်း စစ်ဒေသကြီး (Southern Military District) တွင် Kinzhal တပ်ဆင်နိုင်သည့် MiG – 31(BM)K အုပ်ကို စတင်ဖွဲ့စည်းခဲ့ပါသည်။ တရားဝင်ထုတ်ပြန်ချက်အရ Kinzhal သည် ဘက်စုံသုံး ထိပ်ဖူးတပ်ဆင်ထားပြီး ရွှေ့လျားနှင့် တည်ငြိမ်ပစ်မှတ် နှစ်မျိုးလုံးကို တိုက်ခိုက်နိုင်သည့် တိကျစွာ ပစ်ခတ်နိုင်သောလက်နက်ဖြစ်သည်။ Kinzhal သည် အသံထက် ၁၀ ဆအမြန်နှုန်းဖြင့် ပျံသန်းတိုက်ခိုက်နိုင်ပါသည်။ ပစ်ခတ်ပြီးသည်နှင့် စက္ကန့်ပိုင်းအတွင်း အသံလွန်အမြန်နှုန်းသို့ ရောက်ရှိသွားနိုင်ပါသည်။ ၎င်းအား ပစ်ခတ်ပြီးသည်နှင့် ကောင်းကင်အမြင့်တွင် အမြန်နှုန်းတစ်စုံတစ်ခုရောက်သည့်အထိ အရှိန်မြှင့်သွားပြီးနောက် ၎င်းကို၎င်း ထိန်းကျောင်းမောင်းနှင်ကာ တိုက်ခိုက်နိုင်သည်ဟု ဖော်ပြထားပါသည်။ ၎င်း၏ အမြန်နှုန်းဖြင့် တိုက်ခိုက်နိုင်ခြင်းနှင့် ပတ်သက်ပြီး ဆက်လက်ပြောကြားရာတွင် ဒုံးသည် ပစ်မှတ်ထံ ပျံသန်းနေစဉ်အတွင်း လမ်းကြောင်းကို အလိုအလျောက်ထိန်ကျောင်း ပြောင်းလဲနိုင်သောကြောင့် လေယာဉ်ပစ်ဒုံးနှင့် လေယာဉ်ပစ် စက်အမြောက်များဖြင့် ကာကွယ်ထားသည့် အန္တရာယ်ဇုံများကို ရှောင်ရှားသွားနိုင်သည်။ အသံလွန်နှုန်းဖြင့် ပျံသန်းနေစဉ်တွင်း လမ်းကြောင်းကိုထိန်းကြောင်း ပြောင်းလဲနိုင်ခြင်းကြောင့် ဒုံးကို လုံခြုံစိတ်ချရစေပြီး ပစ်မှတ်အား တိုက်ရိုက်ထိမှန်စေရန် အာမခံနိုင်ပါသည်။
ရုရှားက ၎င်း၏ အသံလွန်ဒုံးပျံစနစ်အား ထုတ်ဖော်ပြသခြင်းနှင့် ပတ်သက်ပြီး ထိုကဲ့သို့အမြန်နှုန်းဖြင့် တိုက်ခိုက်လာပါက ကြားဖြတ်တိုက်ခိုက်ရန် အမေရိကန်တွင် မရှိသေးဟု အမေရိကန်တပ်မတော် အရာရှိကြီးများက ဆိုပါသည်။ ဆီးနိတ်လွှတ်တော် လက်နက်ကိုင်တပ်ဖွဲ့များကော်မတီအစည်းအဝေးတစ်ခုတွင် မဟာဗျူဟာဌာနချုပ် (U.S Strategic Command) ဌာနချုပ်မှူး ဗိုလ်ချုပ်ကြီး John Hyten က အမေရိကန်လေကြောင်းကာကွယ်ရေးစနစ်များသည် အသံလွန်လက်နက်များဖြင့် တိုက်ခိုက်လာခြင်းအား ကြားဖြတ်ဟန့်တားရန် စွမ်းဆောင်နိုင်ခြင်း မရှိသေးကြောင်း ဖြေကြားခဲ့ဘူးပါသည်။ အမေရိကန်ဘက်မှ ထွက်ပေါ်လာသော သတင်းရင်းမြစ်များကို သုံးသပ်ချက်များအရ အဆင့်မြင့်ဆုံး လေကြောင်းရန်ကာကွယ်ရေး ပလက်ဖောင်းအချို့သည်ပင် လွန်ခဲ့သောနှစ်ပေါင်း (၅၀) ခန့်က ဒီဇိုင်းရေးဆွဲခဲ့သည့် Scub B ကဲ့သို့ ဒုံးပျံများကို ကြားဖြတ်တိုက်ခိုက်ရန် ခက်ခက်ခဲခဲ လုပ်ဆောင်ရကြောင်း သိရှိရပါသည်။ Kinzhal အား အမေရိကန်၏ လက်ရှိအသုံးပြုနေသော လေကြောင်းရန်ကာကွယ်ရေးစနစ်များဖြစ်သည့် MIM-104 Patriot, Terminal High Altitude Area Defense (THAAD) နှင့် Aegis Combat System တို့ကို ကျော်လွှားတိုက်ခိုက်နိုင်ရန် တီထွင်ထားခြင်း ဖြစ်ပါသည်။ အမေရိကန်ပြည်မကြီးသည် ရုရှား၏ တိုက်ချင်းပစ်းဒုံးပျံသစ်များ (ICBM) ကို ရင်ဆိုင်ရမည် ဖြစ်သည်သာမက အမေရိကန်ရေတပ်၏ ဖျက်သင်္ဘောများနှင့် လေယာဉ်တင်သင်္ဘောများသည်လည်း အလွန်ဝေးကွာသော နေရာမှနေ၍ Kinzhal ဖြင့် ပစ်ခတ်နှစ်မြှပ်ခြင်းကို ခံလာရနိုင်သဖြင့် အနာဂတ်တွင် ဖြစ်ပွားလာနိုင်သော ပဋိပက္ခများတွင် ပြင်းထန်ဆိုးရွားသော ဂယက်ရိုက်ခတ်မှုများ ဖြစ်ပေါ်လာနိုင်ပါသည်။
ရုရှားအနေဖြင့် ၎င်း၏ အနောက်ဘက်နယ်နိမိတ်များတွင် တာဝေးပစ် သင်္ဘောဖျက်ဒုံးများ အများအပြားလိုအပ်ခြင်း မရှိသော်လည်း အရှေ့ဖျားဒေသတွင် Kinzhal များကို တပ်ဖြန့်ချထားခြင်းသည် ပစိဖိတ်ဒေသအင်အား ချိန်ခွင်လျှာကို သိသာစွာရိုက်ခတ်လာနိုင်ပါသည်။ MiG – 31 များ၏ စစ်ဆင်နိုင်သောအကွာဝေးမှာ ကီလိုမီတာ ၁၅၀၀ ဖြစ်ပြီး Kinzhal သည် ကီလိုမီတာ ၂၀၀၀ မှ ပစ်ခတ်နိုင်သောကြောင့် ရုရှားတို့အနေဖြင့် ကမ်းရိုးတန်းမှ ကီလိုမီတာ ၃၅၀၀ အကွာမှနေပြီး အမေရိကန်စစ်ရေယာဉ်များအား ပစ်ခတ်တိုက်ခိုက်နိုင်မည် ဖြစ်သည်။ ရုရှားအရှေ့ဖျား ဗလာဒီဗော့စတော့ခ်မှ MiG – 31K တိုက်လေယာဉ်တက်မည်ဆိုပါက အရှေ့တရုတ် ပင်လယ်တစ်ခုလုံးနှင့် ဖိလစ်ပိုင်၊ တရုတ်က တောင်းဆိုနေသော ရေပြင်နယ်နိမိတ်အပါအဝင် တောင်တရုတ်ပင်လယ် ရေပြင်အများစုအား လွှမ်းခြုံစိုးမိုးထားနိုင်ပါမည်။ ၎င်းသည် U.S. Freedom of Navigation Patrol အစီအစဉ်ဖြင့် လှုပ်ရှားကင်းလှည့်နေသည့် အမေရိကန် စစ်ရေယာဉ်များကိုပါ ခြိမ်းခြောက်ထားနိုင်ရန်လည်း ရည်ရွယ်ပါသည်။ ဤသည်မှာ ပစိဖိတ်ရှိ ရုရှား၏ အင်အားကို ပိုမို တောင့်တင်းလာစေပြီး အခြားနိုင်ငံများကိုလည်း ပြင်းပြင်းထန်ထန် ဂယက်ရိုက်ခတ်စေပါသည်။
အရှေ့နှင့် တောင်တရုတ်ပင်လယ်အတွင်း အမေရိကန်နှင့် ၎င်း၏ မဟာမိတ်များကို ငြင်းပယ်ခြင်း (Denial) ပြုလုပ်ရန်အတွက်ဖြစ်စေ၊ တရုတ်အား အထောက်အပံ့ပေးရန်အတွက်ဖြစ်စေ သို့မဟုတ် မိမိအကြောင်းပြချက်ဖြင့် မိမိဖြစ်စေ လုပ်ဆောင်ရာတွင် ရုရှားအနေဖြင့် တရုတ်ထက် ပိုမိုသာလွန်ကောင်းမွန်သော လက်နက်စနစ်ကို ပိုင်ဆိုင်လာပြီ ဖြစ်သည်။ ရုရှားအနေဖြင့် ဤဒုံးပျံစနစ်ကို အသုံးပြုခြင်းကြောင့် အခြားနိုင်ငံများနှင့် နှိုင်းယှဉ်လျှင် ပစိဖိတ်ဒေသတွင်း ၎င်း၏ နည်းပါးသော ရေတပ်အင်အားကို ကာမိစေပြီး ဒေသတွင်း အတော်အတန်လွှမ်းမိုးလာနိုင်မည် ဖြစ်သည်။
Kinzhal သည် ပစိဖိတ်၏ အဓိက လေယာဉ်တင်သင်္ဘောဖျက်ဒုံးဟူသော အမည်နာမကို ရယူလာနိုင်ပါသည်။ ၁၉၄၅ ခုနှစ်ကတည်းက ပစိဖိတ်တွင် ပြိုင်ဘက်မရှိ လွှမ်းမိုးထားနိုင်ခဲ့သော အမေရိကန်ရေတပ်အား အဟန့်အတားပြုပြီး အကာအကွယ်မရှိတော့သည့်အခါ ဒေသတွင်းမှ ထွက်ခွာသွားအောင် ပြုလုပ်ခြင်းဖြင့် အနောက်အုပ်စု၏ လွှမ်းမိုးမှုကို လျှော့ချရန် ရုရှားနှင့် တရုတ်တို့၏ ကာလရှည်ကြာ ရည်ရွယ်ချက်အား ပြည့်စုံအောင် Kinzhal က ဆောင်ကြဉ်းပေးနိုင်ပါသည်။ ပြီးခဲ့သည့် မေလ ၉ ရက်နေ့က မော်စကို ရင်ပြင်နီတွင် ပြုလုပ်သော အောင်ပွဲစစ်ရေးပြ အခမ်းအနား (Victory Day Parade) တွင် Kh – 47M2 Kinzhal အသံလွန်ဒုံးပျံတစ်လုံးစီ တပ်ဆင်ထားသော MiG – 31K ကြားဖြတ်တိုက်လေယာဉ် ၂ စီးက ရင်ပြင်နီပေါ်မှ ဖြတ်ကျော်ပျံသန်း စစ်ရေးပြခဲ့ပါသည်။ အနာဂတ်တွင် ရုရှားအစိုးရနေဖြင့် လူတကာဖြုံလောက်သော ထိုလက်နက်၏ အရေးသာမှုများကို အသုံးချကာ ပြိုင်ဘက်နိုင်ငံများအပေါ် တန်းညှိုသွားမည်ဆိုသည်ကတော့ အသေအချာပင် ဖြစ်ပါသည်။
Reference: Russia Inducts Its Own ‘Carrier Killer’ Missile, and It’s More Dangerous than China’s, Abraham Ait, The Diplomat, May 12, 2018
