RAND Corporation၏ သမိုင်းကြောင်းနှင့် အမေရိကန် ပြည်ထောင်စု ပြောင်းလဲ တိုးတက်လာမှု ဆက်စပ်ခြင်းအား လေ့လာခြင်း
နိဒါန်း
ကမ္ဘာနိုင်ငံ အသီးသီးတွင် သက်ဆိုင်ရာ နယ်ပယ်များအလိုက် ဥာဏ်ကြီးရှင် အဖွဲ့များ (Think Tank) ဖွဲ့စည်းထားရှိကာ အစိုးရများအား သင့်လျော်သော မူဝါဒနှင့် မဟာဗျုဟာများ ချမှတ်နိုင်ရန် အကူအညီများ ပေးလျက်ရှိကြပါသည်။ ဥာဏ်ကြီးရှင်များ အဖွဲ့ ဆိုသည်မှာ လူမှု မူဝါဒ၊ နိုင်ငံရေး မဟာဗျူဟာ၊ စီးပွားရေး၊ စစ်ရေး၊ နည်းပညာနှင့် ယဉ်ကျေးမှုဆိုင်ရာ နယ်ပယ်တို့တွင် သုတေသနပြုခြင်းနှင့် အကြံဥာဏ်ပေးခြင်းများကို လုပ်ဆောင်သော အဖွဲ့အစည်းဟု အဓိပ္ပါယ် ဖွင့်ဆိုနိုင်မည် ဖြစ်ပါသည်။ ဤဆောင်းပါးတွင် ကမ္ဘာကျော် ဥာဏ်ကြီးရှင်များ အဖွဲ့တစ်ခုဖြစ်သည့် RAND Corporation နှင့် ပတ်သက်ပြီး တင်ပြသွားမည် ဖြစ်ပါသည်။
RAND Coporation ဆိုသည်မှာ
RAND သည် Research and Development၏ အတိုကောက် ဖြစ်ပြီး အမေရိကန် ပြည်ထောင်စု အခြေစိုက် အကျိုးအမြတ် မယူသော ဥာဏ်ကြီးရှင်များ အဖွဲ့ ဖြစ်ပါသည်။ အမေရိကန် တပ်မတော်အတွက် သုတေသနနှင့် လေ့လာဆန်းစစ်မှုများ ပြုလုပ်ရန် ဒေါက်ဂလပ်စ် လေယာဉ် ကုမ္ပဏီ (Douglas Aircraft Company) က ၁၉၄၈ ခုနှစ်တွင် တည်ထောင်ခဲ့ခြင်း ဖြစ်သည်။ ကာလီဖိုးနီးယား ပြည်နယ် စန်တာမော်နီကာမြို့တွင် တည်ရှိသော ဤအဖွဲ့မှာ ကမ္ဘာလုံးဆိုင်ရာ မူဝါဒများ လေ့လာဆန်းစစ်ခြင်းကို အဓိက လုပ်ဆောင်နေပါသည်။ ငွေကြေးထောက်ပံ့မှုအား အမေရိကန် ပြည်ထောင်စု အစိုးရ၊ ပုဂလိက အထောက်အပံ့များ၊ ကော်ပိုရေးရှင်းများ (ကျန်းမာရေး စောင့်ရှောက်မှု ဆိုင်ရာ ကုမ္ပဏီများ အပါအဝင်)၊ တက္ကသိုလ်များ နှင့် သီးခြား အလှူရှင်များက လုပ်ဆောင်ပေးပါသည်။ ကာကွယ်ရေးနှင့် မသက်ဆိုင်သော အခန်းကဏ များတွင်လည်း ပြည်ပ အစိုးရများ၊ ပုဂလိက ဖောင်ဒေးရှင်းများ၊ အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဆိုင်ရာ အဖွဲ့အစည်းများနှင့် ပူးပေါင်း ဆောင်ရွက်နေပါသည်။ RAND၏ ရည်ရွယ်ချက်မှာ အသုံးချ သိပ္ပံနှင့် လက်တွေ့ သုတေသန ပြုချက်များမှ တဆင့် သမားရိုးကျ စီးပွားရေးနှင့် ရူပ သိပ္ပံ တို့၏ သီအိုရီ အယူအဆများကို အသုံးချ၍ ပြဿနာများကို ဖြေရှင်ပေးနိုင်ရန် ဖြစ်သည်။ RAND Corporation ၏ လက်ရှိ ဥက္ကဌနှင့် အမှုဆောင် အရာရှိချုပ်မှာ မိုက်ကယ် ရစ်ခ်ျ ဖြစ်သည်။
RAND Corpotation တွင် ဝန်ထမ်းပေါင်း ၁၇၀၀ခန့် တာဝန်ထမ်းဆောင်နေကြပါသည်။ နိုင်ငံ (၄၇)နိုင်ငံတွင် ရုံးခွဲများ ဖွင့်လှစ်ထားပါပြီး ဘာသာစကားပေါင်း (၆၅)မျိုး (အာရေဗစ်၊ တရုတ်၊ ပြင်သစ်၊ ဂျာမန်၊ ဂျပန်၊ ကိုရီးယား၊ ရုရှား၊ စပိန် စသည်)ကို ပြောဆို သုံးစွဲလျက်ရှိပါသည်။ အမေရိကန် နိုင်ငံတွင်းတွင် စန်တာမော်နီကာ (ကာလီဖိုးနီးယား ပြည်နယ်) (ဌာနချုပ်)၊ အာလင်တန် (ဗာဂျီးနီးယား ပြည်နယ်)၊ ပစ္စဘတ် (ပင်ဆယ်ဗေးနီးယား ပြည်နယ်)နှင့် ဘော်စတွန် (မန်ဆာချူးဆက် ပြည်နယ်) တို့တွင် ရုံးများဖွင့်လှစ် ထားပါသည်။ RAND ပင်လယ်ကွေ့ နိုင်ငံများ မူဝါဒဆိုင်ရာ အဖွဲ့ (The RAND Gulf States Institutes)၏ ရုံးခွဲများကို လူဝီစီယားနား ပြည်နယ် နယူး အော်ရီလန်းမြို့နှင့် မစ္စစ္စပီပြည်နယ် ဂျက်ဆန်မြို့များတွင် ဖွင့်လှစ်ထားပါသည်။ ထို့အပြင် RAND Europe သည် ယူကေနိုင်ငံ ကမ်းဘရစ်ခ်ျမြို့နှင့် ဘယ်လ်ဂျီယမ်နိုင်ငံ ဘရပ်ဆဲလ်မြို့များတွင် တည်ရှိပါသည်။ RAND Australia သည် သြစတေးလျနိုင်ငံ ကမ်ဘာရာမြိုတွင် တည်ရှိပါသည်။
RAND သည် လူထုရေးရာ မူဝါဒနှင့် ပတ်သက်ပြီး ပါရဂူဘွဲ့ ချီးမြှင့်သည့် ရှေးဦး အစီအစဉ် (၈)ခုတွင် အပါအဝင်ဖြစ်သော The Frederick S. Pardee RAND Graduate School ၏ မိခင် အဖွဲ့အစည်းလည်း ဖြစ်ပါသည်။ အဆိုပါ အစီအစဉ်သည် ကျောင်းသားများအနေဖြင့် RAND လေ့လာ ဆန်းစစ်ချက် (RAND Analysis) အသုံးချပြီး သရုပ်မှန် ပြဿနာများကို ဖြေရှင်းရာတွင် လက်တွေ့ဆောင်ရွက်နိုင်စေရန် ရည်ရွယ်ပါသည်။ The Pardee RAND School သည် မူဝါဒရေးရာ လေ့လာဆန်းစစ်ခြင်း ပါရဂူဘွဲ့ပေးသော ကမ္ဘာ့ အကြီးဆုံးကျောင်းလည်းဖြစ်ပါသည်။ ကျောင်း ပရဝဏ်သည် RAND စန်တာမော်နီကာ သုတေသနဌာန (RAND Santa Mornica Research Institute) ဝင်း အတွင်း တည်ရှိပါသည်။ အခြား တက္ကသိုလ်များနှင့် မတူညီသည့် အချက်မှာ ကျောင်းသားများသည် ပညာသင်ကြားမှု ကုန်ကျစရိတ်အားလုံးအတွက် ထောက်ပံ့ကြေး ရရှိခြင်းဖြစ်သည်။ ကျောင်သားများ အနေဖြင့် RAND ၏ သုတေသန ပရောဂျက်များတွင် ပါဝင်ဆောင်ရွက်ရမည်ဖြစ်ပြီး လုပ်ငန်းခွင် လက်တွေ့သင်တန်းများကိုပါ လေ့ကျင့်ပေးသွားမည် ဖြစ်သည်။ ထို့အပြင် RAND၏ ပရောဂျက်များတွင် ပါဝင် ကူညီ ဆောင်ရွက်နိုင်ရန် ကျောင်းသားများနှင့် ပြင်ပ သုတေသီများအတွက် Internship နှင့် Fellowship အစီအစဉ်များအား ဖွင့်လှစ်ပေးထားပါသည်။ ပရောဂျက် အများစုမှာ ကာလတိုဖြစ်ပြီး RAND ဝန်ထမ်းတစ်ဦးစီ၏ ကြီးကြပ်မှုဖြင့် သီးခြား ဆောင်ရွက်ရခြင်း ဖြစ်ပါသည်။
RAND သည် RAND Journal of Economics ကို ပုံမှန် ထုတ်ဝေလျက်ရှိပါသည်။ နိုဘယ် ဆုရှင် (၃၂)ဦး (အများစုမှာ စီးပွားရေးနှင့် ရူပဗေဒ) သည် သုတေသန လုပ်ငန်းများကို RAND ၏ လုပ်ငန်းများနှင့် တနည်းမဟုတ် တနည်း ဆက်စပ် ဆောင်ရွက်ခဲ့ကြခြင်းဖြစ်ပါသည်။
Project RAND ဆိုသည်မှာ
အနာဂတ် လက်နက်များနှင့် ပတ်သက်၍ ရေရှည်စီမံကိန်း ချမှတ်နိုင်ရန် ရည်ရွယ်ချက်ဖြင့် အမေရိကန် ကြည်းတပ်မတော် လေတပ် (United States Army Air Forces) ၏ အကြီးအကဲဖြစ်သူ ဗိုလ်ချုပ်ကြီး ဟင်နရီ အာနိုးက Project RAND ကို စတင် တည်ထောင်ခဲ့ခြင်းဖြစ်ပါသည်။ (ထိုစဉ်က အမေရိကန် နိုင်ငံတွင် သီးခြား လေတပ်မတော် မရှိသေးပါ။ ကြည်းတပ် လက်အောက်ခံ လေတပ်နှင့် ရေတပ် လက်အောက်ခံ လေတပ် အဖြစ်သာ ဖွဲ့စည်းထားခြင်း ဖြစ်ပါသည်။ ပြုစုသူ) ၁၉၄၆ ခုနှစ် မတ်လတွင် ဒေါက်ဂလပ်စ် လေယာဉ် ကုမ္ပဏီ၏ တိုက်ချင်းပစ် စစ်ဆင်ရေးနှင့် ပတ်သက်ပြီး သုတေသနပြုရန် ကန်ထရိုက်အား ခွင့်ပြုပေးခဲ့သည်။ ၁၉၄၆ မေလတွင်တော့ ကမ္ဘာပတ် အာကာသယာဉ်၏ စမ်းသပ်ပုံစံ ကနဦး ဒီဇိုင်းအား ထုတ်ပြန်ပေးနိုင်ခဲ့သည်။ အနာဂတ်တွင် လက်နက်များတည်ဆောက်ရာ၌ Hardwareပိုင်း အရှုပ်အထွေးများ ဖြစ်ပေါ်လာနိုင်သည့် အတွက် ၁၉၄၈ခုနှစ် မေလတွင် ဒေါက်ဂလပ် လေယာဉ် ကုမ္ပဏီမှ ခွဲထွက်ကာ အကျိုးအမြတ် မယူသည့် သီးခြားလွတ်လပ်သော အဖွဲ့အစည်း အဖြစ် စတင် ရပ်တည်ခဲ့သည်။ ဆိုလိုသည်မှာ တီထွင်ပြီးသည့် လက်နက်၊ လေယာဉ် အစရှိသည်တို့တွင် ဒေါက်ဂလပ် ကုမ္ပဏီ၏ ပစ္စည်းများကို ထည့်သွင်း သုံးစွဲရမည်ဆိုသည့် ပြဿနာမျိုး ဖြစ်သည်။ Ford Foundation က အစဦးပိုင်းတွင် ငွေကြေး ထောက်ပံ့မှုများ ပေးခဲ့သည်။
RAND Corporation ၏ သမိုင်းကြောင်း
ကာကွယ်ရေး ဝန်ကြီးဌာန၊ သိပ္ပံ သုတေသနနှင့် ဖွံ့ဖြိုးမှုရုံးနှင့် စက်မှုလုပ်ငန်းများမှ ပုဂိုလ်များက စစ်ဘက် စီမံချက်များကို သုတေသနနှင့် ဖွံ့ဖြိုးမှုဆိုင်ရာ ဆုံးဖြတ်ချက်များနှင့် ဆက်စပ် ဆောင်ရွက်နိုင်ရန် ပုဂလ်ိက အဖွဲ့အစည်း တစ်ခု လိုအပ်နေကြောင်း ဆွေးနွေးရာမှာ အစပြု၍ တည်ထောင်ခဲ့ကြခြင်း ဖြစ်သည်။ ၁၉၄၅ ခုနှစ် အောက်တိုဘာလ ၁ ရက်နေ့တွင် ဒေါက်ဂလပ်စ် လေယာဉ် ကုမ္ပဏီ အား အထူး ကန်ထရိုက်ပေးပြီး Project RAND ကို စတင်ခဲ့ရာ ဒီဇင်ဘာလတွင် လုပ်ငန်းများ စတင် လုပ်ဆောင်နိုင်ခဲ့သည်။ ၁၉၄၇ ခုနှစ် နှောင်ပိုင်းတွင် ဒေါက်ဂလပ် မှ ခွဲထွက်ကာ သီးခြား ဆောင်ရွက်ရန် စဉ်းစားလာခဲ့ကြသည်။ ၁၉၄၈ခုနှစ် ဖေဖော်ဝါရီလ တွင် အသစ်ဖွဲ့စည်းလိုက်သော အမေရိကန် လေတပ်မတော်၏ စစ်ဦးစီးချုပ် (Chief-of-Staff)က ဒေါက်ဂလပ် ကုမ္ပဏီ ဥက္ကဌထံ စာရေးသားကာ Project RAND အား သီးခြားခွဲထွက် တည်ထောင်ရန် ခွင့်ပြုခဲ့သည်။ RAND အား ကာလီဖိုးနီးယား ပြည်နယ် ဥပဒေ အရ ၁၉၄၈ခုနှစ် မေလ (၁၄)ရက်နေ့တွင် စတင် တည်ထောင်ခဲ့ပြီး နိုဝင်ဘာလ (၁)ရက်နေ့တွင် Project RAND ကန်ထရိုက်အား ဒေါက်ဂလပ် ကုမ္ပဏီမှ RAND Corporation သို့ တရားဝင် လွှဲပြောင်းပေးအပ်ခဲ့သည်။
၁၉၅၀ ပြည့်နှစ်မှ စပြီး RAND Research သည် အာကာသ ပြိုင်ပွဲ (Space Race)၊ အမေရိကန်- ဆိုဗီယက် နျူးကလီးယား လက်နက် ထိပ်တိုက် ရင်ဆိုင်ခြင်း (U.S – Soviet nuclear arms confrontation)၊ မဟာ လူမှုအဖွဲ့အစည်း လူမှုထောက်ပံ့ရေး အစီအစဉ်များ (Great Society social welfare programs)၊ အမျိုးသား ကျန်းမာရေး စောင့်ရှောက်မှု အစီအစဉ်များ အစရှိသော နယ်ပယ်များတွင် အမေရိကန် အစိုးရ၏ မူဝါဒရေးရာ ဆုံးဖြတ်ချက်များအား သတင်းအချက်အလက် အကူအညီ ပေးနိုင်ခဲ့သည်။ အထင်ရှားဆုံး သာဓက တစ်ခုမှာ ထိုစဉ်က ကာကွယ်ရေး ဝန်ကြီး ရောဘတ် မက္ကနာမာရာ၏ လမ်းညွှန်မှုဖြင့် ဖော်ထုတ်ခဲ့သော Nuclear deterrence by mutually assured destruction (MAD) ဖြစ်သည်။ ဆိုလိုရင်းမှာ စစ်ပွဲဖြစ်ပွားသည်နှင့် အပြန်အလှန် နျူးကလီးယားလက်နက်များ အသုံးပြုခြင်းကြောင့် နှစ်ဦးနှစ်ဘက်လုံး လုံးဝ ပျက်စီးသွားနိုင်သည့် ဥပဒေသဖြစ်သည်။ ၎င်းသည် Game Theory မှတဆင့် မွေးဖွားလာခြင်း ဖြစ်သည်။ (Game Theory ဆိုသည်မှာ မဟာဗျူဟာမြောက် အဆုံးအဖြတ်များအား လေ့လာသည့် သီအိုရီတစ်မျိုး ဖြစ်ပါသည်။ ပိုမိုတိကျစွာ ဆိုရလျှင် အသိဥာဏ် မြင့်မားပြီး ကျိုးကြောင်း ဆက်စပ်နိုင်စွမ်းရှိသော အဆုံးအဖြတ် ပေးနိုင်သူများ၏ ပူးပေါင်း ဆောင်ရွက်နိုင်စွမ်းနှင့် သဘောထားကွဲလွဲမှုများကို သင်္ချာ မော်ဒယ်များဖြင့် လေ့လာခြင်း ဖြစ်သည်။ ပြုစုသူ) RAND ၏ မဟာဗျူဟာ အရာရှိချုပ် ဖြစ်သူ ဟာမန် ခန်းန် သည် သူ၏ ၁၉၆၀ ပြည့်နှစ်တွင် ထုတ်ဝေခဲ့သော “On Thermonuclear War” စာအုပ်တွင် “Winnable nuclear exchange” အယူအဆကို ထုတ်ဖော်ခဲ့သည်။
ရည်မှန်းချက်
အကျိုးအမြတ်မယူသော အဖွဲ့အစည်း တစ်ခုအနေဖြင့် အမေရိကန် ပြည်ထောင်စု လူမှု ဖူလုံရေးနှင့် လုံခြုံရေးအတွက် အနာဂတ်တွင် သိပ္ပံ၊ ပညာရေးနှင့် လှူဒါန်းမှု ကိစ္စများအား မြှင့်တင်ပေးရန် ရည်ရွယ်သည်။ ဆောင်ရွက်ရမည့် တာဝန်အဖြစ် အရည်အသွေးနှင့် ဦးတည်ချက်တို့၏ အဓိက တန်ဖိုးများကို အသုံးချပြီး သုတေသနနှင့် လေ့လာ ဆန်းစစ်ချက်များ လုပ်ဆောင်ခြင်းဖြင့် မူဝါဒရေးဆွဲခြင်းနှင့် ဆုံးဖြတ်ချက်များချမှတ်ရာတွင် အကူအညီ ပေးနိုင်ရန်ဖြစ်သည်။
အောင်မြင်မှုများနှင့် ကျွမ်းကျင်မှုဆိုင်ရာ နယ်ပယ်များ
RAND ၏ အောင်မြင်မှုများမှာ Systems Analysis အား ဖန်တီးခြင်းဖြင့် စတင်ခဲ့ခြင်းဖြစ်သည်။ (Systems Analysis ဆိုသည်မှာ ပြဿနာများအား ဖြေရှင်းသော နည်းလမ်းတစ်ခု ဖြစ်ပါသည်။ ပထမဦးစွာ စနစ်တစ်ခုအား တည်ဆောက်ပြီး ပါဝင်ရမည့် အချက်အလက်များကို အစိတ်အပိုင်းလိုက် ထည့်သွင်းကာ အပိုင်းတစ်ခုချင်းအတွက် ၎င်းတို့ဆောင်ရွက်နိုင်စွမ်းအား လေ့လာဆန်းစစ်သော ဘာသာရပ်တစ်ခု ဖြစ်ပါသည်။ ပြုစုသူ) အခြား အရေးပါသော အောင်မြင်မှုများမှာ အာကာသ စနစ်များနှင့် အမေရိကန် ပြည်ထောင်စု အာကာသ အစီအစဉ်၊ ကွန်ပျူတာနှင့် မှတ်ဥာဏ်တု (Artificial Intelligence) တို့အား တီထွင်ရာတွင် ပါဝင်ခဲ့ခြင်း ဖြစ်သည်။ RAND မှ သုတေသီများသည် အင်တာနက် (Internet) အား တီထွင်ရာတွင် အသုံးပြုမည့် နည်းနိဿယများအား ဖော်ထုတ်နိုင်ခဲ့သည်။ ထို့အပြင် RAND သည် စစ်ကစားပွဲ (Wargaming) နည်းပညာကို ဖော်ထုတ် အသုံးချနိုင်ခဲ့သည်။
လက်ရှိ ဆောင်ရွက်သော ကျွမ်းကျင်မှု နယ်ပယ်များတွင် ကလေးသူငယ်ဆိုင်ရာ မူဝါဒ၊ မြို့ပြနှင့် ရာဇဝတ်မှုဆိုင်ရာ တရားစီရင်ရေး၊ ပညာရေး၊ ကျန်းမာရေး၊ အပြည်ပြည်ဆိုင်ရာ မူဝါဒ၊ အလုပ်သမား ဈေးကွက်၊ အမျိုးသား လုံခြုံရေး၊ အခြေခံ အဆောက်အဦး၊ စွမ်းအင်၊ ပတ်ဝန်းကျင် ထိန်းသိမ်းရေး၊ အစိုးရးချင်း ပူးပေါင်း ဆောင်ရွက်ရေး၊ စီးပွားရေး ဖွံ့ဖြိုးမှု၊ ထောက်လှမ်းရေး မူဝါဒ၊ ရေရှည် စီမံကိန်း၊ ပဋိပက္ခ ထိန်းသိမ်းရေးနှင့် ဘေးအန္တရာယ် အတွက် ကြိုတင် ပြင်ဆင်ရေး၊ လူဦးရေနှင့် ဒေသဆိုင်ရာ လေ့လာသုံးသပ်ခြင်း၊ သိပ္ပံနှင့် နည်းပညာ၊ လူမှု ဖူလုံရေး၊ အကြမ်းဖက်ဝါဒ၊ အနုပညာဆိုင်ရာ မူဝါဒနှင့် ပို့ဆောင်ရေးတို့ ပါဝင်သည်။
RAND၏ အကြီးမားဆုံး လုပ်ဆောင်ချက်မှာ ၁၉၇၄မှ ၁၉၈၄ခုနှစ် အတွင်း ကျန်းမာရေး အာမခံနှင့် ပတ်သက်ပြီး လေ့လာခြင်းအား ဒီဇိုင်းရေးဆွဲ ဆောင်ရွက်ခဲ့ခြင်း ဖြစ်သည်။ အမေရိကန် ကျန်းမာရေး ဝန်ကြီးဌာန (ပညာရေးနှင့် လူမှုဖူလုံရေး)က ငွေကြေး ထောက်ပံ့သော RAND ကျန်းမာရေး အာမခံ စမ်းသပ်ချက် အစီအစဉ်သည် လူနာများ၏ ကုန်ကျစရိတ်နှင့် ကျန်းမာရေး ဝန်ဆောင်မှု၏ လိုအပ်ချက်တို့ကို နှိုင်းယှဉ်နိုင်ရန် အာမခံကော်ပိုရေးရှင်း တစ်ခုကို တည်ထောင်ပေးနိုင်ခဲ့သည်။
နိဂုံး
၂၀၀၅ ခုနှစ် နှစ်ပတ်လည် အစီရင်ခံစာ အရ RAND၏ သုတေသန လုပ်ငန်း ထက်ဝက်ခန့်မှာ အမျိုးသားလုံခြုံရေးကိစ္စနှင့် နှီးနွယ်နေကြောင်း ဖော်ပြပါရှိသည်။ ကာကွယ်ရေးနှင့် ထောက်လှမ်းရေး အေဂျင်စီများတွင် RAND ၏ ပါဝင် ဆောင်ရွက်မှုများမှာ ထိပ်တန်း လျှို့ဝှက် အဆင့် သတ်မှတ်ထားသဖြင့် အသေးစိတ် သိရှိနိုင်ရန် ခက်ခဲပြီး ခန့်မှန်း ရေးသားနေကြကြောင်းသာ လေ့လာသိရှိရပါသည်။ လုံခြုံမှုအဆင့်အတန်း သတ်မှတ်ထားခြင်းမရှိသော အစီရင်ခံစာများကို RAND က ၎င်း၏ Official website ဖြစ်သော www.rand.org တွင် လွှင့်တင်ပေးထားပါသည်။
ဒေါက်တာ နိုင်ဆွေဦး
(Ref: Rand Corporation Official Website – www.rand.org)
